အင်ကြင်း/People’s Spring
မြင်းခြံခရိုင်အထူးစစ်ဆင်ရေးကြောင့် လုံခြုံရေးတိုးမြှင့်ထားသည့် ကျောက်ပန်းတောင်းမြို့နယ် တွင် ရပ်ကျေးအုပ်ချုပ်ရေးမှူးတစ်ဦး အသတ်ခံရကြောင်း သတင်းရရှိသည်။
သြဂုတ် ၂၃ ရက် ညနေ ၃နာရီခန့်က ကျောက်ပန်းတောင်းမြို့နယ်၊ ကျောက်တံခါး(မြောက်) ကျေးရွာမှ ပြည်သူများအပေါ် အနိုင်ကျင့်၊ ခြိမ်းခြောက်၊ဒုက္ခပေးနေသော ပျူစောထီးအဖွဲ့ဝင် အုပ်ချုပ်ရေးမှူးဝင်းအောင်ဆိုသူအား ပစ်ခတ်ခဲ့ရာ ပွဲချင်းပြီးသေဆုံးခဲ့ကြောင်း အညာမြေပြည်သူ့ကာကွယ်ရေးတပ်ဖွဲ့(ကျောက်ပန်းတောင်း)၏ တာဝန်ရှိသူက ပြောသည်။
Public Service Announcement
“သူ့ရွာထဲမှာ ဝင်ဖမ်းပြီး လမ်းမတန်းဘေးရောက်မှာ စစ်ဆေးပြီး ရှင်းခဲ့တာဗျ။ သေနတ်ကတော့ မရဘူး။”ဟု အထက်ပါတာဝန်ရှိသူက ပြောသည်။
၎င်းအုပ်ကြီးထံမှ ကျည်ကာအင်္ကျီ တစ်ထည်၊ စစ်သုံးရေဗူး တစ်ဗူးနှင့် ဓား တစ်ချောင်းအား သိမ်းဆည်းရမိခဲ့ကြောင်း သိရသည်။
ကျောက်ပန်းတောင်းမြို့တွင် သြဂုတ်လဆန်းပိုင်းကလည်း ရပ်ကျေးအုပ်ချုပ်ရေးမှူးအချို့ ပစ်ခတ်ခံရပြီး သေဆုံးခဲ့သေးသည်။ နယ်မြေချင်းထိဆက်နေသည့် မြင်းခြံခရိုင်တွင် မြင်းခြံခရိုင်အထူးစစ်ဆင်ရေးကြောင့် တိုက်ပွဲများဖြစ်ပွားနေ၍ ကျောက်ပန်းတောင်းမြို့တွင်လည်း လုံခြုံရေးတိုးမြှင့်ထားကြောင်း သတင်းရရှိသည်။
