Connect with us

Hi, what are you looking for?

သတင်း

အစွန်းရောက် လူမျိုးကြီးဝါဒနှင့် အမျိုးသားရေးဝါဒကို အသုံးချလေ့ရှိသည့် အာဏာရှင်စနစ်များ ပျောက်ကွယ်ရေး အားထုတ်ကြရန် KNU တိုက်တွန်း

ယနေ့ စက်တင်ဘာ ၂၁ရက်တွင် ကျရောက်သည့် အပြည်ပြည်ဆိုင်ရာ ကမ္ဘာ့ငြိမ်းချမ်းရေးနေ့သို့ KNUက သဝဏ်လွှာပေးပို့ရာ၌ အထပ်ပါအတိုင်း တိုက်တွန်းခဲ့ခြင်းဖြစ်သည်။

(KNU/KNLA တပ်ဖွဲ့ဝင်များ ။ဓါတ်ပုံ-EPA)
(KNU/KNLA တပ်ဖွဲ့ဝင်များ ။ဓါတ်ပုံ-EPA)

အစွန်းရောက် လူမျိုးကြီး ဝါဒနှင့် အစွန်းရောက် အမျိုးသားရေးဝါဒများကို အသုံးချလေ့ရှိသည့် အာဏာရှင်စနစ်နှင့် စစ်အာဏာရှင်စနစ်များ ပျောက်ကွယ်သွားပြီး ပြည်ထောင်စုကြီး၏ ငြိမ်းချမ်းရေးအတွက် စွမ်းစွမ်းတမံ ကြိုးစားအားထုတ်ကြရန် တိုက်တွန်းကြောင်း ကရင်အမျိုးသားအစည်းအရုံး(KNU) က ထုတ်ပြန်သည်။

ယနေ့ စက်တင်ဘာ ၂၁ရက်တွင် ကျရောက်သည့် အပြည်ပြည်ဆိုင်ရာ ကမ္ဘာ့ငြိမ်းချမ်းရေးနေ့သို့ KNUက သဝဏ်လွှာပေးပို့ရာ၌ အထပ်ပါအတိုင်း တိုက်တွန်းခဲ့ခြင်းဖြစ်သည်။

ယခုနှစ် ကမ္ဘာ့ ငြိမ်းချမ်းရေးနေ့၏ ဆောင်ပုဒ်သည် အစွန်းရောက် လူမျိုးကြီး ဝါဒနှင့် အစွန်းရောက် အမျိုးသားရေးဝါဒများကို ချုပ်ငြိမ်းစေပြီး ငြိမ်းချမ်းရေးကို တည်ဆောက်ရေး ဖြစ်သည်။

ထို့ကြောင့် ယခု ၂၀၂၂ မှ စပြီးနောင်လာမည့် နှစ်များတွင် အစွန်းရောက်လူမျိုးကြီး ဝါဒနှင့် အစွန်းရောက်အမျိုးသားရေးဝါဒများ အဆုံးသတ်ပြီး ငြိမ်းချမ်းရေးကို တည်ဆောက်ရန် အတွက် မိမိတို့၏ တာဝန်ဖြစ်ကြောင်း၊ ငြိမ်းချမ်းရေးကို အမှန်တကယ် တည်ဆောက်လိုပါက ပြည်သူ လူထုနှင့် သက်ဆိုင်သူ ကမ္ဘာ လူသားအားလုံးအတွက် လွတ်လပ်မှုနှင့် တန်းတူညီမျှမှု အခွင့်အရေးများကို အပ်နှင်းထားပြီး လူမျိုးရေးအရ ခွဲခြားဆက်ဆံမှုများမှ ကင်းဝေးသော လူ့အဖွဲ့အစည်းကို တည်ဆောက်ရန် လိုအပ်ကြောင်း KNUကတိုက်တွန်းသည်။

Public Service Announcement

Public Service Announcement

နိုင်ငံသူ နိုင်ငံသားများနှင့်သက်ဆိုင်သူကမ္ဘာ့လူသားအားလုံးအတွက် အသက်မွေးဝမ်းကြောင်းမှု အပြင် ဘ၀ အသက်တာကို ဖွံ့ဖြိုးတိုးတက်နိုင်ရန် ဖန်တီးပိုင်ခွင့်များ အပ်နှင်းထားရမည်ဖြစ်ကြောင်း၊ မိမိတို့၏ ယဉ်ကျေးမှု၊ ရိုးရာနှင့် ဓလေ့ထုံးတမ်းများအားလွတ်လပ်စွာ ထိန်းသိမ်းပိုင်ခွင့် နှင့် မြှင့်တင်ပိုင်ခွင့်များလည်း အပ်နှင်းထားရမည်ဖြစ်ကြောင်း ဖော်ပြထားသည်။

အစွန်းရောက်လူမျိုးကြီး ဝါဒသည် နေ့စဉ် ဘ၀အသက်တာနှင့် လူမှုအသိုင်းအဝိုင်း တစ်ခုတည်း၌ ဖြစ်စေ၊ နိုင်ငံတစ်နိုင်ငံတည်းတွင် အတူတကွ ရှင်သန်နေထိုင်နိုင်ရန် အတွက်ဖြစ်စေ အဆိပ်အတောက်နှင့် အခက်အခဲ အတားအဆီးများကို ဖြစ်ပေါ်စေပြီး အခြေခံ လူ့အခွင့်အရေး ချိုးဖောက်မှုများကို ဖြစ်ပေါ်စေကြောင်း KNU၏ သဝဏ်လွှာ၌ ပါရှိသည်။

ထို့ပြင် အာဏာရှင်နှင့်စစ်အာဏာရှင်များသည်အစွန်းရောက်လူမျိုးကြီး ဝါဒနှင့် အစွန်းရောက် အမျိုးသားရေးဝါဒ များကို အသုံးချလေ့ရှိသောကြောင့် ယင်းဝါဒများသည် ပဋိပက္ခ အပြင် အကြမ်းဖက်မှုများနှင့် စစ်မက်ဖြစ်ပွားရခြင်း အားလုံး၏ အခြေခံ အကြောင်းတရား ဖြစ်ကြောင်း ဖော်ပြထားသည်။

ဆက်စပ်သတင်းများ

သတင်း

မြန်မာ-ထိုင်းနယ်စပ်တိုက်ပွဲ​တွေမှာ စစ်တပ်က ထိုင်းနိုင်ငံကတဆင့် KNUကို ဖိအားပေးဖို့ ထိုင်းနိုင်ငံဘက်ကို ရည်ရွက်ချက်ရှိရှိနဲ့ လက်နက်ကြီးကျည်တွေပစ်ခတ်နေတယ်လို့ ဒေသခံသတင်းရင်းမြစ်အချို့က ပြောပါတယ်။

သတင်း

အုပ်ချုပ်ရေးယန္တရားခိုင်မာရေးနဲ့ စွမ်းဆောင်ရည်မြှင့်တင်ရေးဆိုင်ရာတွေ ဆွေးနွေး

သတင်း

ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ညောင်လေးပင်ခရိုင်အတွင်းရှိ ကျေးရွာတစ်ရွာကို အာဏာသိမ်းစစ်တပ်က ဒရုန်းနဲ့ ဗုံးသီးချတိုက်ခိုက်လို့ အသက် ၇၈နှစ်အရွယ် အဘွားအို သေဆုံးကာ ဒဏ်ရာရသူအချို့ ရှိခဲ့တယ်လို့ KNU ဗဟိုက သတင်းထုတ်ပြန်ပါတယ်။

သတင်း

တနင်္သာရီတိုင်း၊ ပုလောမြိုနယ် ပလောက်မြို့ရှိ စစ်တပ်က စစ်ကြောင်းထိုးလာလို့ တိုက်ပွဲဖြစ်ပွားရာ စစ်တပ်က သေဆုံးထိခိုက်ရှိခဲ့တယ်လို့ ကရင်အမျိုးသားအစည်းအရုံး(KNU) မြိတ်ထားဝယ်ခရိုင် သတင်းရင်းမြစ်က ပြောပါတယ်။