Connect with us

Hi, what are you looking for?

LuduNwayOo

သတင်း

ကွတ်ခိုင်ရှိ KIA ဆက်ဆံရေးရုံးဖယ်ခိုင်းသည့်ကိစ္စ TNLAနှင့် ဆွေးနွေးပြေလည်မှုရဟုဆို

ကွတ်ခိုင်ရှိ KIA ဆက်ဆံရေးရုံးနှင့် KIA တပ်ဖွဲ့ဝင်များ ဧပြီ ၁၅ရက် ယနေ့ နောက်ဆုံးထား ဖယ်ရှားရန် TNLAဘက်က ဧပြီ ဒုတိယပတ်အတွင်း နှစ်ကြိမ်လာရောက်ပြောဆိုခဲ့မှု အပေါ် နှစ်ဖက်အရာရှိများ ဆွေးနွေးညှိနှိုင်းခဲ့ကြခြင်းဖြစ်သည်ဟုဆိုသည်။

(ကွတ်ခိုင်မြို့ရှိ KIA ဆက်ဆံရေးရုံးအား တွေ့ရစဉ်။ ဓာတ်ပုံ - TheKachinSubStateMedia/DG)
(ကွတ်ခိုင်မြို့ရှိ KIA ဆက်ဆံရေးရုံးအား တွေ့ရစဉ်။ ဓာတ်ပုံ - TheKachinSubStateMedia/DG)

ဟန်နွေ/People’s Spring

ရှမ်းပြည်နယ်မြောက်ပိုင်း ကွတ်ခိုင်မြို့ရှိ ကချင်လွတ်လပ်ရေးတပ်မတော်(KIO/KIA) ဆက်ဆံရေးရုံးအား ဖယ်ရှားရန် တအာင်းတပ်မတော်(TNLA) အရာရှိငယ်အချို့က ပြောကြားလာသည့်ကိစ္စနှစ်ဖက် ဆွေးနွေးညှိနှိုင်း ပြေလည်မှုရရှိခဲ့ကြောင်း ကချင်စစ်ရေးသတင်းရင်းမြစ်အချို့က အတည်ပြုသည်။

ကွတ်ခိုင်ရှိ KIA ဆက်ဆံရေးရုံးနှင့် KIA တပ်ဖွဲ့ဝင်များ ဧပြီ ၁၅ရက် ယနေ့ နောက်ဆုံးထား ဖယ်ရှားရန် TNLAဘက်က ဧပြီ ဒုတိယပတ်အတွင်း နှစ်ကြိမ်လာရောက်ပြောဆိုခဲ့မှု အပေါ် နှစ်ဖက်အရာရှိများ ဆွေးနွေးညှိနှိုင်းခဲ့ကြခြင်းဖြစ်သည်ဟုဆိုသည်။

” ကွတ်ခိုင်က ဆက်ဆံရေးရုံးကိစ္စ KIAနဲ့ TNLA အရာရှိတွေ ဆွေးနွေးတာ အဆင်ပြေတယ်ဆိုတာ ဟုတ်တယ်”ဟု ကချင်စစ်ရေးသတင်းရင်းမြစ်က ပြောပြသည်။

Public Service Announcement

Public Service Announcement

အခြား သတင်းရင်းမြစ်တစ်ဦးကလည်း “ကွတ်ခိုင်အခြေအနေကောင်းတယ်” ဟု ပြောပြသည်။

ဆွေးနွေးညှိနှိုင်းမှုတွင် ပါဝင်သူများနှင့် ဆွေးနွေးမှု ရလဒ် အခြေအနေများကို ဆက်လက်စုံစမ်းနေပြီး TNLAနှင့် KIA သတင်းပြန်ကြားရေးဌာန တာဝန်ရှိသူများထံသို့လည်း ဆက်သွယ်မေးမြန်းထားသည်။

KIA သတင်းများအဓိက ဖော်ပြနေသည့် 7Stars Newsက ယနေ့ ညနေပိုင်း၌ ကွတ်ခိုင် KIA ဆက်ဆံရေးရုံး နှင့်ပတ်သက်သည့် သတင်းကို ဖော်ပြရာ ဧပြီ ၁၅ရက် ယနေ့တွင် ကွတ်ခိုင်ဒေသရှိ KIA နယ်မြေတာဝန်ခံ အရာရှိနှင့် အတွင်းရေးမှူး တို့သည် TNLA အရာရှိများနှင့် တွေ့ဆုံဆွေးနွေးခဲ့ရာ ပြေလည်သည့် ဆွေးနွေး သဘောတူညီချက်ရရှိခဲ့ဟု အသိပေးသည်။

ကွတ်ခိုင်ရှိ KIA ဆက်ဆံရေးရုံး၊ နမ့်အွမ်၊ နမ့်ဖက်ကာရှိ KIAရုံးများနှင့် တပ်ဖွဲ့ဝင်များကို ဧပြီ ၁၅ရက် နေ့လည် နောက်ဆုံးထား ထွက်သွားရန် သတိပေးခဲ့ခြင်းမှာ ကွတ်ခိုင်မြို့ရှိ အရာရှိငယ်များ၏ မှားယွင်းသော လုပ်ဆောင်မှုများသာ ဖြစ်ကြောင်း TNLAဘက်က ပြောကြားလာသကဲ့သို့ မည်သည့် ကိစ္စမဆို အချင်းချင်း လေးစားမှုရှိရှိ တိုင်ပင်ဆွေးနွေး လုပ်ဆောင်ကြရန် သဘောတူညီခဲ့သည်ဟု 7Stars News က ဖော်ပြသည်။

KIAနှင့် TNLAတို့သည် ပြီးခဲ့သည့် နှစ်ပိုင်းအတွင်းက နှစ်ဖက်ထိပ်ပိုင်းခေါင်းဆောင်များ တွေ့ဆုံပြီး ယခင်ရှိပြီးဖြစ်သည့် မဟာမိတ် ဆက်ဆံရေးစာချုပ်ကို ထပ်လောင်းအတည်ပြု ထားသည့် တပ်ဖွဲ့များဖြစ်သည်။

ဆက်စပ်သတင်းများ

သတင်း

ဝိုင်းမော်၌ ကျန်နေသည့် စစ်ကောင်စီတပ်စခန်းများကို KIAက မေလ ၁၈ရက်တွင် တပြိုင်တည်း ထိုးစစ်ဆင်ခဲ့ခြင်းဖြစ်ပြီး ယနေ့(မေလ ၂၀ရက်)နံ နက်အချိန်ထိ စစ်ကောင်စီတပ်စခန်း ၁၂ခုထက်မနည်း ရရှိထားသည်။

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

​ခလရ ၃၂၁ အပါအဝင် ဝိုင်းမော်ရှိ စစ်ကောင်စီတပ်စခန်းများအား KIAက ​မေ ၁၈ နံနက် စတင်ထိုးစစ်ဆင်ခြင်းဖ့စ်​ကြောင်း အခြားကချင်စစ်ရေးသတင်းရင်းမြစ်ကလည်း အတည်ပြုပေးသည်။

သတင်း

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။