ဆလိုင်းမာန်အောင်/People’s Spring
သံဖြူဇရပ် – ရေးလမ်းပိုင်းတွင် ကုန်တင်ကားနှစ်စီးတိုက်မိရာမှ တစ်စီးမီးလောင်ပြီး ယာဉ်မောင်း သေဆုံးသွားခဲ့သည်။
သံဖြူဇရပ် -ရေးလမ်းမပိုင်းရှိ မော့ကနင်ကျေးရွာအနီးတွင် ရာဘာများသယ်ဆောင်လာသော ယာဉ် နှင့် ကွမ်းသီးတင် (၁၂)ဘီး ကုန်တင်ယာဉ်တို့ ရှေ့ဆင့်နောက်ဆင့်အနေအထားဖြင့် တိုက်မိခြင်းဟု ဒေသခံများက ပြောသည်။
စက်တင်ဘာ ၁၃ရက် ညနေ ၅နာရီခွဲခန့်က ဖြစ်ခဲ့ပြီး ထိုဖြစ်စဉ်တွင် ကွမ်းသီးတင်ယာဉ် မီးလောင်သွားပြီး ယာဉ်မောင်းမှာ သေဆုံးသွားခဲ့သည်ဟု သိရသည်။မီးလောင်မှုကို မီးသတ်ဌာနနှင့် လူမှုရေးအဖွဲ့များက ဝိုင်းဝန်းငြှိမ်းသတ်ခဲ့ကြသည်။
ယမန်နေ့ နံနက်ပိုင်းကလည်း ရန်ကုန်- မြဝတီလမ်းမကြီး ဘားအံမြို့အနီးတွင် မှန်လုံခရီးသည်တင်ယာဉ်တစ်စီး တိမ်းမှောက်ပြီး ခရီးသည်တစ်ဦးသေဆုံးကာ လေးဦးဒဏ်ရာရခဲ့သည်။
Public Service Announcement
