Connect with us

Hi, what are you looking for?

LuduNwayOo

သတင်း

စစ်တပ် အာဏာသိမ်းပြီးတဲ့နောက် မြန်မာနိုင်ငံမှာဘိန်းစိုက်ပျိုးထုတ်လုပ်မှု ၉ နှစ်အတွင်း အမြင့်ဆုံး ဖြစ်လာ

ကုလသမဂ္ဂရဲ့ မူးယစ်ဆေးဝါးနဲ့ ရာဇဝတ်မှုဆိုင်ရာရုံးက (UNODC)ကတော့စစ်အာဏာသိမ်းမှုအပြီးနိုင်ငံစီးပွားရေးစိုက်ဆင်းသွားခြင်းက တောင်သူတွေ ဘိန်းစိုက်ပျိုးမှုဆီ ပြန်ဦးလှည့်သွားစေတဲ့ အဓိက အကြောင်းရင်းတစ်ခု ဖြစ်နိုင်ကြောင်း ပြောပါတယ်။

စစ်တပ် အာဏာသိမ်းပြီးတဲ့နောက် မြန်မာနိုင်ငံမှာဘိန်းစိုက်ပျိုးထုတ်လုပ်မှု ၉ နှစ်အတွင်း အမြင့်ဆုံး ဖြစ်လာ
စစ်တပ် အာဏာသိမ်းပြီးတဲ့နောက် မြန်မာနိုင်ငံမှာဘိန်းစိုက်ပျိုးထုတ်လုပ်မှု ၉ နှစ်အတွင်း အမြင့်ဆုံး ဖြစ်လာ

မြန်မာနိုင်ငံမှာ စစ်တပ် အာဏာသိမ်းပြီးနောက်ပိုင်း ဘိန်းစိုက်ပျိုး ထုတ်လုပ်မှုက သိသိသာသာ မြင့်တက်လာနေတယ်လို့ သိရပါတယ်။

ပြီးခဲ့တဲ့ ၇ နှစ် ဆက်တိုက်လောက် မြန်မာနိုင်ငံမှာ ဘိန်းအထွက်နှုန်း အကျဖက် ဦးတည်ခဲ့ရာကနေ ၂၀၂၂ ခုနှစ်မှာတော့ ၉ နှစ်အတွင်း အမြင့်ဆုံး စံချိန်ထိ ပြန်ရောက်လာတယ်လို့ ဆိုပါတယ်။ ၂၀၂၂ ခုနှစ်မှာ မြန်မာနိုင်ငံရဲ့ ဘိန်းထွက်ရှိမှု ပမာဏဟာ ၇၉၅ မက်ထရစ်တန်လောက်ထိ များပြားလာပါတယ်။ ဒါဟာ အဲဒီမတိုင်ခင် တစ်နှစ်ဖြစ်တဲ့ ၂၀၁၁ တုန်းက ၄၂၃ မက်ထရစ်တန် ထွက်ရှိခဲ့တာထက် သိသိသာသာ ပိုမိုလာတဲ့ ပမာဏပါ။

ကုလသမဂ္ဂရဲ့ မူးယစ်ဆေးဝါးနဲ့ ရာဇဝတ်မှုဆိုင်ရာရုံးက (UNODC)ကတော့စစ်အာဏာသိမ်းမှုအပြီးနိုင်ငံစီးပွားရေးစိုက်ဆင်းသွားခြင်းက တောင်သူတွေ ဘိန်းစိုက်ပျိုးမှုဆီ ပြန်ဦးလှည့်သွားစေတဲ့ အဓိက အကြောင်းရင်းတစ်ခု ဖြစ်နိုင်ကြောင်း ပြောပါတယ်။

မြန်မာ၊ ထိုင်းနဲ့ လာအိုတို့ စုဆုံရာ ရွှေတြိဂံဒေသဟာသမိုင်းကြောင်းတလျှောက် ကမ္ဘာပေါ်မှာ ဘိန်းစိမ်းနဲ့ ဘိန်းဖြူ ထုတ်လုပ်မှု အများဆုံး နေရာတစ်ခုလည်း ဖြစ်ပါတယ်။မြန်မာနိုင်ငံဟာ ပြည်တွင်းစစ်ဒဏ် ခံနေရတဲ့အပြင် ယူကရိန်း-ရုရှား စစ်ပွဲနဲ့ ဆက်စပ်တဲ့ ကမ္ဘာ့စီးပွားရေး အပြောင်းအလဲတွေကြောင့်ပါ ဘိန်းစိုက်ပျိုး ထုတ်လုပ်မှုကို ပိုမို တွန်းအားပေးသလို ဖြစ်စေခဲ့တယ်လို့ UNODCက မှတ်ချက် ပေးပါတယ်။

Public Service Announcement

Public Service Announcement

Public Service Announcement
Public Service Announcement

၂၀၁၃ နောက်ပိုင်းမှာမြန်မာ့စီးပွားရေးတိုးတက်မှုလမ်းကြောင်းမှန်ပေါ် ပြန်ရောက်နေခဲ့ခြင်းနဲ့အတူ ပြည်တွင်း ဘိန်းစိုက်ပျိုး ထုတ်လုပ်မှုက တောက်လျှောက် အကျဖက်ကို ဦးတည်ခဲ့ပေမယ့် အခုတော့ ၂၀၁၃ ခုနှစ်ကစလို့ နှစ်အလိုက် အမြင့်ဆုံး ထုတ်လုပ်မှု ပမာဏဆီ ပြန်ရောက်လာတာပါ။ အဲဒီတုန်းက မြန်မာနိုင်ငံမှာ ဘိန်းထုတ်လုပ်မှု ပမာဏက ၈၇၀ မက်ထရစ်တန်ထိ ရှိခဲ့ပါတယ်။

မြန်မာဟာ အာဖဂန် နစ္စတန်ပြီးရင် ကမ္ဘာပေါ်မှာဘိန်းထုတ်လုပ်မှု ဒုတိယ အများဆုံး နိုင်ငံဖြစ်ပြီး အဲဒီနှစ်နိုင်ငံကထုတ်လုပ်တဲ့ ဘိန်းအစေးတွေဟာ ကမ္ဘာတလွှားမှာ ဖြန့်ဖြူးရောင်းချနေတဲ့ ဘိန်းဖြူတွေရဲ့ ကုန်ကြမ်း အရင်းအမြစ်လို့တောင် ဆိုနိုင်ပါတယ်။

စီးပွားရေးကျပ်တည်းမှု၊ကုန်စျေးနှုန်းမြင့်တက်မှုတွေကြောင့်အရင်က ဘိန်းစိုက်ဖူးတဲ့ တောင်သူတွေဟာမက်လုံးကောင်းမွန်တဲ့ ဘိန်းစိုက်ခင်းတွေဆီ ပြန်လည် ဦးလှည့်သွားတာ ဖြစ်ပါတယ်။ ၂၀၂၂ ခုနှစ်အတွင်း မြန်မာနိုင်ငံမှာ ဘိန်းစိုက်ခင်း ဧရိယာကလည်း ဟက်တာ ၄၀၁၀၀ လောက်ထိ များပြားလာတယ်လို့ သိရပါတယ်။

ကိုးကား-The Guardian

ဆက်စပ်သတင်းများ

သတင်း

ဒေါ်အောင်ဆန်းစုကြည်ဟာ အရင် စစ်အစိုးရ လက်ထက်ကလည်း နေအိမ် အကျယ်ချုပ် ဘဝမှာ ၁၅ နှစ်လောက် နေထိုင်ခဲ့ရပြီး သားနှစ်ဦးဖြစ်တဲ့ အလက်ဇန္ဒားနဲ့ ကင်မ်တို့ကတော့ မိခင်နဲ့ဝေးရာ ဗြိတိန်နိုင်ငံမှာ ကြီးပြင်းခဲ့ကြပါတယ်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

တရိပ်ရိပ် တိုးလာတဲ့ ပဋိပက္ခတွေ၊ လုပ်သား ရှားပါးမှု ပြဿနာတွေ၊ ငွေကြေးဖောင်းပွမှုက စီးပွားရေး လုပ်ငန်း အားလုံးလိုလိုကို အကျပ်အတည်းတွေ ကြုံစေတယ်လို့ ကမ္ဘာ့ဘဏ်က ဆိုပါတယ်။

သတင်း

အာဏာသိမ်း စစ်ခေါင်းဆောင်ရဲ့ နိုင်ငံခြားရေး ဝန်ကြီးနဲ့ တွေ့ဆုံချိန်မှာတရုတ်ကနှစ်နိုင်ငံပူးပေါင်းပြီးအွန်လိုင်း လိမ်လည်မှု လုပ်ငန်းတွေ အမြစ်ဖျက် ချိုးနှိမ်ရေး ကိစ္စကိုပါ ထည့်သွင်း ဆွေးနွေးခဲ့ကြောင်း ဝမ်က ပြောပါတယ်။