Connect with us

Hi, what are you looking for?

LuduNwayOo

သတင်း

အရပ်သားပစ်မှတ်ကို ဦးတည်ပြီးတိုက်ခိုက်သည့်စစ်ကောင်စီ၏လုပ်ရပ် ပိုမိုဆိုးဝါးလာဟု KNU ပြော

Kaung For You ကျောင်း နှင့် ဆက်စပ်နေသူများအပါအဝင် CDM ဆရာ၊ ဆရာမများအား ပစ်မှတ်ထား ဖမ်းဆီးရန် ကြိုးပမ်းနေသည့် စစ်ကောင်စီ၏ လုပ်ရပ်နှင့်ပတ်သက်ပြီး မေးမြန်းမှုအပေါ် ပဒိုစောတောနီးက အထက်ပါအတိုင်း မှတ်ချက်ပြု ပြောကြားလိုက်ခြင်းဖြစ်သည်။

ပဒိုစောတောနီး
ပဒိုစောတောနီး

●CDM ဆရာ/ဆရာမများ လာရောက်ခိုလှုံပါက လူသားချင်းစာနာထောက်ထားမှု ရှုထောင့်အရ ဆက်လက်လက်ခံမည်ဟု အသိပေး

စစ်ကောင်စီတပ်သည် မည်သည့်အရာကိုမှ ဂရုမစိုက်တော့ဘဲ အရပ်သား ပစ်မှတ်ကို ဦးတည်ပြီး တိုက်ခိုက်မှုများ ပိုမို ဆိုးဝါးလာကြောင်း ကရင်အမျိုးသားအစည်းအရုံး(KNU) ပြောရေးဆိုခွင့်ရှိသူ ပဒိုစောတောနီးက ပြောကြားသည်။

Kaung For You ကျောင်း နှင့် ဆက်စပ်နေသူများအပါအဝင် CDM ဆရာ၊ ဆရာမများအား ပစ်မှတ်ထား ဖမ်းဆီးရန် ကြိုးပမ်းနေသည့် စစ်ကောင်စီ၏ လုပ်ရပ်နှင့်ပတ်သက်ပြီး မေးမြန်းမှုအပေါ် ပဒိုစောတောနီးက အထက်ပါအတိုင်း မှတ်ချက်ပြု ပြောကြားလိုက်ခြင်းဖြစ်သည်။

“စကစဟာ ဘာဆိုဘာမှကို အလေးမထားပါဘူး။ အထူးသဖြင့် စစ်ရေးပစ်မှတ်ထက် အရပ်သား ပစ်မှတ်ကို ဦးတည်ပြီး တိုက်ခိုက်နေတယ်ဆိုတာ ပိုပြီးတော့ ထင်ရှားလာတယ်။ အဲဒါ ပိုပြီး ဆိုးဝါးလာတဲ့ အနေအထား ရောက်လာတာ။ ဒါလုံး၀ ဂရုမစိုက်ဘဲနဲ့ ဘယ်လောက်ပဲ ရှုတ်ချ ရှုတ်ချ ဘယ်လောက်ပဲ ဝေဖန်ဝေဖန် နားကို မထောင်ပါဘူး” ဟု ပဒိုစောတောနီးက ပြောသည်။

CDM ဆရာဆရာမ များအပါအဝင် စစ်ကောင်စီတပ်၏ အကြမ်းဖက် လုပ်ရပ်များ ကြောင့် KNU နယ်မြေသို့ရောက်ရှိလာသူများကို လူသားချင်းစာနာထောက်ထားမှု ရှုထောင့်အရ လက်ခံနေသည့် အဖွဲ့၏ မူဝါဒမှာ အပြောင်းအလဲမရှိကြောင်းလည်း ၎င်းက ဆိုသည်။

“လူသားချင်း စာနာထောက်ထားမှုရှုထောင့်ကနေ မူဝါဒဘယ်လိုမှ ပြောင်းလဲနိုင်စရာ အကြောင်းမရှိပါဘူး” ဟု ပဒိုစောတောနီးက ပြောသည်။

စစ်ကောင်စီ၏ လူမဆန်စွာ လုပ်ဆောင်နေမှုနှင့်ပတ်သက်ပြီး လက်လျှော့၍ မရဘဲ အားလုံးကို ရင်ဆိုင်သွားရမည်ဖြစ်ကြောင်း ၎င်းက ဆိုသည်။

“ဘယ်လိုပဲဖြစ်ဖြစ် တိုက်ပွဲကို ကျွန်တော်တို့ အောင်ပွဲ ခံနိုင်တဲ့အထိ ဆက်ပြီး တိုက်ပွဲဝင်ရမယ်” ဟု ပဒိုစောတောနီးက ပြောကြားသည်။

KNU အနေဖြင့် စစ်တပ်အာဏာသိမ်းစကတည်းက စစ်ကောင်စီ၏ အာဏာသိမ်းမှုကို ဆန့်ကျင်ပြီး ပြည်သူလူထု ဘက်က ရပ်တည်ကာ ၎င်းတို့ဒေသတွင်း လာရောက်ခိုလှုံသူများကို အကူအညီ အကာအကွယ်ပေးလျက်ရှိသည်။ထို့ပြင် နိုင်ငံရေးရည်မှန်းချက်တူညီသည့် မည်သည့်အဖွဲ့နှင့်မဆို ပူးပေါင်းပြီး အာဏာရှင်စနစ်ချုပ်ငြိမ်းရေး ဆောင်ရွက်သွားမည်ဖြစ်ကြောင်း အသိပေးကာ စစ်ကောင်စီတပ်ကို ခုခံတိုက်ခိုက်လျက်ရှိသည်။

You May Also Like

သတင်း

ဒီလို ကုန်ကျစရိတ်တိုးကောက်ရတာဟာ ဂျပန်ယန်းဈေးနှုန်းအပြောင်းအလဲကြောင့်ဖြစ်တယ်လို့ စစ်ကောင်စီက ဆိုထားပါတယ်။

သတင်း

စစ်ကောင်စီသည် ၎င်းတို့ အာဏာတည်မြဲရေးအတွက် နည်းမျိုးစုံဖြင့် လုပ်ဆောင်မည်ဖြစ်ပြီး ပြည်သူများမည်မျှပင် သေဆုံးစေကာမူ နှိပ်စက် ဖျက်ဆီးမည်ဖြစ်ကြောင်း ရိုက်တာ သတင်းဌာနမှတဆင့် နိုင်ငံတကာသို့ ပြောသည်။

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။

သတင်း

နိုဝင်ဘာ ၂၉ ရက်ကလည်း ရွှေဘိုမြို့နယ်အနောက်ခြမ်း၌ စစ်ကောင်စီတပ်နှင့် ဒေသတွင်း PDFများ တိုက်ပွဲလေးကြိမ်ဖြစ်ပွားရာ စစ်ကောင်စီဘက်က အကျအဆုံးများခဲ့သည်။