မလေးရှားကလွဲပြီး ကျန်တဲ့ အာဆီယံအဖွဲ့ဝင်နိုင်ငံတွေကို စစ်ကောင်စီဗီဇာကင်းလွတ်ခွင့်ပေး

NUG အစိုးရကို အားပေးထောက်ခံနေတဲ့ မလေးရှားနိုင်ငံကလွဲရင် ကျန်တဲ့ အာဆီယံအဖွဲ့ဝင်နိုင်ငံတွေကို ပြည်ဝင်ခွင့်ဗီဇာကင်းလွတ်ခွင့်ပြုတယ်လို့ စစ်ကောင်စီက ဒီနေ့မှာ ကြေညာလိုက်ပါတယ်။

ကိုဗစ်အလွန် ပြည်ဝင်ခွင့်ဆိုင်ရာ ကန့်သတ်မှုကို ဖြေလျော့ရာမှာ စစ်ကောင်စီက မလေးရှားနိုင်ငံကိုချန်ထားခဲ့တာပါ။

ကျန်တဲ့ ဖိလစ်ပိုင်နိုင်ငံ၊ ကမ္ဘောဒီးယားနိုင်ငံ၊ ထိုင်းနိုင်ငံ၊ စင်ကာပူနိုင်ငံ၊ အင်ဒိုနီးရှားနိုင်ငံ၊ လာအိုနိုင်ငံ၊ ဗီယက်နမ်နဲ့ ဘရူနိုင်း နိုင်ငံတွေကို ပြည်ဝင်ခွင့် ဗီဇာ ကင်းလွတ်ခွင့်ပြုတယ်လို့ စစ်ကောင်စီက ဆိုထားပါတယ်။

မလေးရှားအစိုးရဟာ အာဏာသိမ်း စစ်ကောင်စီကို အာဆီယံအစည်းအဝေးတွေမှာ တက်ရောက်ခွင့်မပြုဖို့ ဦးဆောင်ဆော်သြသူဖြစ်သလို လူထုကို ကိုယ်စားပြုတဲ့ NUG အစိုးရ ကိုထိတွေ့ဆက်ဆံဖို့ ၊ NUG ကို အသိအမှတ်ပြုဖို့ အာဆီယံအဖွဲ့ဝင်နိုင်ငံတွေကို တိုက်တွန်းနေတာဖြစ်ပါတယ်။

Public Service Announcement