Connect with us

Hi, what are you looking for?

LuduNwayOo

သတင်း

ဗြိတိန်သံအမတ်ဟောင်းနဲ့ခင်ပွန်းကို ထောင် ၅နှစ်ထိချလို့ရတဲ့ လဝက ပုဒ်မနဲ့ စစ်ကောင်စီအမှုဖွင့်

ဗီဇာထုတ်ပေးချိန်က နေထိုင်ရမယ့် လိပ်စာဟာ ရန်ကုန် ၊စမ်းချောင်းက ပန်းလှိုင်အိမ်ရာမှာဖြစ်ပေမယ့် အဲဒီလိပ်စာမှာ နေထိုင်တာမရှိဘဲ ကလောမှာ သွားရောက်နေထိုင်ခဲ့တယ်လို့စစ်ကောင်စီက ဆိုထားပါတယ်။

ဗြိတိန်သံအမတ်ကြီးဟောင်းကို စစ်ကောင်စီ ဖမ်းဆီး
ဗြိတိန်သံအမတ်ကြီးဟောင်းကို စစ်ကောင်စီ ဖမ်းဆီး

လိပ်စာပြောင်းရွှေ့နေထိုင်တာ လျှောက်ထားဖို့ ပျက်ကွယ်တယ်ဆိုပြီး စစ်ကောင်စီ အကြောင်းပြ ဖမ်ဆီး

မြန်မာနိုင်ငံမှာအခြေချနေထိုင်နေတဲ့ ဗြိတိန်သံအမတ်ဟောင်းမစ္စ ဗစ်ကီဘိုးမန်း ကို ဗီဇာနေထိုင်ခွင့်သက်တမ်းကျော်လွန်တာမရှိပေမယ့် အိမ်လိပ်စာပြောင်းတာကို လျှောက်ထားဖို့ပျက်ကွက်တယ်ဆိုကာ စစ်ကောင်စီက ဖမ်ဆီးလိုက်ပါတယ်။

မြန်မာနိုင်ငံဆိုင်ရာ ဗြိတိန် သံအမတ်ကြီးဟောင်း ဗစ်ကီဘိုးမန်းရဲ့ ဗီဇာသက်တမ်းဟာ လာမယ့် အောက်တိုဘာအထိဖြစ်ပါတယ်။

ဗီဇာထုတ်ပေးချိန်က နေထိုင်ရမယ့် လိပ်စာဟာ ရန်ကုန် ၊စမ်းချောင်းက ပန်းလှိုင်အိမ်ရာမှာဖြစ်ပေမယ့် အဲဒီလိပ်စာမှာ နေထိုင်တာမရှိဘဲ ကလောမှာ သွားရောက်နေထိုင်ခဲ့တယ်လို့စစ်ကောင်စီက ဆိုထားပါတယ်။

အဲဒီလို နေရပ်လိပ်စာပြောင်းရွှေ့နေထိုင်ရာမှာ လိပ်စာပြောင်းလျှောက်ထားဖို့ပျက်ကွက်တာကြောင့် လဝက ဥပဒေ ပုဒ်မ ၁၃ (၁) နဲ့ တရားစွဲထားတယ်လို့စစ်ကောင်စီရဲ့သတင်းထုတ်ပြန်ချက်မှာတွေ့ရပါတယ်။

Public Service Announcement

Public Service Announcement

ဗစ်ကီဘိုးမန်းရဲ့ ခင်ပွန်းဖြစ်သူ ဦးထိန်လင်း ကိုလည်း ဇနီးဖြစ်သူ လိပ်စာပြောင်းနေထိုင်တာကို သိပေမယ့် အားပေးအားမြှောက်လုပ်တယ်ဆိုကာ လဝက ဥပဒေ ပုဒ်မ ၁၃(င) နဲ့ စစ်ကောင်စီက တရားစွဲဆိုပါသေးတယ်။

အဲဒီပုဒ်မ ၂ ခုလုံးဟာ ထောင်ဒဏ် ၅ နှစ်အထိ ချနိုင်တဲ့ပုဒ်မတွေလည်းဖြစ်ပါတယ်။

ဗစ်ကီဘိုးမန်းတို့ ဇနီးမောင်နှံကို မနေ့က ညပိုင်းက စမ်းချောင်း ၊ပန်းလှိုင်က နေအိမ်မှာ စစ်ကောင်စီက ဖမ်းဆီးခဲ့တာဖြစ်ပြီး အင်းစိန်ထောင်ကိုပို့ဆောင်ထားတယ်လို့သိရပါတယ်။

ဖမ်းဆီးခံရသူ ဗစ်ကီဘိုးမန်းဟာ ပြီးခဲ့တဲ့ စစ်အစိုးရ လက်ထက် မှာ ၂၀၀၂ ခုနှစ်ကနေ ၂၀၀၆ ခုနှစ်အထိ မြန်မာနိုင်ငံဆိုင်ရာ ဗြိတိန်သံအမတ်ကြီးအဖြစ် လေးနှစ်ကြာ တာဝန်ထမ်းဆောင်ခဲ့သူဖြစ်ပါတယ်။

အမျိုးသားဖြစ်သူ ဦးထိန်လင်းကတော့ ပန်းချီပညာရှင်ဖြစ်ပြီး နိုင်ငံရေးအကျဉ်းသားဟောင်းလည်းဖြစ်ပါတယ်။

သံအမတ်တာဝန်ထမ်းဆောင်ပြီးနောက် အငြိမ်းစားယူကာ ရန်ကုန်မြို့မှာအခြေချနေထိုင်ပြီး မြန်မာ့နိုင်ငံရဲ့ စီးပွားရေးကဏ္ဍ တာဝန်ယူမှု တာဝန်ခံမှုရှိစေရေးအထောက်အကူပြုနိုင်ဖို့ (Myanmar Centre for Responsible Business – MCRB) ကို တည်ထောင်ကာဆောင်ရွက်နေသူဖြစ်ပါတယ်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။