အမေရိကန်ရောက် မြန်မာ ၃၀၀ ကျော် တက်ရောက်ဆုတောင်း
အမေရိကန်ရောက် မြန်မာ ၃၀၀ ကျော် တက်ရောက်ဆုတောင်းအမေရိကန်နိုင်ငံ နယူးယောက်မြို့ Queens မြို့နယ်တွင် ဇူလိုင် ၂၆ ညပိုင်း၌ NYCBC အဖွဲ့နှင့်အတူမြန်မာနိုင်ငံသားများပူးပေါင်း၍ “ရဲရင့်သော ကြယ်တာရာတို့တွက် သန္နိဌာန်ပြု ဆုတောင်းပွဲ” နှင့် စစ်အာဏာရှင် ဆန့်ကျင်ရေး ဆန္ဒထုတ်ဖော်ပွဲ ကျင်းပပြုလုပ်ခဲ့သည်။
အဆိုပါပွဲကို အမေရိကန်နိုင်ငံရောက် မြန်မာပြည်ဖွား ၃၀၀ကျော် တက်ရောက်ခဲ့ပြီး ဇူလိုင် ၂၆ ည ၇ နာရီမှ ၈ နာရီအခွဲအထိ စုရုံးကျင်းပခဲ့သည်။
ဆန္ဒပြပြည်သူများက ကိုဂျင်မီ၊ ကိုဖြိုးဇေယျာသော်၊ ကိုအောင်သူရဇော်နှင့် ကိုလှမျိုးအောင်တို့လေးဦးနှင့်တကွ အာဇာနည် အားလုံးတို့ကို ဦးညွတ်အလေးပြုခဲ့ကြပြီး သေဒဏ်စီရင်ခံခဲ့ရသူ ၄ ဦးနှင့်အတူ ဖမ်းဆီးအကျဉ်းချခံထားရသည့် တော်လှန်ရေးရဲဘော်များ၊ အသက်ဆုံးရှုံးခဲ့ရသည့် တော်လှန်ရေးရဲဘော်များ အားလုံးအတွက် ဆုတောင်းမေတ္တာပို့သခဲ့ကြသည်။
ထို့အပြင် “မိမိကိုယ်ကို မျိုးစေ့အဖြစ် ကြဲပက်ခဲ့သူအာဇာနည်အပေါင်း၏ ကျေးဇူးဂုဏ်ကို ရည်မှန်း” ရင်းအရေးတော်ပုံအောင်သည်အထိ ကြိုးစားတွန်းလှန်သွားမည် ဟု သံန္နိဌာန်ပြုခဲ့ကြကြောင်း သိရသည်။
Public Service Announcement
