မန္တလေး PDF နဲ့ တအာင်းတပ် (TNLA) တို့ သိမ်းယူထားတဲ့ ပြင်ဦးလွင် − မိုးကုတ်လမ်းပိုင်းက သံဘို တပ်စခန်းကိုပြန်သိမ်းလိုက်ပြီလို့ စစ်ကောင်စီဝါဒဖြန့်တယ်လီဂရမ်ချန်နယ်က သတင်းဖြန့်နေပါတယ်။
သံဘိုစခန်းပြန်ရဖို့ နှစ်ရက်ဆက်တိုက် တိုက်ရပြီး TNLA တပ်တွေ ဆုတ်ခွာသွားသလို ၊ ဒဏ်ရာရသူတွေနဲ့ သေဆုံးသူတွေကိုသယ်ယူသွားတဲ့ ကားတွေကို လည်း လေကြောင်းကနေ လိုက်လံတိုက်ခိုက် ခဲ့တယ်လို့ စစ်ကောင်စီဝါဒဖြန့်တယ်လီဂရမ် ချန်နယ် က ဇန်နဝါရီလ ၈ ရက်မှာ ဖော်ပြပါတယ်။
သံဘိုရွာစခန်း ပြန်ရပြီလို့ စစ်ကောင်စီဝါဒဖြန့်တယ်လီဂရမ်ချန်နယ်ရဲ့ဖော်ပြပုံ
Public Service Announcement
သံဘိုရွာ စခန်းဟာ စစ်တက္ကသိုလ်တွေရှိရာ ပြင်ဦးလွင်မြို့နဲ့ မိုင် ၂၀ ကျော်သာ ဝေးပြီး ရှမ်းပြည်နယ်မြောက်ပိုင်း နောင်ချိုမြို့နယ်ထဲမှာ တည်ရှိတာပါ။
ပြင်ဦးလွင် − မိုးကုတ်လမ်းပေါ်မှာရှိတဲ့ သံဘိုရွာမှာ ခြေကုပ်ယူ တပ်စွဲထားတဲ့ စစ်ကောင်စီတပ်ကို မန္တလေး PDF နဲ့ တအောင်းတပ်(TNLA) တို့က ဇန်နဝါရီလ ၂ ရက်မှာစတင်တိုက်ခိုက်ပြီး နောက်ရက်မှာပဲ စခန်းသိမ်းနိုင်ခဲ့တာပါ။
သံဘိုရွာစခန်းသိမ်းတိုက်ပွဲသတင်း NUG ကာကွယ်ရေးဝန်ကြီးဌာနရဲ့ သတင်းထုတ်ပြန်ချက်
သံဘိုရွာစခန်းကို စစ်ကောင်စီတပ်က ပြန်လည်သိမ်းယူတယ်ဆိုတဲ့သတင်းဟာ သတင်းမှားသာ ဖြစ်တယ်လို့ မန္တလေး PDF ပြောရေးဆိုခွင့်ရှိသူ ကိုအော်စမွန်က People’s Spring သတင်းဌာနကို အတည်ပြုပါတယ်။
မန္တလေး PDF ရဲ့သတင်းထုတ်ပြန်ရေး ဖေ့ဘွတ်ခ်စာမျက်နှာလည်း သံဘိုစခန်းထဲမှာ တပ်စွဲနေရာယူပြီး စခန်းကို အပြည့်အဝ ထိန်းချုပ်ထားတယ်ဆိုတာကို ဇန်နဝါရီလ ၁၀ ရက်မှာ ရုပ်သံတင်ပြီး အသိပေးထားတာတွေ့ရပါတယ်။
သံဘိုစခန်းကို အပြည့်အဝ ထိန်းချုပ်ထားပုံ မန္တလေး PDF ရဲ့ ရုပ်သံဖေ့ဘွတ်ခ်လင့်ခ်
မန္တလေး PDF နဲ့ TNLA ဟာ သံဘိုစခန်း ကိုသိမ်းပြီးနောက် ပြင်ဦးလွင်ဘက်ဆီ ရှေ့ထက်တိုးလာပြီး ပြင်ဦးလွင် − မိုးကုတ်လမ်းပိုင်းက ကျောက်မဲလေးရွာ တပ်စခန်းကို ဇန်နဝါရီလ ၆ ရက်ကနေ စတင်ထိုးစစ်ဆင်တိုက်ခိုက်နေပါတယ်။
သံဘိုစခန်းနဲ့ ကျောက်မဲလေး စခန်းဟာ သုံးမိုင်သာသာပဲ ဝေးပါတယ်။
