ကရင်အမျိုးသားအစည်းအရုံး(KNU) တပ်မဟာ(၃) ညောင်လေးပင်ခရိုင်အတွင်း ထိုးစစ်ဆင်နေသည့် စစ်ကောင်စီတပ်က ကျောက်ကြီးမြို့နယ် လော်မူပယ်ကျေးရွာသို့ ဝင်ရောက်ပြီး ပြည်သူလူထုများအား ပစ်ခတ်သတ်ဖြတ်ခဲ့၍ လေးဦးသေဆုံးပြီး တစ်ဦး ဒဏ် ရာရခဲ့ကြောင်း KNUက သတင်းထုတ်ပြန်သည်။
ဇူလိုင်၃ရက် ညနေပိုင်းက ဗိုလ်မှူးဇေယျာလင်း ဦးဆောင်သည့် စစ်ကောင်စီတပ်က လော်မူပယ်ရွာသို့ဝင်၍ ရွာသားများကို ပစ်သတ်ပြီး နေအိမ်များကို မီးရှို့ခဲ့ကြောင်း၊စစ်ကောင်စီတပ် ပစ်ခတ်၍ အသက် ၁၈နှစ်အရွယ်လူငယ် တစ်ဦး၊ အသက် ၂၄နှစ်အရွယ် လူငယ် တစ်ဦးနှင့် အမည်မသိရသေးသည့် ပြည်သူ နှစ်ဦး အသက်ဆုံးရှုံးခဲ့ရသည်ဟု ဖော်ပြထားသည်။
ထို့ပြင် အသက် (၃၀)အရွယ် လူငယ်တစ်ဦး ဒဏ်ရာရခဲ့ကြောင်း၊ စစ်ကောင်စီတပ်လက်ချက်ကြောင့် လော်မူပယ်ကျေးရွာရှိ နေအိမ် (၁၂)လုံး၊ ဆိုင်ကယ်(၁၃)စီး၊ ကားတစ်စီးနှင့် စက်ဘီးအချို့ မီးလောင်ပျက်စီးခဲ့ကြောင်း ထုတ်ပြန်သည်။
လက်ရှိတွင် KNU ညောင်လေးပင်ခရိုင် (တပ်မဟာ၃) နယ်မြေသို့ စစ်ကောင်စီတပ်များက ထိုးစစ်ဆင်မှု များပြားလာကြောင်း ဖော်ပြထားသည်။
Public Service Announcement
