မွန်ပြည်နယ်၊ အမှတ်(၈)ပြည်ထောင်စုလမ်းမကြီးပေါ်တွင် သွားလာနေကြသည့် ခရီးသွားမော်တော်ယာဉ်များအား ကစယ့်သူးတပ်ရင်း တောင်ညိုစစ်ကြောင်းမှ အမျိုးသမီးရဲဘော်များကိုယ်တိုင် တာဝန်ယူစစ်ဆေးဆောင်ရွက်နေသည့် ပုံများထွက်လာသည်။
တောင်ညိုစစ်ကြောင်းမှ အမျိုးသမီးရဲဘော်များသည် ရှေ့တန်းစစ်မျက်နှာပြင်အထိ လိုက်ပါတာဝန်ထမ်းဆောင်နေကြပြီး တိုက်ပွဲအတွေ့အကြုံများလည်း အတော်အသင့်ရရှိနေကြပြီဖြစ်သည်ဟု ကစယ့်သူးတပ်ရင်း တောင်ညိုစစ်ကြောင်းက ယနေ့ ဇူလိုင်(၄)ရက်တွင် သတင်းထုတ်ပြန်သည်။
လမ်းပိုင်းတွင် သွားလာနေကြသည့် ခရီးသွားမော်တော်ယာဉ်များအား အမျိုးသမီးရဲဘော်များမှ စစ်ဆေးဆောင်ရွက်နေသည့် ပုံများကို တောင်ညိုစစ်ကြောင်းက ဓာတ်ပုံနှင့်တကွ ထုတ်ပြန်ထားခြင်းဖြစ်သည်။
“အမျိုးသမီးတွေရဲ့ အာဏာရှင်စနစ်ကို တွန်းလှန်ချင်စိတ်ကလည်း အင်မတန်လေးစားဖို့ ကောင်းလှပါတယ်။ ရှေ့တန်းဘယ်သူလိုက်မလဲ ဆိုတာနဲ့ ကျွန်တော်တို့လိုက်မယ်ဆိုတဲ့ စကားသံများထဲမှ ” ကျွန်မတို့ လိုက်မယ်”ဆိုတဲ့ အမျိုးသမီးများရဲ့ စကားသံများဟာလည်း တော်လှန်ရေးအတွက် ထိုအမျိုးသမီးများအပေါ် ဂုဏ်ယူဖွယ်ဖြစ်ခဲ့ပါတယ်” ဟု တောင်ညိုစစ်ကြောင်း၏ ထုတ်ပြန်ချက်တွင် ရေးသားဖော်ပြထားသည်။
Public Service Announcement
“ဘေးအန္တရာယ် ကင်းဝေးကြပြီး အမေ့အိမ်ကို အမြန်ပြန်နိုင်ကြပါစေ ကလေးတို့” ဟု ပြည်သူတစ်ဦးကလည်း မှတ်ချက်ပေးထားသည်။
ကစယ့်သူးတပ်ရင်း တောင်ညိုစစ်ကြောင်းသည် တောင်ပိုင်းစစ်ဒေသ၊ စစ်ဒေသခွဲ အမှတ်(၃)၊ တပ်မဟာ(၆)နယ်မြေတွင် အခြေပြုလှုပ်ရှားနေသည့် KNLA/ DPF ပူးပေါင်းစစ်ကြောင်းတစ်ကြောင်းလည်း ဖြစ်သည်။
မွန်ပြည်နယ်၊ အမှတ်(၈)ပြည်ထောင်စုလမ်းမကြီးပေါ်တွင် လုံခြုံရေးနှင့် နယ်မြေစိုးမိုးဆောင်ရွက်နိုင်ရေးအတွက် KNLA/ PDF ပူးပေါင်းစစ်ကြောင်းများမှ ဇွန်လ(၁၈)ရက်နေ့မှစတင်၍ သွားလာနေကြသည့် မော်တော်ယာဉ်များ စစ်ဆေးဆောင်ရွက်မှုများ လုပ်ဆောင်ခဲ့သည်။
