စစ်ကိုင်းတိုင်း၊ ကနီမြို့နယ်တွင် စစ်ကောင်စီ၏ စစ်သင်္ဘောနှင့်ရေယာဥ်များအား ဒေသတွင်း(ပကဖ)များ ပူးပေါင်းတိုက်ခိုက်ရာ သင်္ဘောပေါ်မှ စစ်ကောင်စီတပ်ဖွဲ့ဝင် ငါးဦး စနိုက်ပါကျည်ထိမှန်ပြီး ရေထဲထိုးကျသွားကြောင်း KLG PDF(ကျောက်လုံးကြီး)၏ ပြန်ကြားရေးတာဝန်ခံက ပြောသည်။
ယနေ့(အောက်တိုဘာလ ၇ ရက်) နံနက် ၇နာရီခန့်က ချင်းတွင်းမြစ်ကြောင်းအတိုင်း အထက်သို့ ဆန်တက်လာသော စစ်ကောင်စီ၏ စစ်သင်္ဘောအပါအဝင် ၁၃စီးကို ကြောင်မျှော်တောင်အရောက်တွင် ဒေသခံပကဖများနှင့် ပူးပေါင်းကာ လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်ခဲ့ကြောင်း KLG PDF(ကျောက်လုံးကြီး)၏ ပြန်ကြားရေးတာဝန်ခံက ပြောသည်။
စစ်သင်္ဘောပေါ်မှ စစ်ကောင်စီတပ်ဖွဲ့ဝင် ငါးဦးမှာ စနိုက်ပါကျည်ထိပြီး ရေထဲ ကျသွားကြောင်း KLG PDF၏ ပြန်ကြားရေးတာဝန်ခံက ပြောသည်။
“အဲဒီစစ်ကောင်စီတပ်က ၆ ရက်နေ့က ကနီမြို့ပေါ်ကနေထွက်ပြီး ကနီမြို့နယ် အုမ္မရွာကို ညအိပ်စခန်းချခဲ့တယ်ဗျ။ ဒီနေ့မနက် ၆ နာရီ အုမ္မရွာကနေ စထွက်တယ်ဗျ။ ခန္တီးထိ တက်မှာဗျ။”ဟု KLG PDF၏ ပြန်ကြားရေးတာဝန်ခံက ပြောသည်။
Public Service Announcement
သို့သော် စစ်ကောင်စီဘက်က ထိခိုက်သေဆုံးမှုအခြေအနေများအား ထပ်မံအတည်ပြုနိုင်ခြင်း မရှိသေးပေ။
စက်တင်ဘာ ၃ ရက်ကလည်း စစ်ကောင်စီ၏ စစ်သင်္ဘောအပါအဝင် ၁၃စီးကို ကနီမြို့နယ် ကမ်းပြိုရွာအရောက်တွင် KLGPDFအပါအဝင် ဒေသကာကွယ်ရေးအဖွဲ့များက တိုက်ခိုက်ခဲ့ရာ စစ်ကောင်စီတပ်ဖွဲ့ဝင် အများအပြား သေဆုံးခဲ့သေးသည်။
