ဖားကန့်မြို့မှအမျိုးသမီးစွမ်းရည်မြင့် အလုပ်ရုံကို စစ်ကောင်စီတပ်က ဖျက်ဆီးပြီး ပြည်သူနှစ်ဦအား ဖမ်းဆီးသွားခြင်းသည် ပြည်သူလူထုများ၏ လွတ်လပ်စွာ ပညာသင်ကြားပိုင်ခွင့်ကို ဟန့်တားပိတ်ပင်လာခြင်းဖြစ်ပြီး နိုင်ငံတကာ အစိုးရများအနေဖြင့်စစ်ကောင်စီ၏ စီးပွားရေး၊ နိုင်ငံရေးတို့ကို ပိုမိုပိတ်ဆို့ အရေးယူဆောင်ရွက်ပါရန် Kachine Human Rights Watch – KHRWကကြေညာချက်ထုတ်ပြန် တောင်းဆိုလိုက်သည်။
ဖားကန့်မြို့၊မှော်စီဆာရပ်ကွက်တွင်ကချင်အမျိုးသားလူမှုဖွံ့ဖြိုးရေးဖောင်ဒေရှင်းကဆောက်လုပ်ထားသော အမျိုးသမီးစွမ်းရည်မြင့် အလုပ်ရုံကို စစ်ကောင်စီတပ်က ဖျက်ဆီးခြင်းနှင့်ပတ်သက်၍ ကချင်လူ့အခွင့်အရေးစောင့်ကြည့်ရေးအဖွဲ့ KHRW က ယနေ့(မတ်လ ၂၀ရက်)တွင် ထုတ်ပြန်ခြင်းဖြစ်သည်။
စစ်ကောင်စီတပ်သည် အဆိုပါအမျိုးသမီးစွမ်းရည်မြင့်အလုပ်ရုံကို မတ်လ ၁၈ရက်ညနေတွင် အင်အားအများအပြားဖြင့် ဝင်ရောက်စီးနင်းပြီး ဖျက်ဆီးခဲ့ခြင်းကြောင်း ဒေသခံများကပြောသည်။
“နိုင်ငံတကာအစိုးရများအနေဖြင့်လူ့အခွင့်အရေးချိုးဖောက်မှုနေသည့် အကြမ်းဖက်စစ်ကောင်စီ၏ စီးပွားရေး၊ နိုင်ငံရေးတို့ကို ပိုမိုပိတ်ဆို့ အရေးယူဆောင်ရွက်ပါရန် တောင်းဆိုလိုက်သည်”ဟုKHRWက ထုတ်ပြန်သည်။
Public Service Announcement
စစ်ကောင်စီတပ်သည် ဖားကန့်တွင် အရပ်သားပြည်သူများကို ဖမ်းဆီးခြင်းများ ဆက်တိုက်ပြုလုပ်နေသည်။မတ်လ ၁၁ရက်ကလည်း ကချင်ရိုးရာယဉ်ကျေးမှုရုံးကို စစ်ကောင်စီက ဝင်ရောက်စီးနင်းပြီးနောက် ရုံးအတွင်းရှိနေသူ၁၀ ဦးထက်မနည်းကိုဖမ်းဆီးသွားကြောင်း သတင်းရရှိသည်။
“ပြည်သူတွေကကိုယ့်ဝမ်းစာအတွက်အလုပ်လုပ်နေချိန်မှာ သူတို့(စစ်ကောင်စီ)က မတရားဖမ်းဆီးနေတယ်” ဟု KHRWက တာဝန်ရှိသူတစ်ဦးကပြောသည်။
စစ်ကောင်စီမှ ပြည်သူလူထုများကို မတရားဖမ်းဆီးခြင်းမှချက်ခြင်းရပ်တန့်ပေးရန်၊ မတရားဖမ်းဆီးထားသော ပြည်သူများကို ခြွင်းချက်မရှိ အမြန်ဆုံးလွှတ်ပေးရန် KHRWက တောင်းဆိုထားသည်။
