မန္တလေးတိုင်း သပိတ်ကျင်းမြို့နယ် စစ်ကောင်စီလက်အောက်ခံ တကောင်းရဲကင်းဂိတ်အား ပဒေသာမိုင်းနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း အဆိုပါမြို့နယ် ပြည့်သူ့ကာကွယ်ရေးတပ်ဖွဲ့-ကြာညှပ်က ပြောသည်။
ယနေ့(နိုင်ဝင်ဘာ ၅)နံနက် ၈ နာရီ ၅၀ခန့်က တကောင်းလမ်းဆုံရှိ စစ်ကောင်စီရဲတပ်ဖွဲ့စစ်ဆေးရေးဂိတ်အား ပဒေသာမိုင်းများအသုံးပြု၍ ဖောက်ခွဲတိုက်ခိုက်ခဲ့ခြင်းဖြစ်သည်ဟု ဆိုသည်။
“ဒီမနက်(၈:၅၀)AMအချိန် တကောင်းရဲကင်းစစ်ဆေးရေးဂိတ်ကို သပိတ်ကျင်းမြို့နယ်(ပကဖ) ပြည်သူ့ကာ ကွယ်ရေးတပ်ဖွဲ့-ကြာညှပ်မှ ပဒေသာမိုင်း(၂)ဖြင့်ဖောက် ခွဲခဲ့ပါတယ်ဗျ။ အထိခိုက် တော့မရှိခဲ့ပါဘူး” ဟု တိုက်ခိုက်မှုတွင် ပါဝင်သည့် တော်လှန်ရေးရဲဘော်တစ်ဦးက ပြောသည်။
အဆိုပါ ရဲကင်းဂိတ်အား ဖောက်ခွဲတိုက်ခိုက်မှုတွင် မဖော်ပြလိုသော အကြောင်းအရာအချို့ကြောင့် ရန်သူ့ဘက်မှ ထိခိုက်မှုမရှိ ဖြစ်ခဲ့ရခြင်းဖြစ်သည်ဟု သပိတ်ကျင်း ပြည်သူ့ကာကွယ်ရေးတပ်ဖွဲ့ – ကြာညှပ်က ဆိုသည်။
Public Service Announcement
သပိတ်ကျင်းမြို့နယ်ရှိ ပြည်သူများအနေဖြင့် တော်လှန် ရေးအဖွဲ့အစည်းများက ထုတ်ပြန်သော စည်းကမ်းချက်များကို လိုက်နာ၍ စစ်ကောင်စီတပ်များနှင့် နီးကပ်စွာ သွားလာနေထိုင်ခြင်းမပြုကြရန် သတိပေးထားသည်။
