မန္တလေးမြို့မှာ လျှပ်စစ်မီတာဆောင်ဖို့ ရက်ပိုင်းလွန်နေသူတွေပါကို မီတာပုံးဖြုတ်သိမ်းနေတယ်လို့ ဒေသခံတွေကပြောပါတယ်။
” ဆောင်ဖို့ ၃ရက်လောက်လွန်သွားတာကို မီတာလာဖြုတ်တယ်” လို့ မန္တလေး ချမ်းမြသာစည်မြို့နယ်မှာနေထိုင်သူတစ်ဦးကပြောပါတယ်။
မီတာကြွေးကျန်ပေးဆောင်ပြီးလိုက် မီတာပုံး ပြန်တပ်ရာလည်း ကျပ်တစ်သောင်းခွဲ ထပ်ပေးရတယ်လို့ အဲဒီဒေသခံက ဆိုပါတယ်။
” ပြန်တပ်ခလိုချင်လို့ ဂွင်ဖန်နေတဲ့သဘောပါ ” လို့ ချမ်းမြသာစည်မြို့နယ်နေသူ ကပြောပြပါတယ်။
Public Service Announcement
အရင်က လနဲ့ချီ မဆောင်မှ မီတာပုံးဖြုတ်ပေမယ့် ဒီရက်ပိုင်းတွေမှာတော့ ပေးဆောင်ဖို့ ရက်လွန်တာနဲ့ မီတာဖြုတ်တာမျိုး လုပ်လာတယ်လို့ အမရပူရမြို့နယ်တွင်နေထိုင်သူတစ်ဦးကပြောပါတယ်။
စစ်တပ်အာဏာသိမ်းပြီးနောက် စစ်တပ်အခွန်မရဖို့အတွက် ပြည်သူတွေဟာ မီတာမဆောင်ဘဲ ဆန့်ကျင်ဆန္ဒပြကြပါတယ်။
ဒါကို တုံ့ပြန်တဲ့အနေနဲ့ စစ်ကောင်စီကလည်း မီးဖြတ်တာ ၊ မီတာဖြုတ်တာ ၊ အမှုဖွင့်တာတွေကို လုပ်နေပါတယ်။
မန္တလေးခရိုင် ၊ပုသိမ်ကြီးမြို့နယ် ထဲက ကျေးရွာတွေမှာဆို မီတာမဆောင်လို့ဆိုပြီး မီးဖြတ်ထားတာဟာ တစ်နှစ်နီးပါးရှိလာပြီဖြစ်ပါတယ်။
