Connect with us

Hi, what are you looking for?

LuduNwayOo

သတင်း

ကျင်ဒွေးမြို့ကို တော်လှန်ရေးတပ်များ သိမ်းပိုက်

ကျင်ဒွေးမြို့ကို CDFများနှင့် ယောဒေသရှိ PDFများက စတင်တိုက်ခိုက်ခဲ့ပြီး နောက်ပိုင်းတွင် AAပါဝင်တိုက်ခဲ့ခြင်းဖြစ်သည်။

ကျင်​ဒွေးမြို့အဝင်ဆိုင်းဘုတ်
ကျင်​ဒွေးမြို့အဝင်ဆိုင်းဘုတ်

-​နေ့သစ်/People’s Spring

မကွေးတိုင်းနှင့်ချင်းပြည်နယ်နယ်စပ်ရှိ ကန်ပက်လက်မြို့နယ်အတွင်းမှ ကျင်ဒွေးမြို့ ကို ​တော်လှန်​ရေးတပ်ဖွဲ့များက အပြီးသတ်သိမ်းပိုက်ပြီဖြစ်ကြောင်း ဒေသခံကာကွယ်ရေးတပ်နှင့် ဒေသခံများထံမှသိရသည်။

၂၀၂၃ ဒီဇင်ဘာလအတွင်းမှစ၍ လေးလကျော်ကြာ ပိတ်ဆို့တိုက်ခိုက်နေသည့် ကျင်ဒွေးမြို့ကို ဧပြီ ၂၉ ရက်တွင် ချင်းကာကွယ်ရေးတပ်များ၊ အာရက္ခတပ်တော် (AA)နှင့် အခြားတော်လှန်ရေးတပ်ဖွဲ့များကပူး​ပေါင်း၍ အပြီးသတ်သိမ်းပိုက်နိုင်ခဲ့ခြင်းဖြစ်သည်။

၂၀၁၉ ဧပြီလက ကျင်​ဒွေးမြို့ဖွင့်ပွဲ
၂၀၁၉ ဧပြီလက ကျင်​ဒွေးမြို့ဖွင့်ပွဲ

“မြို့ရဲ့ အဓိကကျတဲ့နေရာကို သိမ်းပြီးသွားပြီး”ဟုကာကွယ်ရေးတပ်ဖွဲ့ဝင်တစ်ဦးကပြောသည်။

Public Service Announcement

Public Service Announcement

မြို့သိမ်းတိုက်ပွဲအတွင်း စစ်ကောင်စီက လေကြောင်းမှ အကြိမ်ကြိမ်ဗုံးကျဲတိုက်ခိုက်ခဲ့ပြီး ဆေးရုံနှင့် ကျေးရွာများကို စစ်ကောင်စီတပ်က ဗုံးကျဲတိုက်ခိုက်၍ ခုခံခဲ့သည်ဟု ဒေသခံများကပြောသည်။

“လွန်ခဲ့တဲ့ ၅ ရက်လောက်ကတည်းက ဗုံးကျဲနေတာ တနေ့တည်းကို လေးငါးကြိမ်လောက်ရှိတယ်။ အဲ့လိုမျိုး ရက်ဆက်ကျဲနေတာ”ဟု ဒေသခံတစ်ဦးကပြောသည်။

 မြို့သိမ်းတိုက်ပွဲ ဆင်နွှဲစဥ်အတွင်း မြို့​ပေါ်ရှိအ​ဆောက်အအုံတစ်ခု
မြို့သိမ်းတိုက်ပွဲ ဆင်နွှဲစဥ်အတွင်း မြို့​ပေါ်ရှိအ​ဆောက်အအုံတစ်ခု

စစ်​ကောင်စီတပ်က ​မြို့မကျရန် လေ​ကြောင်းမှ အပြင်းအထန်ခုခံတိုက်ခိုက်​သော်လည်း ​တော်လှန်​ရေးတပ်ဖွဲ့များ၏ လ​ပေါင်းများစွာထိုးစစ်ဆင်တိုက်ခိုက်မှုဖြင့်သိမ်းပိုက်နိုင်ခဲ့ခြင်းဖြစ်သည်။

မြို့သိမ်းတိုက်ပွဲတွင် စစ်​ကောင်စီတပ်မှ စစ်သုံ့ပန်းများဖမ်းမိသလို ၊​လေ​ကြောင်းကချ​ပေး​သောစစ်ကူများလည်း​ချေမှုန်းခံရ​ကြောင်း ​တော်လှန်​ရေးတပ်ဖွဲ့များက​ပြောသည်။

ကျင်ဒွေးမြို့ကို CDFများနှင့် ယောဒေသရှိ PDFများက စတင်တိုက်ခိုက်ခဲ့ပြီး နောက်ပိုင်းတွင် AAပါဝင်တိုက်ခဲ့ခြင်းဖြစ်သည်။

ကျင်ဒွေးရှိ စစ်ကောင်စီစခန်းကို CDF ပူးပေါင်းတပ်များနှင့် PDF တပ်များ ပူးပေါင်းပြီး ၂၀၂၃ ဒီဇင်ဘာက စတင်တိုက်ခိုက်ခဲ့ရာ စခန်းရလုနီးချိန်တွင် စစ်ကောင်စီက လေကြောင်း တိုက်ခိုက်မှု နှင့် စစ်ကူအင်အားဖြည့်တင်းခဲ့၍ နောက်ဆုတ်ပေးခဲ့ရကြောင်း၊ ယခုနှစ် မတ်လ ၇ရက်မှစ ပြီး ချင်းညီနောင်က ကျင်ဒွေးမြို့သိမ်းတိုက်ပွဲကို ဖော်ဆောင်ခဲ့ကြောင်းCDFများက ထုတ်ပြန်ထားသည်။

ကျင်​ဒွေးမြို့ကို Google Earth တွင်​တွေ့ရမှု
ကျင်​ဒွေးမြို့ကို Google Earth တွင်​တွေ့ရမှု

ကျင်​ဒွေးမြို့ သည် ရွာမှ မြို့အဖြစ်သို့ ​ရွေး​ကောက်ခံအရပ်သားအစိုးရလက်ထက် ၂၀၁၉ ဧပြီလတွင် အဆင့်မြှင့်တင်​ပေးခဲ့ခြင်းဖြစ်ပြီး မြို့တွင် လူဦး​ရေ တစ်​ထောင်​ကျော်​နေထိုင်သည် ။​မြောက်ဘက်တွင် ကန်ပက်လက်မြို့ ၊ ​အ​ရှေ့​မြောက်ဘက်တွင် မင်းတပ်မြို့နှင့် ​ကျောက်ထုမြို့ ၊ အ​ရှေ့ဘက်တွင် ​ဆောမြို့ ၊ အ​​နောက်ဘက်တွင် ​ရခိုင်ပြည်နယ်ကျောက်​တော်မြို့တို့ တည်ရှိသည်။

(ကျင်​ဒွေးမြို့အဝင်ဆိုင်းဘုတ်/ ၂၀၁၉ ဧပြီလက ကျင်​ဒွေးမြို့ဖွင့်ပွဲ/ မြို့သိမ်းတိုက်ပွဲ ဆင်နွှဲစဥ်အတွင်း မြို့​ပေါ်ရှိအ​ဆောက်အအုံတစ်ခု/ ကျင်​ဒွေးမြို့ကို Google Earth တွင်​တွေ့ရမှု ။ဓါတ်ပုံ-CJ )

ဆက်စပ်သတင်းများ

သတင်း

ကျင်ဒွေးမြို့သိမ်းတိုက်ပွဲကို ၂၀၂၃ ဒီဇင်ဘာ ၂၂ရက်မှ စတင်ခဲ့ရာ ၄လကျော် ကြာမြင့်ခဲ့ပြီး နယ်မြေခံ CDF-ကန်ပက်လက်၊ အခြား CDFပူးပေါင်းတပ်ဖွဲ့များနှင့် PDFများက တိုက်ပွဲစတင်ဖော်ဆောင်ခဲ့ခြင်းဖြစ်သည်။

သတင်း

မကွေးတိုင်း ဆိပ်ဖြူ မှလာသည့် အင်အား ၃၀၀ ခန့်ပါ စစ်ကောင်စီတပ် စစ်ကြောင်း၊ ယာဉ်တန်းသည် ဇူလိုင်လလယ်တွင် ဆောမြို့နယ်မှ ကျင်ဒွေးသို့ သွားရောက်ရာ လမ်းခရီး၌ ဒေသခံ CDFနှင့် PDF တပ်ဖွဲ့များ၏ တိုက်ခိုက်မှုကြောင့် အထိနာခဲ့သည်။

သတင်း

ကျင်ဒွေးမြို့ စစ်ကောင်စီတပ်စခန်းသို့ ဦးတည်သည့် စစ်ကြောင်းနှင့် တိုက်ပွဲများ ပြင်းထန်စွာ ဖြစ်ခဲ့ရာ ကားမိုင်းနှင့် နင်းမိုင်းများစွာ ပေါက်ကွဲခဲ့သည်ဟု ကန်ပက်လက် CDFက ဖော်ပြသည်။

သတင်း

ကန်ပက်လက်မြို့နယ်၊ ကျင်ဒွေးမြို့သို့ ရိက္ခာပို့ရန် လာသည့် စစ်ကောင်စီတပ်နှင့် ကန်ပက်လက်မြို့တွင် တပ်ချိန်းပြီးထွက်ခွာလာသည့် စစ်ကောင်စီတပ်ကို ပူးပေါင်းတပ်မှ တိုက်ခိုက်ခဲ့ခြင်းဖြစ်သည်။