မိထက်/People’s Spring
မြဝတီ – ကော့ကရိတ်မြို့ ဒေါနတောင်လမ်းဟောင်းတွင် ကုန်တင်ကားတစ်စီး ချောက်ထဲပြုတ်ကျပြီး ယာဥ်မောင်းသေဆုံးမှု ယနေ့(အောက်တိုဘာ ၃ရက်) နံနက်က ဖြစ်ပွားခဲ့သည်။
ဒေါနတောင်လမ်းဟောင်း ချောက်ကမ်းပါးနှင့် အလည်ဗိုလ်တဲကြားတွင် ပေ ၁,၀၀ခန့်နက်သည့် ချောက်အတွင်းသို့ ၁၀ဘီးကုန်တင်ကားတစ်စီး ထိုးကျသွားခြင်းဖြစ်သည်။
Public Service Announcement
” ယဉ်နောက်လိုက်မပါဘူး။ ယာဉ်မောင်းတစ်ယောက်တည်းပဲပါတာ။ ကားကို တင်ဖို့လုပ်နေကြတယ်”ဟု ဒေသခံတစ်ဦးက ပြောသည်။
မြဝတီ – ကော့ကရိတ်အာရှလမ်းသည် တိုက်ပွဲများကြောင့် ဖြတ်သန်း၍ မရသောကြောင့် ခရီးသည်နှင့် ကုန်တင်ကားများသည် ဒေါနတောင်လမ်းဟောင်းကိုသာ အသုံးပြုနေကြရခြင်းဖြစ်သည်။
ကရင်အမျိုးသားအစည်းအရုံး(KNU)နှင့် ပူပေါင်းတပ်များ ပြီးခဲ့သည့် ဧပြီကတည်းက ထိန်းချုပ်ထားသည့် သင်္ကန်းညီနောင်မြို့နှင့် စစ်ကောင်စီစခန်းများကို ပြန်တိုက်ခိုက်ရန် ကြိုးစားနေသည့် စစ်ကောင်စီ၏ အောင်ဇေယျစစ်ကြောင်းသည် မြဝတီ – ကော့ကရိတ်ကြား အာရှလမ်းပိုင်း၌ ရှိနေသည်။အဆိုပါစစ်ကြောင်းအား ကာကွယ်ရေးပူးပေါင်းတပ်များက တိုက်ခိုက်နေပြီး လုံခြုံရေးအခြေအနေအရ လမ်းအသုံးပြုခွင့်မရခြင်းဖြစ်သည်။
