Connect with us

Hi, what are you looking for?

သတင်း

ကလေးများအပေါ် ရက်စက်ကြမ်းကြုတ်သောရာဇဝတ်မှုကျူးလွန်သူများအား တာဝန်ခံမှုရှိစေရေးလုပ်ဆောင်ရန် နိုင်ငံတကာကို NUG တောင်းဆို

NUG သည် ကလေးသူငယ်အခွင့်အရေးများဆိုင်ရာ သဘောတူစာချုပ်နှင့် ၎င်း၏နောက်ဆက်တွဲ စာချုပ်အပါအဝင် နိုင်ငံတကာဥပဒေပါ တာဝန်၀တ္တရားများနှင့်အညီ ကလေးသူငယ်များ၏ အခွင့်အရေးများကို မြှင့်တင်ကာကွယ်စောင့်ရှောက်ရန် ကတိပြုကြောင်း ကြေညာသည်။

(ညောင်လေးပင်ခရိုင်၊ ကျောက်ကြီးမြို့နယ်နှင့် မုန်းမြို့နယ်တွင် ဇွန်လ၂၈ရက်က အာဏာသိမ်းအကြမ်းဖက်စစ်ကောင်စီမှ ကျေးရွာများအတွင်းသို့ လက်နက်ကြီး၊ လက်နက်ငယ်များ ပစ်ခတ်ခြင်း၊ ကျေးရွာပြည်သူလူထုများကို ကျေးရွာများမှ ထွက်ခွာရန် မောင်းထုတ်ခြင်းကြောင့် ဘေးလွတ်ရာတိမ်းရှောင်နေရသော ကလေးငယ်များအပါအဝင် ဒေသခံများအား တွေ့ရစဥ်၊ ဓာတ်ပုံ - KNU)
(ညောင်လေးပင်ခရိုင်၊ ကျောက်ကြီးမြို့နယ်နှင့် မုန်းမြို့နယ်တွင် ဇွန်လ၂၈ရက်က အာဏာသိမ်းအကြမ်းဖက်စစ်ကောင်စီမှ ကျေးရွာများအတွင်းသို့ လက်နက်ကြီး၊ လက်နက်ငယ်များ ပစ်ခတ်ခြင်း၊ ကျေးရွာပြည်သူလူထုများကို ကျေးရွာများမှ ထွက်ခွာရန် မောင်းထုတ်ခြင်းကြောင့် ဘေးလွတ်ရာတိမ်းရှောင်နေရသော ကလေးငယ်များအပါအဝင် ဒေသခံများအား တွေ့ရစဥ်၊ ဓာတ်ပုံ - KNU)

ကုလသမဂ္ဂကလေးသူငယ်အခွင့်အရေးကော်မတီ၏ ကြေညာချက်ကို ကြိုဆို

ကလေးများအပေါ် ရက်စက်ကြမ်းကြုတ်သောရာဇဝတ်မှုများကို ကျူးလွန်သူများအား တာဝန်ခံမှုရှိစေရန်လုပ်ဆောင်ကြရမည်ဟု နိုင်ငံတကာအသိုင်းအဝန်းကို NUG က တောင်းဆိုသည်။

အမျိုးသားညီညွတ်ရေးအစိုးရ NUG ၊ လူ့အခွင့်အရေးဆိုင်ရာဝန်ကြီးဌာနက မြန်မာနိုင်ငံရှိ ကလေးသူငယ်များနှင့်ပတ်သက်၍ ကုလသမဂ္ဂ ကလေးသူငယ်အခွင့်အရေးကော်မတီ၏ ကြေညာချက်အပေါ် လှိုက်လှဲစွာကြိုဆိုကြောင်း ထုတ်ပြန်စဉ် တောင်းဆိုခြင်းဖြစ်သည်။

မြန်မာနိုင်ငံရှိ ကလေးသူငယ်များ၏ ရပိုင်ခွင့်များကို လေးစားကာကွယ်ရမည်ဖြစ်ပြီး ကလေးသူငယ်များကို အကာအကွယ်ပေးနိုင်ရန် နိုင်ငံတကာအသိုင်းအဝန်းက လျင်မြန်စွာအရေးယူဆောင်ရွက်ရန် NUGက တိုက်တွန်းသည်။

ကုလသမဂ္ဂ ကလေးသူငယ်အခွင့်အရေးကော်မတီ၏ ကြေညာချက်သည် မြန်မာနိုင်ငံ လူ့အခွင့်အရေးဆိုင်ရာ စုံစမ်းစစ်ဆေးရေးအထူးအစီရင်ခံစာတင်သွင်းသူ၏ အစီရင်ခံစာထုတ်ပြန်အပြီး တွင် ထုတ်ပြန်ခဲ့ခြင်းဖြစ်သည်။

Public Service Announcement

Public Service Announcement

အထူးအစီရင်ခံစာတင်သွင်းသူက “ကလေးငယ်များအပေါ် မညှာမတာ တိုက်ခိုက်မှုများသည် စစ်အာဏာရှင်တို့၏ အလွန်ဆိုးညစ်သော ယုတ်မာမှုနှင့် မြန်မာပြည်သူတို့အား ၎င်းတို့၏ လက် အောက်သို့ သွတ်သွင်းနိုင်ရန်အတွက် အပြစ်မဲ့ပြည်သူတို့အား ကြီးမားလှသော ဆင်းရဲဒုက္ခနှင့် ဆင်းရဲပင်ပန်းမှုတို့ခံစားရအောင် ကျူးလွန်ရန် ဆန္ဒရှိနေမှုတို့အား ထင်ရှားပေါ်လွင်စေသည်” ဟု ပြောသည်။

စစ်အုပ်စု၏ ကလေးများအပေါ် ရက်စက်ယုတ်မာစွာ ကျူးလွန်မှုများထဲတွင် ဓားစာခံအဖြစ် ခေါ်ဆောင်ခြင်း၊ လက်သည်းနှင့် သွားများကို ဆွဲနှုတ်ခြင်း၊ ဓားဖြင့်ထိုးခြင်းနှင့် မီးရှို့ခြင်း၊ လိင်ပိုင်းဆိုင်ရာ အကြမ်းဖက်ခြင်း၊ သေဒဏ်စီရင်မည်ဟု ကြေညာခြင်း၊ အစာနှင့် ရေဖြတ်တောက်ခြင်းနှင့် ဆေးကုသခွင့်မပေးခြင်းတို့ ပါဝင်သည်။

NUG သည် ကလေးသူငယ်အခွင့်အရေးများဆိုင်ရာ သဘောတူစာချုပ်နှင့် ၎င်း၏နောက်ဆက်တွဲ စာချုပ်အပါအဝင် နိုင်ငံတကာဥပဒေပါ တာဝန်၀တ္တရားများနှင့်အညီ ကလေးသူငယ်များ၏ အခွင့်အရေးများကို မြှင့်တင်ကာကွယ်စောင့်ရှောက်ရန် ကတိပြုကြောင်း ကြေညာသည်။

စစ်တပ်သည် တရားမဝင်အာဏာသိမ်းပြီးနောက် ကလေးသူငယ် အနည်းဆုံး ၁၄၂ ဦးကို သတ်ဖြတ်ခဲ့ပြီး ၁,၄၀၀ ကျော်ကို တရားလက်လွှတ်ဖမ်းဆီးထိန်းသိမ်းခဲ့သည်။ အသက် ၃ နှစ်အောက် ကလေးငယ်အများအပြားအပါအဝင် အနည်းဆုံး ၆၁ ဦးကို ဓားစာခံအဖြစ် ဖမ်းဆီးထားသည်။

ထို့အပြင် မြန်မာနိုင်ငံတွင် အကြမ်းဖက်မှုများ ဆက်လက်ဖြစ်ပွားနေသဖြင့် ကျောင်းထွက်ခဲ့ရသည့် ကလေးသူငယ် အရေအတွက်သည် ၇.၈ သန်းရှိနေကြောင်း ကုလသမဂ္ဂက ခန့်မှန်းသည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

နိုင်ငံတကာ ပါလီမန်များ အဖွဲ့ညီလာခံသို့ တက်ရောက်ခဲ့တဲ့ မြန်မာလွှတ်တော်ကိုယ်စားလှယ်အဖွဲ့ဟာ မြန်မာရွေးကောက်ခံလွှတ်တော်ကိုယ်စားလှယ်များပါဝင်တဲ့ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) ရဲ့ နိုင်ငံရေးရပ်တည်ချက်များ၊ ရည်မှန်းချက်များနဲ့ လုပ်ငန်းဆောင်ရွက်ချက်များကို နိုင်ငံတကာအသိုက်အဝန်းက ကျယ်ကျယ်ပြန့်ပြန့်သိရှိစေရေး ဆောင်ရွက်ခဲ့ကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။