ချင်းပြည်နယ် မင်းတပ်မြို့အဝင်ရှိ စစ်ကောင်စီဂိတ်အနီး သွားရောက်ပြီး စစ်ကောင်စီတပ်ဖွဲ့ဝင် များ၏ အခြေအနေကို လေ့လာခဲ့သည့် ဓာတ်ပုံမှတ်တမ်းကို ချင်းကာကွယ်ရေးတပ်(CDF)များနှင့် နီးစပ်မှုရှိသည့် ဒေသခံ ဓာတ်ပုံဆရာတစ်ဦးက ဖော်ပြခဲ့သည်။
ထိုသို့ စစ်ကောင်စီဂိတ်အနီးသို့ သွားရောက်ကြည့်ရှုရာ၌ နွေဦးတော်လှန်ရေးအစ ၂၀၂၁ ဧပြီ လကုန်နှင့် မေလတွင် စစ်ကောင်စီတပ်ကို မင်းတပ် CDFများ တိုက်ခိုက်စဉ်က သိမ်းပိုက်ရရှိခဲ့သောစနိုက်ပါကို အသုံးပြုကြည့်ခဲ့သည်ဟု ဓာတ်ပုံနှင့်တကွ ဖော်ပြ သည်။ ဂေါက်ကွင်းတိုက်ပွဲ၌ ဒေသခံ CDFများက စစ်ကောင်စီတပ်ကို တူမီး၊ လက်လုပ်သေနတ်များဖြင့် တိုက်ခိုက်ခဲ့ခြင်းဖြစ်သော်လည်း စစ်ကောင်စီတပ် သေဆုံးထိခိုက်များခဲ့ပြီး စစ်ကောင်စီယာဉ် ၆စီးကို မီးရှို့ဖျက် ဆီးနိုင်ခဲ့ကာ လက်နက်များသိမ်းဆည်းရရှိခဲ့သည်။
ယခု စစ်ကောင်စီဂိတ်ကို သွားရောက်ကြည့်ရှုသည့် ဖော်ပြချက်နှင့်ပတ်သက်ပြီး ဓာတ်ပုံဆရာအား ဆက်သွယ်မေးမြန်းရာ ပြီးခဲ့သည့် ရက်ပိုင်းအတွင်းက သွားရောက်ခြင်းဖြစ်သည်ဟု ပြောသည်။
“တကယ်နီးနီးလေး ၁၅၀ ပေလောက်ပဲရှိမယ် တစ်အိမ်ကျော်လောက်ပေါ့”ဟု ၎င်းက ဆိုသည်။
မင်းတပ်မြို့၏ မည်သည့်နေရာမဆို ဆန္ဒရှိပါက ရောက်အောင်သွားလို့ရသည့် အခြေအနေကို ပြသခြင်းဖြစ်သည်ဟုလည်း အသိပေးထား သည်။
မင်းတပ် CDF အနေဖြင့် မြို့နယ်၏ဧရိယာအများစုကို စိုးမိုးထိန်းချုပ်ထားနိုင်ပြီး မြို့နှင့်အနီးတဝိုက်၌လည်း လှုပ်ရှားနိုင်ကြောင်း မင်းတပ် CDF ပြောရေးဆိုခွင့်ရှိသူ ဆလိုင်းဟာအွမ်က ယခင်က ပြောကြားထားသည်။