ကရင်အမျိုးသားအစည်းအရုံး(KNU) တပ်မဟာ(၆)နယ်မြေ၌ ယနေ့တိုက်ပွဲဆက်လက်ဖြစ်ပွားခဲ့ပြီး တော်လှန်ရေးရဲဘော် နှစ်ဦး ဒဏ်ရာရခဲ့ကြောင်း ကော်ဘရာစစ်ကြောင်းက သတင်းထုတ်ပြန်သည်။
ယနေ့ (အောက်တိုဘာ ၂၆) နံနက်ပိုင်းတွင် မြ၀တီ – ဝေါ်လေလမ်းအနီးရှိ လူခို့ ညောင်ချောင်း နေရာအား KNLA တပ်ရင်း (၂၇) ကော်ဘရာ ပူးပေါင်းစစ်ကြောင်းက နယ်မြေရှင်းလင်းရေး ဆောင်ရွက်ခဲ့ရာ အကြမ်းဖက်စစ်တပ်၏ တပ်မ(၄၄) လက်အောက်ခံ ခမရ (၂၀၇)နှင့် ထိတွေ့ တိုက်ပွဲ ဖြစ်ပွားခဲ့သည်ဟု ဆိုသည်။
အဆိုပါ တိုက်ပွဲသည် နာရီဝက်ခန့် ကြာမြင့်ခဲ့ပြီး ပူးပေါင်းတပ်ဖွဲ့ဘက်မှ တော်လှန်ရေးရဲဘော် နှစ်ဦး မစိုးရိမ်ရ ထိခိုက်ဒဏ်ရာရရှိခဲ့ကြောင်း အသိပေးထားသည်။
အကြမ်းဖက်စစ်ကောင်စီတပ် ဘက်မှ ထိခိုက်သေဆုံးမှုအား တိတိကျကျသိရှိနိုင်ရန် စီစစ်ဆဲဖြစ်ပါကြောင်း ကော်ဘရာစစ်ကြောင်းက သတင်းထုတ်ပြန်သည်။
Public Service Announcement
