▪︎သိန္ဒီမြို့ကို တော်လှန်ရးအဖွဲ့များ ထိန်းသိမ်းနိုင်ပြီဟုဒေသခံများပြော
၁၀၂၇ စစ်ဆင်ရေးတွင် ပြည်သူ့လွတ်မြောက်ရေးတပ်မတော် People’s Liberation Army – PLA ပါဝင်ရောက်တိုက်ခိုက်နေပြီး ယနေ့နံနက် သိန္ဒီမြို့တွင်းတိုက်ပွဲတွင် မြို့ကို မဟာမိတ်တပ်ပေါင်းစုက ထိန်းသိမ်းလိုက်သည်ဟု သတင်းရရှိသည်။
၁၀၂၇ စစ်ဆင်ရေးတွင် ပါဝင်နေသည်ကို PLAက ဓာတ်ပုံမှတ်တမ်းအချို့နှင့်အတူ တရားဝင်သတင်းထုတ်ပြန်ခြင်းဖြစ်သည်။
“ဒီစစ်ဆင်ရေးကဗျူဟာမြောက်ပါ။PLAလည်း ၁၀၂၇မှာပါနေပါတယ်”ဟု PLAနှင့် နီးစပ်သူတစ်ဦးက ပြောသည်။
PLA ရဲဘော်များသည် ရုပ်ဝတ္တုပစ္စည်းပိုင်းဆိုင်ရာ ပိုင်ဆိုင်မှု နည်းပါးသူများ ဖြစ်သည့်အပြင် စစ်ရေးစည်းမျဉ်းစည်းကမ်း လျှိုဝှက်ချက်များအား မျက်လုံးအိမ်သဖွယ်ထိန်းသိမ်း ရသည့် ရဲဘော်များဖြစ်သည့်အတွက် ရှေ့တန်းစစ်မျက်နှာပြင်များတွင် အသက်စွန့်တိုက်ပွဲဝင်နေရသည့် ပုံရိပ်များအား အကန့်အသတ်ဖြင့်သာ ဖော်ပြနိုင်ခြင်းအပေါ် မိဘပြည်သူများ အနေဖြင့် နားလည်ခွင့်လွှတ်ပေးပါရန် တင်ပြအပ်ပါသည်ဟု PLA က ထုတ်ပြန်ထားသည်။
Public Service Announcement
ရှမ်းပြည်နယ်မြောက်ပိုင်း သိန္ဒီမြို့တွင် ယမန်နေ့ ညနေမှစ၍ ယနေ အောက်တိုဘာ ၂၉ ရက်) နံနက် ၁၁နာရီအထိ တိုက်ပွဲပြင်းထန်နေပြီး သိန္ဒီရဲစခန်းကို တိုက်ခိုက်စဉ် စစ်ကောင်စီတပ်ဖွဲ့ဝင်များ ထွက်ပြေးသွားကြောင်း သတင်းရရှိသည်။
ထပ်မံရရှိသော သတင်းအရ နံနက် ၈နာရီခွဲတွင် သိန္ဒီရဲစခန်းအား မဟာမိတ်တပ်ပေါင်းစုက တိုက်ခိုက်သိမ်းပိုက်လိုက်ပြီဟု ဒေသခံများကပြောသည်။
