စစ်ကိုင်းတိုင်း ဝန်းသိုမြို့နယ်တွင်စစ်ကောင်စီလက်ကိုင်တုတ်ပျူစောထီးအဖွဲ့ကို မဟာမိတ်ညီနောင်များနှင့်အတူ ပူးပေါင်းတိုက်ခိုက်ခဲ့ရာ ပျူနှစ်ဦးသေဆုံးပြီး တစ်ဦးဒဏ်ရာရသွားကြောင်း ကော်လင်းတော်လှန်ရေးအင်အားစု (KR)က ယနေ့(သြဂုတ် ၁၃)တွင် ထုတ် ပြန်သည်။
ယနေ့ညနေပိုင်းက ကောလင်းခရိုင်အတွင်းရှိ ဝန်းသိုမြို့နယ် လေဘိုကျေးရွာသို့ ပျူစောထီးငါးဦး လက်နက်အပြည့်စုံဖြင့်ရောက်ရှိနေကြောင်းသတင်းရသဖြင့် ကောလင်းခရိုင်တပ်ရင်း (၂)နှင့်ဝန်းသို ပြည်သူ့ကာကွယ်ရေး(ပကဖ)ပူးပေါင်းအဖွဲ့ နှင့် ထိတွေ့တိုက် ပွဲဖြစ်ပွားခဲ့ကြောင်း ဖော်ပြသည်။
“ပျူ နှစ်ကောင် သေဆုံးခဲ့ပြီးတစ်ကောင်ဒဏ်ရာရဟုသိရှိရသည်”ဟု KR Team က ဖော်ပြသည်။
ထို့နောက် ဝန်းသို့မြို့အခြေစိုက်ခမရ(၁၁၁)ထဲမှလက်နက်ကြီးများပစ်ကူပေးသောကြောင့် ပြည်သူ့ကာကွယ်ရေးတပ်ဖွဲ့များ ပြန်လည်ဆုတ်ခွာခဲ့ရပြီး အထိခိုက်မရှိခဲ့ကြောင်း ထုတ်ပြန်ထားသည်။
Public Service Announcement
အထက်ပါ ဝန်သို့မြို့နယ်ရှိ လေဘိုကျေးရွာမှ ပြည်သူများနှင့် ရွှေတူးဖော်ရေးလုပ်ကိုင်သူများကစစ်ကောင်စီတပ်နှင့် ပျူစောထီးအဖွဲ့များ၏ မတရားသဖြင့် ငွေးကြေးကောက်ခံမှုအပါအဝင် ဆပ်ကြေးပေးရမှုများရှိနေကြောင်း ဒေသခံများထံမှ သိရသည်။
