လေကြောင်းတိုက်ခိုက်ခံထားရတဲ့ ကျောက်မဲမြို့အဝင် တိုးဂိတ်မှာ မီးလောင်ကျွမ်းနေတဲ့ ရုပ်အလောင်း လေးလောင်းကို တွေ့ရတယ်လို့ လူမှုကူညီရေးအသင်းထံကသိရပါတယ်။
တနင်္လာနေ့ ညနေပိုင်းက ကျောက်မဲမြို့ တိုးဂိတ်အနီးမှာ စစ်ကောင်စီတပ်နဲ့ တအာင်းတပ်(TNLA) တို့ကြား တိုက်ပွဲဖြစ်ပြီးနောက် လေကြောင်းတိုက်ခိုက်ခံရတာပါ။
မီးလောင်ပျက်စီးသွားတဲ့ တိုးဂိတ်အဆောက်အဦးထဲမှာ ပုံပျက်နေတဲ့ ရုပ်အလောင်းလေးလောင်းကို လူမှုကူညီရေးအသင်းက မနေ့က သွားရောက်သယ်ယူပြီး သင်္ဂြိုဟ်ပေးလိုက်တယ်လို့သိရပါတယ်။
” ရုပ်ပျက်ဆင်းပျက်ဖြစ်ပြီး မီးသွေးခဲတွေလိုဖြစ်နေတာ” လို့ ရုပ်အလောင်းသွားရောက်သယ်ဆောင်ရာမှာပါဝင်သူ ကူညီရေးအဖွဲ့သားတစ်ဦးက ပြောပြပါတယ်။
Public Service Announcement
ရုပ်အလောင်းလေးလောင်းအနက် တစ်ဦးသာ အမျိုးသားဖြစ်တယ်လို့ အတည်ပြုနိုင်ပြီးကျန်သူတွေကို မည်သူမည်ဝါဆိုတာ မခွဲခြားနိုင်တော့ဘူးလို့သိရပါတယ်။
လေကြောင်းတိုက်ခိုက်မှုအတွင်း တိုးဂိတ်အနီးရပ်ထားတဲ့ ကုန်ကားနှစ်စီးလည်းပျက်စီးခဲ့ပါတယ်။
