စစ်ကိုင်းတိုင်း ဘုတလင်မြို့နယ်တွင် စစ်ကောင်စီတပ်သား နှစ်ဦးက သေနတ်နှစ်လက်၊ လက်ပစ်ဗုံးငါးလုံးနှင့် ကျည်ဆန်အမြောက်အများယူဆောင်လာပြီး ပြည်သူနှင့် ပူးပေါင်းပြီး CDM ပြုလုပ်လာသည်။
ဘုတလင်မြို့နယ် ကူတော်ရဲစခန်းတွင် တာဝန်ကျနေသော စစ်သားနှစ်ဦး CDM ပြုလုပ်လာခြင်းဖြစ်ကြောင်း ဘုတလင်မြို့နယ်သတင်းမှန်ပြန်ကြားရေးက ယနေ့(စက်တင်ဘာ ၁၁ရက်) သတင်းထုတ်ပြန်သည်။
CDM ပြုလုပ်လာသော စစ်သားနှစ်ဦးသည် MA2၊ MA1 အမျိုးအစား သေနတ် နှစ်လက်၊ ကျည်အတောင့် ၄၀၀ ၊ လက်ပစ်ဗုံး ငါးလုံးနှင့် နင်းမိုင်း တစ်ခုကိုပါယူဆောင်လာခဲ့သည်ဟု ဆိုသည်။
အဆိုပါ တပ်သားနှစ်ဦးကို ဒေသတွင်းပြည်သူ့ကာကွယ်ရေးတပ်ဖွဲ့ဖြစ်သည့် ဒုံးပျံ Local PDF တပ်ဖွဲ့က တစ်ဦးလျှင် သိန်း ၅၀စီ ချီးမြှင့်ပြီး လွတ်မြောက်နယ်မြေသို့ ပို့ဆောင်ပေးခဲ့ကြောင်း ဘုတလင်မြို့နယ်သတင်းမှန်ပြန်ကြားရေးက ထုတ်ပြန်ထားသည်။
ဘုတလင်မြိုနယ် သတင်းမှန်ပြန်ကြားရေးဖေ့စ် ဘွတ်ခ်စာမျက်နှာသည် ဒေသတွင်း တော်လှန်ရေးအင်အားစုများ၏ သတင်းထုတ်ပြန်ရေးဌာန ဖြစ်သည်။
ယမန်နေ့ကလည်း မိုးဗြဲမြို့တွင် စစ်ကောင်စီတပ်ဖွဲဲ့ဝင်သုံးဦးက ပြည်သူ့ကာကွယ်ရေးတပ်ဖွဲ့ထံ ပူးပေါင်းလာပြီး CDM ပြုလုပ်ခဲ့သည်။
