စစ်ကိုင်းတိုင်း၊ ဝန်းသိုမြို့နယ်တွင်မီးသတ်ဦးစီးမှူးအပါအဝင်မီးသတ်တပ်ဖွဲ့ဝင် (၁၁) ဦးကို လူတစ်စုကနိုဝင်ဘာ၁၀ ရက်ည ဖမ်းဆီးသွားပြီး သုံးရက်မြောက်အထိပြန်လွတ်မလာသေးကြောင်း ဒေသခံများကပြောသည်။
“မီးသတ်ရုံးမှာရှိတဲ့လူကုန်ကိုညဘက်ခေါ်သွားတာလို့သိရတယ်။ မီးသတ်တပ်ဖွဲ့ဝင် ကြီးပဲ ၁၁ယောက်။ စစ်ကောင်စီက လိုသုံးအနေနဲ့ထားတဲ့ကောင်တွေ။အခုဘယ်အဖွဲ့ကဖမ်းသွားမှန်း မသိရသေးဘူး”ဟုဝန်သိုမြို့ခံတစ်ဦးကပြောသည်။
“ဝန်သိုက ၁၁ယောက်ကတော့ ဘယ်သူတွေက ဖမ်းသွားလဲ မသိရသေးဘူး။ ကသာမှာတုန်းကတော့ တစ်ယောက်တည်းကို ပြည်သူ့ကာကွယ်ရေးအဖွဲ့က ဖမ်းသွားတာ။ နောက်နေ့ ပြန်လွှတ်ပေးတယ်” ဟု ကသာမြို့ခံတစ်ဦးကပြောသည်။
ကသာမြို့တွင် လွန်ခဲ့သော နှစ်လခန့်ကမီးသတ်ဦးစီးအရာရှိတစ်ဦးကို ပြည်သူ့ကာကွယ်ရေးအဖွဲ့တစ်ဖွဲ့ကဖမ်းဆီးခဲ့ဖူးသည်။
Public Service Announcement
“PDF တွေအလင်းဝင်ဖို့နေ့ခင်းဘက်လိုက်အော်တာ။ ညကျလာဖမ်းသွားရော။ အထူးအပါးနားမလည်ဘဲစစ်ေ-ာကို မတာ။ လူငယ်တွေက သတိပေးပြီး နောက်နေ့ ပြန်လွှတ်ပေးလိုက်တယ်” ဟု ဒေသခံတစ်ဦးကပြောသည်။
မီးသတ်ဦးစီးဌာနသည်ပြည်ထဲရေးဝန်ကြီးဌာနလက်အောက်တွင်ရှိသည်။ စစ်အုပ်စုအာဏာသိမ်းပြီးနောက် မီးသတ်တပ်ဖွဲ့ဝင်အချို့သည်ပြည်သူနှင့်အတူရပ်တည်ကာ စစ်ကောင်စီလက်အောက်တွင် တာဝန်မထမ်းဆောင်ဘဲCDMပြုလုပ်ခဲ့ကြသော်လည်း အများစုမှာ ဆက်လက်လုပ်ကိုင်နေကြခြင်းသည်။ စစ်ကောင်စီကမီးသတ်တပ်ဖွဲ့ဝင်များကို ၎င်းတိုအာဏာတည်မြဲရေးအတွက် အသုံးပြုလိုသောနေရာများတွင် စိတ်ကြိုက်သုံးပြီး ၊စစ်သားနှင့်ရဲများသေဆုံးသူ၊CDM လုပ်သူများကြောင့် အင်အားနည်းလာသောအခါ ပြည်သူ့စစ်အဖွဲ့များဖွဲ့စည်းရာတွင် မီးသတ်တပ်ဖွဲ့ဝင်များထည့်သွင်းထားသည်။
ထိုအပြင် စစ်ကိုင်း၊မကွေး၊ချင်း၊ကရင်နီ၊ကရင် စသောဒေသများတွင် စစ်ကောင်စီတပ်များကအကြမ်းဖက်၍ ပြည်သူ့နေအိမ်များမီးရှို့ဖျက်ဆီးရာတွင် မီးသတ်တပ်ဖွဲ့ဝင်များကတစ်ကြိမ်မျှမီးငြှိမ်းသတ်ခဲ့ခြင်းမရှိပေ။
