Connect with us

Hi, what are you looking for?

LuduNwayOo

သတင်း

ကုလညီလာခံရဲ့ နိုင်ငံ့ခေါင်းဆောင်တွေ မိန့်ခွန်းပြောကြားတဲ့သီတင်းပတ်မှာ မြန်မာ နဲ့ အာဖဂန်တို့ မပါဝင်ခဲ့

အခုနှစ် ကုလသမဂ္ဂကိုယ်စားလှယ်အကဲဖြတ်ရေးကော်မတီက အဖွဲ့ဝင်နိုင်ငံတွေရဲ့ ကိုယ်စားပြုခွင့်ကို ပြန်လည်ဆုံးဖြတ်ပေးရဖို့ ရှိနေပြီး မြန်မာနိုင်ငံကိုယ်စားပြုခွင့်နဲ့ပတ်သက်လို့ ဘယ်လိုဆက်ဖြစ်မလဲဆိုတာစောင့်ကြည့်ရဦးမှာပါ။

( ၇၇ ကြိမ်မြောက်ကုလသမဂ္ဂအထွေထွေညီလာခံကျင်းပ​နေစဥ် ။ ။ဓါတ်ပုံ-AP)
( ၇၇ ကြိမ်မြောက်ကုလသမဂ္ဂအထွေထွေညီလာခံကျင်းပ​နေစဥ် ။ ။ဓါတ်ပုံ-AP)

မြန်မာနဲ့ အာဖဂန်နစ္စတန် နိုင်ငံခေါင်းဆောင်တွေ မပါဝင်တဲ့ ကုလသမဂ္ဂအထွေထွေညီလာခံရဲ့ နိုင်ငံ့ခေါင်းဆောင်တွေ မိန့်ခွန်းပြောကြားတဲ့ သီတင်းပတ်က မနေ့က(စက်တင်ဘာ ၂၆ရက်)ပြီးဆုံးခဲ့တယ်လို့ AP သတင်းဌာနက ဖော်ပြပါတယ်။

ကျင်းပနေဆဲ ၇၇ ကြိမ်မြောက် ကုလသမဂ္ဂအထွေထွေညီလာခံရဲ့ High Level Week မှာ ကမ္ဘာတလွှားရှိ အဖွဲ့ဝင်နိုင်ငံတွေက ခေါင်းဆောင်တွေ နိုင်ငံကိုယ်စားပြု မိန့်ခွန်းပြောခဲ့ကြပေမယ့် စစ်တပ် အာဏာသိမ်းထားတဲ့ မြန်မာနိုင်ငံနဲ့ တာလီဘန်တွေ အုပ်ချုပ်နေတဲ့ အာဖဂန်နစ္စတန်တို့ကတော့ ၂ နှစ်ဆက်တိုက် မိန့်ခွန်းပြောကြားခွင့်မရရှိခဲ့လည်းဖြစ်ပါတယ်။

မြန်မာ့အရေးနဲ့ပတ်သက်လို့ ကုလသမဂ္ဂကိုယ်စားလှယ်အကဲဖြတ်ရေးကော်မတီ(Credentials Committee)က ကိုယ်စားပြုခွင့်အပြိုင်တင်သွင်းခဲ့ကြတဲ့ အာဏာသိမ်းစစ်ကောင်စီနဲ့ NUG တို့ရဲ့လျှောက်ထားမှုကို ဘယ်သူ့မှလက်မခံဘဲ ရွှေ့ဆိုင်းခဲ့ပြီး အရပ်သားအစိုးရခန့်အပ်ခဲ့တဲ့ သံအမတ်ကြီး ဦးကျော်မိုးထွန်းကို ဆက်လက်တာဝန်ထမ်းဆောင်စေခဲ့တာပါ။

ဒါပေမဲ့ ၇၆ ကြိမ်မြောက် ကုလသမဂ္ဂအထွေထွေညီလာခံရဲ့ High Level Week မှာ သံအမတ်ကြီးဦးကျော်မိုးထွန်းဟာ နိုင်ငံကိုယ်စားပြုမိန့်ခွန်းတော့ပြောကြားခွင့်မရခဲ့ပါဘူး။အလားတူ ဒီနှစ်မှာလည်း သံအမတ်ကြီး ဦးကျော်မိုးထွန်းဟာ လက်ရှိကျင်းပနေတဲ့ ၇၇ကြိမ်မြောက်ကုလသမဂ္ဂအထွေထွေညီလာခံရဲ့မျက်နှာစုံညီအစည်းအဝေးတွေကိုတက်ရောက်နေပေမယ့် နိုင်ငံ့ခေါင်းဆောင်တစ်ဦးအနေနဲ့ မိန့်ခွန်းပြောကြားခွင့်မရခဲ့ပါဘူး။

အခုနှစ် ကုလသမဂ္ဂကိုယ်စားလှယ်အကဲဖြတ်ရေးကော်မတီက အဖွဲ့ဝင်နိုင်ငံတွေရဲ့ ကိုယ်စားပြုခွင့်ကို ပြန်လည်ဆုံးဖြတ်ပေးရဖို့ ရှိနေပြီး မြန်မာနိုင်ငံကိုယ်စားပြုခွင့်နဲ့ပတ်သက်လို့ ဘယ်လိုဆက်ဖြစ်မလဲဆိုတာစောင့်ကြည့်ရဦးမှာပါ။

ကုလသမဂ္ဂကျွမ်းကျင်သူတွေနဲ့ဖွဲ့စည်းထားတဲ့မြန်မာနိုင်ငံဆိုင်ရာအထူးအကြံပေးကောင်စီ(SAC-M)က ကုလသမဂ္ဂအနေနဲ့ မြန်မာပြည်သူတွေကို ကိုယ်စားပြုနေတဲ့ လက်ရှိသံအမတ်ကြီး ဦးကျော်မိုးထွန်းကို ဆက်လက်လက်ခံရုံနဲ့ မလုံလောက်ဘဲ ပြည်သူရွေးကောက်ခံကိုယ်စားလှယ်အမျာ

စုနဲ့စုဖွဲ့ထားတဲ့ အမျိုးသားညီညွတ်ရေးအစိုးရ NUG ကိုပါ တရားဝင်အသိအမှတ်ပြုဖို့ လိုအပ်တယ်လို့ ထောက်ပြတိုက်တွန်းထားပါတယ်။

ပြည်တွင်း၊ ပြည်ပရှိ မြန်မာပြည်သူလူထု၊ အရပ်ဘက်အဖွဲ့အစည်းတွေကလည်း ကုလသမဂ္ဂအနေနဲ့ NUG နဲ့ ပြည်သူ့သံအမတ်ဦးကျော်မိုးထွန်းတို့ကိုလက်ခံဖို့၊ အာဏာရှင်ကို ငြင်းဆန်ဖို့ တောင်းဆိုထားကြပါတယ်။

သံအမတ်ကြီးဦးကျော်မိုးထွန်းကတော့ ကုလသမဂ္ဂကိုယ်စားလှယ်အကဲဖြတ်ရေးကော်မတီက ဘယ်လိုဆုံးဖြတ်မယ်ဆိုတာ အတိအကျ မပြောနိုင်သေးဘဲ ကုလသမဂ္ဂအဖွဲ့ဝင်နိုင်ငံတွေ အနေနဲ့ မြန်မာပြည်သူလူထုရဲ့တောင်းဆိုလိုလားချက်များကို လျစ်လျစ်ရှုမှာမဟုတ်ဘူးလို့ ယုံကြည်ကြောင်း People’s Spring နဲ့သီးသန့်အင်တာဗျူးမှာပြောကြားထားပါတယ်။

You May Also Like

နိုင်ငံတကာ

သမ္မတ အာဖရိက အလယ်ပိုင်းက ရေနံအထွက် ကြွယ်ဝတဲ့ နိုင်ငံကို အုပ်ချုပ်နေတာ ၄၃ နှစ် ကြာမြင့်ခဲ့ပြီးပါပြီ။ သူဟာ စစ်အာဏာသိမ်းမှု တစ်ခုကနေ ၁၉၇၉ ခုနှစ်မှာ အီကွေတိုရီရယ်လ် ဂီနီယာ အစိုးရ ခေါင်းဆောင် ဖြစ်လာခဲ့ပါတယ်။

သတင်း

သြစတြေးလျသည် အသက်ရှင်သန်ရေးအတွက် လူသားချင်းစာနာမှုအကူအညီထောက်ပံ့မှုကို မှီခိုနေရသည့် နေရပ်စွန့်ခွာရိုဟင်ဂျာ ၉၁၉,၀၀၀ ကျော်အတွက် ဘင်္ဂလားဒေ့ရှ်ကို ဆက်လက်ကူညီထောက်ပံ့မည်ဟု ကတိပြုသည်။

သတင်း

ယင်းနောက် နိုင်ငံတကာရာဇဝတ်မှုများ ကျူးလွန်နေသူများကို ထိရောက်သော အပြစ်ပေး အရေးယူမှုများ မပြုလုပ်နိုင်ပါက ကမ္ဘာကြီး၌ လုံခြုံရေးနှင့် အသက်ရှင်သန်ခွင့်ကို ခြိမ်းခြောက်နေခြင်းကိုလည်း CRPH ဥက္ကဋ္ဌက သတိပေးခဲ့ကြောင်း ဖော်ပြသည်။

သတင်း

ထိုင်းတရားရေး ဝန်ကြီး ဆွမ်ဆက်ခ် သပ်ဆူတင်က ထိုင်းရဲတပ်ဖွဲ့ဟာ ဦးထွန်းမင်းလတ်ရဲ့ အမှုနဲ့ နောက်ထပ် အမှုတစ်ခုကို ၂၀၁၉ ခုနှစ်ကတည်းက ခြေရာခံ စုံစမ်းနေခဲ့ကြောင်း ပြောပါတယ်။