စစ်ကောင်စီက ပြုလုပ်သည့် အမျိုးသမီးများအပေါ် အကြမ်းဖက်မှုပပျောက်ရေး ၁၆ရက်တာလှုပ်ရှားမှုအထိမ်းအမှတ်အခမ်းအနားကို တော်လှန်ရေးအဖွဲ့တစ်ခုက ယနေ့ (နိုဝင်ဘာ ၂၅) နံနက် ၁၀ နာရီတွင် အွန်လိုင်းမှတဆင့် ဝင်ရောက်ဆန္ဒပြခဲ့သည်။
အဆိုပါ အခမ်းအနားသည် စစ်ကောင်စီဝန်ကြီး ဒေါ်သက်သက်ခိုင် တက်ရောက်ပြီး မိန့်ခွန်းပြောသည့် ပွဲဖြစ်ပြီး လူကိုယ်တိုင်နှင့် အွန်လိုင်းက တက်ရောက် ခြင်း ပုံစံနှစ်မျိုးပေါင်းလုပ်သည့် Hybrid ပုံစံအခမ်းအနားဖြစ်သည်။
ယင်းပွဲတွင် တော်လှန်ရေးရဲဘော်များက စစ်ကောင်စီ ၏ Zoom အစည်းအဝေးကို ဝင်ရောက်ဆန္ဒပြခဲ့ခြင်း ဖြစ်ကာ အခမ်းအနားအတွင်း၌ “လုံးဝအုပ်ချုပ်ခွင့်မရစေရ” ၊ “မုဒိမ်းစစ်တပ်အမြစ်ဖြတ်”စာသားနှစ်ခုပါသည့် Zoom နောက်ခံပုံများ ပြောင်းလဲကာ ဆန္ဒပြခဲ့ခြင်း ဖြစ်သည်။
တော်လှန်ရေးရဲဘော်များအနေဖြင့် စစ်ကောင်စီ၏ လူကယ်ပြန်ဌာနအတွင်းက တော်လှန်ရေးဘက်တော် သားများ၏ ကူညီမှုဖြင့် အခမ်းအနားအတွင်းကို ဝင်ရောက်နိုင်ခဲ့ခြင်းဖြစ်ပြီး ၅မိနစ်ကြာ ဆန္ဒပြနိုင်ခဲ့ကြောင်း အထွေထွေသပိတ် ပေါင်းစပ်ညှိနှိုင်းရေးကော်မတီ (GSCB)က ပြောသည်။
Public Service Announcement
စစ်ကောင်စီဆန့်ကျင်ရေး ဗီဒီယိုဖွင့်ခြင်း၊ အသံဖြင့်ဆန္ဒထုတ်ဖော်ခြင်းများပြုလုပ်ရန် ရည်ရွယ် ထားသော်လည်း Zoom Setting တွင် အဆိုပါလုပ်ဆောင် ချက်များကို ပိတ်ထားသည့်အသည့်အတွက်ကြောင့် စစ်ကောင်စီ ဆန့်ကျင်ရေး နောက်ခံပုံ ပြောင်းခြင်းဖြင့်သာ ဆန္ဒထုတ်ဖော်နိုင်ခဲ့ကြောင်း GSCB က ဆိုသည်။
