ရခိုင်ပြည်နယ်အပါအဝင်တိုင်းဒေသကြီးနှင့်ပြည်နယ်အချို့၌ အပူချိန်မြင့်တက်နေပြီးခရမ်းလွန်ရောင်ခြည် တိုက်ရိုက်ထိတွေ့မှုကို ဂရုပြုနေထိုင်ကြရန်အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန(MHADM -NUG)က သတိပေးချက်ထုတ်ပြန်သည်။
၂၀၂၃ ခုနှစ်နွေရာသီ၏အပူဒဏ်နှင့်ပတ်သက်၍ပထမဆုံးသတိပေးချက်ကို MHADM -NUG က ယနေ့ (မတ်လ ၂ရက်) ထုတ်ပြန်ခြင်းဖြစ်သည်။
စစ်ကိုင်းတိုင်းဒေသကြီးမှ မုံရွာမြို့၊ မန္တလေးတိုင်းဒေသကြီးမှ မန္တလေးမြို့၊ မိတ္ထီလာမြို့၊ နေပြည်တော်၊ ပျဉ်းမနား၊ ပုဂံနှင့် ပဲခူးတိုင်းဒေသကြီးတွင် ပဲခူးမြို့၊ တောင်ငူမြို့၊ ဖြူးမြို့၊ ပြည်မြို့၊ မကွေးတိုင်းဒေသကြီးမှ မကွေးမြို့၊ ရခိုင်ပြည်နယ်မှ သံတွဲမြို့နှင့် ရန်ကုန်မြို့တို့တွင် မွန်းလွဲ (၁၂)နာရီမှ ညနေ (၄)နာရီအတွင်း ခရမ်းလွန် ရောင်ခြည် ညွှန်းကိန်း မြင့်တက် လာနိုင်ကြောင်းပညာရှင်များက ခန့်မှန်းချက်များကို ကိုးကား၍MHADM -NUG ကသတိပေးထားသည်။
ကလေးသူငယ်များ၊သက်ကြီးရွယ်အိုများနှင့်နာတာရှည်ရောဂါသည်များအနေဖြင့် နေ့အပူချိန် မြင့်တက်ချိန်များတွင် ခရမ်းလွန်ရောင်ခြည်တိုက်ရိုက်ထိတွေ့မှုများမှ ရှောင်ရှားနိုင်ရန်အတွက် အရိပ်အာဝါသ ကောင်းမွန် သောနေရာများတွင် နေထိုင်ကြပါရန်နှင့် အပူချိန်မြင့်တက်ခြင်းနှင့် စပ်လျဉ်းသည့် ဆောင်ရန်၊ ရှောင်ရန်အချက်များကို သတိပြုနိုင်ကြရန် အကြံပြုထားသည်။
Public Service Announcement
မြန်မာနိုင်ငံတွင်မတ်လမှ မေလအထိ အပူချိန်မြင့်တက်လေ့ရှိပြီး ယင်းကာလအတွင်း ခရမ်းလွန်ရောင်ခြည်ညွှန်းကိန်းများလည်း မြင့်မားနေလေ့ရှိသည်။
