ရောင်နီ / People’s Spring
ကလောမြို့တွင် ရေကြီး၊မြေပြိုမှုကြောင့် သေဆုံးမှုများတွင် ကရင်နီ (ကယား)ပြည်ဘက်မှ စစ်ဘေးရှောင်လာကြသူများ ပါဝင်ကြောင်း ဒေသခံများကပြောသည်။
“ စစ်ဘေးရှောင်တွေက ဈေးသက်သာတဲ့နေရာတွေမှာ ငှားနေကြရတာ။ အဲဒီ့နေရာတွေက ရေကြီးတာ ဆိုးဆိုးဝါးဝါးဖြစ်တာဆိုတော့ သေဆုံးတာတွေရှိတယ်။ ” ဟု အသက် ၆၀ ကျော်အရွယ် ကလောဒေသခံ အမျိုးသားကပြောသည်။
Public Service Announcement
ကလောမြို့တွင် မိုးသည်းထန်စွာ ရွာသွန်းမှုကြောင့် စက်တင်ဘာ ၁၀ရက်နံနက်မှ စတင်၍ မြေနိမ့်ပိုင်းရပ်ကွက်များဖြစ်သည့် ရပ်ကွက် ၂ ၊ ၃ ၊ ၄ တို့တွင် ရေများတတ်လာခြင်းဖြစ်ပြီး အချို့အိမ်များတစ်အိမ်လုံး မြှုပ်သည်အထိ ရေကြီးရေလျှံမှုဖြစ်ခဲ့ခြင်းဖြစ်သည်။
ယင်းရေကြီးသည့် ဖြစ်စဉ်တွင် သေဆုံးမှု ရာနှင့်ချီ၍ ရှိနိုင်ကြောင်း ဒေသခံများက ခန့်မှန်းထားပြီး ပျောက်ဆုံးနေဆဲ လူများ ရှိနေသေးကြောင်းဒေသခံအချို့ကပြောသည်။
“ အင်းတိမ် မှာဆိုလည်း သေတာစစ်ဘေးရှောင်တွေ များတယ်။ တစ်ချို့ဆိုမိသားစုလိုက်အိမ်ပါပါသွားတာ။ “ ဟု လွိုင်ကော်မြို့မှ စစ်ဘေးရှောင်လာရောက်နေသူတစ်ဦးကပြောသည်။
သေဆုံးသူများအနက် စစ်ဘေးရှောင်လာရောက်နေသူများသည် စာရင်းအတိအကျ ကောက်ယူထားခြင်းမရှိသောကြောင့် သေဆုံးမှုအရေအတွက် ကိုလည်း အတိအကျမသိနိုင်ကြောင်း ကူညီကယ်ဆယ်ရေးလာရောက်လုပ်ဆောင်ပေးသူတစ်ဦးကပြောသည်။
