စစ်အုပ်စုအာဏာသိမ်းပြီးနောက် ဖမ်းဆီကာ ပုဒ်မအသီးသီးတပ်ပြီး ထောင်ချထားတဲ့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို အမြန်ဆုံးလွှတ်ဖို့ အာဆီယံအဖွဲ့ဝင် မလေးရှားအစိုးရက တောင်းဆိုလိုက်ပါတယ်။
မနေ့က စစ်ကောင်စီဟာ ဒေါ်အောင်ဆန်းစုကြည်ကို အဂတိပုဒ်မ ၄ မှုအတွက် ထောင်ဒဏ် ၆ နှစ်ထပ်ချလိုက်တဲ့လုပ်ရပ် ပြီးနောက် မလေးရှားနိုင်ငံခြားရေးဝန်ကြီးက တွစ်တာကနေ တောင်းဆိုလိုက်တာပါ။
မလေးရှားအနေနဲ့ မြန်မာလူထုနဲ့အတူ ရပ်တည်တယ်လို့လည်း ဆိုထားပါတယ်။
ဒါအပြင် အမျိုးသားညီညွှတ်ရေးအစိုးရ (NUG) ၊ အမျိုးသားညီညွှတ်ရေးအတိုင်ပင်ခံကောင်စီ(NUCC) တို့နဲ့တွေ့ဆုံဆွေးနွေးတာတွေလုပ်ကြဖို့ကိုလည်း မလေးရှားနိုင်ငံခြားရေးဝန်ကြီးက ထည့်သွင်းတောင်းဆိုထားပါတယ်။
မလေးရှားအစိုးရ ဟာအာဏာသိမ်းစစ်ကောင်စီကိုအသိအမှတ်မပြုကြောင်းနဲ့ NUG နဲ့သာထိတွေ့ဆက်ဆံဖို့ တရားဝင်တိုက်တွန်းပြောဆိုနေတဲ့ နိုင်ငံလည်းဖြစ်ပါတယ်။