ဇေယျာသော်စစ်ဆင်ရေးအနေဖြင့် ပဲခူးတိုင်းဒေသကြီး လက်ပံတန်းမြို့နယ် ဥတိုချောင်းဖျားကျေးရွာမှ စစ်ကောင်စီတပ်သတင်းပေး ရာအိမ်မှူးကို ရှင်းလင်းခဲ့ကြောင်း ရွှေတန်းမြေပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ဩဂုတ် ၃ ရက် ည ၁၀နာရီခန့်တွင် ရေချိုးနေသည့် သတင်းပေး ရာအိမ်မှူးကို သာယာဝတီခရိုင် တပ်ရင်း (၃၈၀၂)၊တပ်ခွဲ – ၄ ၊ရွှေတန်းမြေပြည်သူ့ကာကွယ်ရေးတပ်ဖွဲ့ ဒုတာဝန်ခံဒေါင်းလေးအဖွဲ့က သေနတ်ဖြင့် နှစ်ချက် ပစ်ခတ် ရှင်းလင်းခဲ့ခြင်းဖြစ်သည်။
“ဇေယျာသော်စစ်ဆင်ရေးအဖြစ်ဒလန်ရှင်းလင်းရာပေါင်အားတစ်ချက် ခေါင်းအားတစ်ချက် ပစ်ခတ်ခဲ့ပြီး စစ်ကောင်စီတပ်ဖွဲ့မှ ပတ်ကင်းရောက်လာကာ ပြန်လည်ဆုတ်ခွာလာခဲ့ရ၍ ဒလန်မြင်ဦး၏ အခြေအနေအားသေမသေ မသိရှိရသေး၍စုံစမ်းနေဆဲဖြစ်ပါသည်။”ဟု ရွှေတန်းမြေပြည်သူ့ကာကွယ်ရေးတပ်ဖွဲ့က ထုတ်ပြန်သည်။
အဆိုပါရာအိမ်မှူးသည် အကြမ်းဖက်စစ်ကောင်စီတပ်ကိုဆန့်ကျင်ကာ ငြိမ်းချမ်းစွာ ဆန္ဒပြသည့် ဒေသခံပြည်သူများနှင့် CDM ဝန်ထမ်းများကို ဖမ်းဆီးခိုင်းခြင်း ၊ ပြည်သူ့ကာကွယ်ရေးတပ်ဖွဲ့များ၏ အချက်အလက်များကို စစ်ကောင်စီထံ သတင်းပို့ခြင်း ၊ မီတာခများအတင်းကောက်ခံခြင်း ၊ ပြည်သူ့ကာကွယ်ရေးတပ်ဖွဲ့များကို ဆဲဆို၍ စိန်ခေါခြင်း စသည့်သတင်းပေးချက်များကို စိစစ်အတည်ပြု၍ ရှင်းလင်းခဲ့ခြင်းဖြစ်ကြောင်း ထုတ်ပြန်ချက်၌ ဖော်ပြထားသည်။
Public Service Announcement
အကြမ်းဖက်စစ်အုပ်စုကို အားပေးနေသည့် စစ်ကောင်စီထောက်တိုင်များကို အမြစ်ပြတ်ရှင်းလင်းမည့် ဇေယျာသော် စစ်ဆင်ရေးအနေဖြင့် တိုက်ခိုက်မှူများ စတင်နေပြီဖြစ်သောကြောင့် ပြည်သူများအနေဖြင့် စစ်ကောင်စီထောက်တိုင် များအနီးသို့ လုံးဝသွားလာခြင်းမပြုရန်ရွှေတန်းမြေပြည်သူ့ကာကွယ်ရေးတပ်ဖွဲ့ က မေတ္တာရပ်ခံထားသည်။
