Connect with us

Hi, what are you looking for?

LuduNwayOo

သတင်း

ပုသိမ်ထောင်တွင်းနှိပ်စက်သတ်ဖြတ်ခံရသည့်နိုင်/ကျဉ်းများအတွက်တရားမျှတမှုရရှိရေးလုပ်မည်ဟုဧရာ၀တီစစ်ဒေသကွပ်ကဲရေးအဖွဲ့ကြေညာ

ကို​ဝေယံဖြိုးမှာ ​သေနတ်ဖြင့်ပစ်သတ်ခံရပြီး နှိပ်စက်ညှင်းပန်းခံရပြီး ဒဏ်ရာအပြင်းအထန်ရရှိသူများထဲမှ ကိုဝင်းမင်ထက်မှာလည်းကျဆုံးခဲ့​ကြောင်း AAPP မှသိရသည်။

(ပုသိမ်အကျဥ်း​ထောင်ကို​တွေ့ရစဥ်။ ။ဓါတ်ပုံ-CJ)
(ပုသိမ်အကျဥ်း​ထောင်ကို​တွေ့ရစဥ်။ ။ဓါတ်ပုံ-CJ)

နိုင်ငံရေးအကျဉ်းသားတစ်ဦး အနည်းဆုံးသေဆုံးခဲ့ပြီး အများအပြား ဒဏ်ရာရခဲ့သည့် ပုသိမ်ထောင်တွင်း အကြမ်းဖက်ညှင်းပမ်းနှိပ်စက်မှုလုပ်ရပ်အပေါ် ပြင်းထန်စွာကန့်ကွက်ရှုတ်ချကြောင်းအမျိုးသားညီညွတ်ရေးအစိုးရ ဧရာဝတီတိုင်းစစ်ဒေသခွဲကွပ်ကဲရေးအဖွဲ့က ယနေ့ထုတ်ပြန်ပြီး မတရား ကျူးလွန်ခံခဲ့ရသည့် နိုင်ငံရေးအကျဉ်းသားများ အားလုံး အတွက် တရားမျှတမှု ရရှိနိုင်ရေးကိုဆောင်ရွက်သွားမည်ဟု အသိပေးလိုက်သည်။

ပုသိမ်ထောင်တွင်ဇန်နဝါရီလ ၅ ရက်ကစစ်အုပ်စု၏လက်အောက်ခံထောင်အာဏာပိုင်မျာကမတရားဖမ်းဆီးခံနိုင်ငံရေးအကျဉ်းသားများအား လူကိုသေစေနိုင် သည့် လက်နက်များဖြင့် ပစ်ခတ်ခြင်း၊ အသံဗုံးခွဲခြင်း၊ အုပ်စုလိုက်ဝိုင်းဝန်းရိုက်နှက်ခြင်း၊ လက်ပြန်ကြိုးတုပ်ပြီး အပြင်းအထန်ရိုက်နှက်ခြင်း ပြုလုပ်ခဲ့ရာနိုင်ငံရေးအကျဉ်းသားအနည်းဆုံးတစ်ဦးသေဆုံးခဲ့ရပြီး၊ ပျောက်ဆုံးသူတစ်ဦးနှင့်နိုင်ငံရေးအကျဉ်းသားအများအပြား အပြင်းအထန် ဒဏ်ရာရရှိခဲ့သည်။အသက်အန္တာရာယ် စိုးရိမ်ရသူ များလည်းရှိသည်ဟုသိရသည်။

Public Service Announcement
Public Service Announcement

ထိုလုပ်ရပ်များသည် အကျဉ်းထောင်လုပ်ထုံးလုပ်နည်းများ ကို ကျော်လွန်၍ လုပ်ဆောင်ခြင်းဖြစ်ပြီး မတရား ညှဉ်းပန်းနှိပ်စက်မှုနှင့်ဥပဒေမဲ့သတ်ဖြတ်ခြင်းဖြစ်သည့်ကြီးမားသောရာဇဝတ်မှုကိုပါ ကျူးလွန်လိုက်သည့် လုပ်ရပ်ဖြစ်ကြောင်း ဧရာ၀တီတိုင်းစစ်ဒေသကွပ်ကဲရေးအဖွဲ့က ထုတ်ပြန်သည်။

ထောင်တွင်းအကြမ်းဖက်နှိပ်စက်မှု တွင် အင်အား (၅၀) ခန့်ရှိ ထောင်အာဏာပိုင်နှင့် ထောင်ဝန်ထမ်းများ ၊ ရဲ နှင့် တပ်ရဲပြေး အကျဉ်းကျနေသူများ ပါဝင်ကျူးလွန်ခဲ့ သည်ဟု သိရကြောင်း သိရကြောင်းလည်းဖော်ပြထားသည်။

Public Service Announcement

Public Service Announcement

ပုသိမ်ထောင်ဖြစ်စဉ်သည် အင်အားအလွန်အကျွံသုံး၍ အသက်သေဆုံးစေသည့် ညှဉ်းပန်းနှိပ်စက်ခြင်း၊ အကျဉ်းထောင်တွင်း မတရားညှဉ်းပန်းနှိပ်စက်ခြင်း နှင့် ဥပဒေမဲ့မတရားသတ်ဖြတ်ခြင်းကိုကျူးလွန်ကြောင်းထင်ရှား၍အကြမ်းဖက်စစ်အုပ်စုနှင့်တစ်ကွ သက်ဆိုင်ရာထောင်အာဏာပိုင် များ၊ အကြမ်းဖက်မှုကျူးလွန်ခဲ့သူများ၊ အမိန့်ပေးစေခိုင်းသူများနှင့်ကိုယ်တိုင်ကျူးလွန်သူများအားလုံးတာဝန်ခံရမည်ဖြစ်ကြောင်းကြေညာခဲ့သည်။

အကြမ်းဖက်စစ်အုပ်စု ၏အမာခံထောက်တိုင်များဖြစ်ကြသည့် တရားသူကြီးများ၊ စစ်သားများ၊ ရဲများ၊ အကျဉ်း ဦးစီးဝန်ထမ်းများက စစ်အုပ်စုအလိုကျ မတရားဖမ်းဆီးခြင်း၊ ဥပဒေမဲ့မတရားပြစ်ဒဏ်များချမှတ်ခြင်း၊ နိုင်ငံရေးအကျဉ်းသားများအား ရည်ရွယ်ချက်ရှိရှိဖြင့် ညှဉ်းပန်းနှိပ်စက်ခြင်း၊ အနိုင်ကျင့်စော်ကားခြင်းများ ပြုလုပ်လျက်ရှိနေကြောင်း ဧရာဝတီတိုင်းစစ်ဒေသခွဲကွပ်ကဲရေးအဖွဲ့ကထုတ်ပြန်သည်။

“ကြိုးမိန့်ပေးခံရတဲ့ဆရာကောင်းခန့်ကျော်ကိစ္စနဲ့စဖြစ်တာကြိုးစင်ဆောက်တဲ့ကိစ္စကို ကန့်ကွက်ကြလို့ကိုဝေယံဖြိုးအပါအဝင်ရှစ်ဦးကိုဆွဲထုတ်ပြီးတစ်ညလုံးရိုက်တာ။ပြန်ပို့တော့ကိုဝေယံဖြိုး ပါမလာတော့ဘူး” ဟုဧရာဝတီတိုင်း၊ပုသိမ်မြို့မှ တော်လှန်ရေးလှုပ်ရှားသူတစ်ဦးကပြောသည်။

ကို​ဝေယံဖြိုးမှာ ​သေနတ်ဖြင့်ပစ်သတ်ခံရပြီး နှိပ်စက်ညှင်းပန်းခံရပြီး ဒဏ်ရာအပြင်းအထန်ရရှိသူများထဲမှ ကိုဝင်းမင်ထက်မှာလည်းကျဆုံးခဲ့​ကြောင်း AAPP မှသိရသည်။

“လူမဆန်တဲ့ လုပ်ရပ်တွေအတွက် စစ်ကောင်စီနဲ့အပေါင်းအပါတွေ ပြန်ပေးဆပ်ရမယ်။ အလှည့်ကျမနွဲ့ကြစတမ်းပဲ” ဟုသေဆုံးသူ ကိုဝေယံဖြိုး၏ သူငယ်ချင်းတစ်ဦးကလည်းပြောသည်။

လက်ရှိပုသိမ်အကျဥ်းထောင်မှူး ညွှန်ကြားရေးမှုးနေမင်းထက်ဆိုသူဖြစ်ပြီး ၎င်းသည် ပြီးခဲ့သည့် ဒီဇင်ဘာလကုန်ပိုင်းတွင်မှပြောင်းရွေ့လာသူဟု ဧရာဝတီတိုင်းတော်လှန်ရေးအင်အားစုက ပြောသည်။

ဆက်စပ်သတင်းများ

သတင်း

အကျဥ်းသားများသည် မိသားစုဝင်များက ထောင်ဝင်စာပါဆယ်ပို့ဆောင်နိုင်ခြင်းမရှိတော့သည့်အတွက် အကျဉ်းထောင်မှ ကျွေးသည့် ထမင်းနှင့်ဟင်းကိုသာ အဓိက အားပြုနေရကြောင်း သိရသည်။

သတင်း

ယခု ၂၀၂၄အတွင်း အကျဥ်းထောင်အသီးသီး၌ ဆေးဝါးစောင့်ရှောက်မှု လုံလောက်စွာမရရှိ၍ နိုင်ငံရေးအကျဉ်းသား ၈ဦးသေဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က ထုတ်ပြန်ထားသည်။

သတင်း

ထောင်ဝတ်စုံနှင့် သံခြေချင်းခတ်ထားသည့် အကျဥ်းသား ၁၁ ဦးခန့်အား သေနတ်ကိုင်ထားသည့် စစ်ကောင်စီတပ်သားများနှင့်ရဲများက အချုပ်ကားပေါ်တင်၍ ခေါ်ဆောင်သွားခြင်းဖြစ်ကြောင်း ဒေသခံတစ်ဦးက ပြောသည်။

ဆောင်းပါး

စက်တင်ဘာလ ၇ ရက်နေ့တွင်လည်း ဒုတာဝန်ခံအရာရှိ ထောင်ပိုင်လေးက စာအုပ်များကို အိပ်ရာပေါ်တင်ထားခဲ့ရန်နှင့် မိမိတို့ခွင့်ပြုထားပါလျက် သိမ်းဆည်းခံရပါက ပြန်ပေးမည်ဟု ထပ်မံပြောကြားခဲ့သည်။