မတ္တရာမြို့နယ်ရှိ ဆည်တော်ကြီးရေလှောင်တမံနှင့်ပတ်သက်၍ စိုးရိမ်ပူပန်မှုများ မဖြစ်ပေါ်ရန်နှင့် ပြည်သူများ ဘေးအန္တရာယ်မဖြစ်စေရန် စနစ်တကျစောင့်ကြည့်လည်ပတ်လျက်ရှိကြောင်း ပြည်သူ့ကာကွယ်ရေးတပ်မတော် (မန္တလေး)က ယနေ့ည အသိပေးထုတ်ပြန်သည်။
ရေလှောင်တမံ၏ ကန်ရေပြည့်အမှတ်မှာ (၄၂၀) ပေ ဖြစ်ပြီး ပုံမှန်ရေထိန်းအမှတ်ကို (၄၁၅)ပေ ဖြင့် ထိန်းသိမ်းလည်ပတ်လျက်ရှိသည်ဟု မန္တလေး PDFက အသိပေးသည်။
ထို့အပြင် စက်တင်ဘာ ၁၅ရက် တိုင်းထွာချက်အရ ဆည်တော်ကြီးရေလှောင်တမံ၏ လက်ရှိကန်ရေပြင်အမှတ်မှာ (၃၈၅)ပေ ဖြစ်သည်ဟု မန္တလေးက ထပ်မံအသိပေးထားသည်။
မိုးသည်းထန်စွာရွာသွန်းမှုကြောင့် ဆည်တော်ကြီးရေလှောင်တမံအတွင်း ရေပြည့်လျှံပြီး ဆည်းကျိူးပေါက်မည်ဟုဆိုကာ ဒေသခံများအကြား စိုးရိမ်မှုမြင့်တက်နေခြင်းဖြစ်သည်။
Public Service Announcement
