အိမ်သွင်/People’s Spring
မောင်တောမြို့နယ်မြောက်ပိုင်းမှ မြိုလူမျိုးလူငယ်များက အာရက္ခတပ်တော်(AA)၏ဦးဆောင်မှုဖြင့်ရခိုင်ပြည်တည်ဆောက်ရေးတွင်ပါဝင်ရန် နှင့် စစ်သင်တန်းတက်၍ ကိုယ့်ရပ်ရွာကိုကာကွယ်ရန် ဆန္ဒပြချီတက်ခဲ့ကြသည်။
မောင်တောမြို့မြောက်ပိုင်းမှ ရာနှင့်ချီသော မြိုလူငယ် ၁၀၀ ကျော်က အာရက္ခနိုင်ငံတော်အလံကို ကိုင်ဆောင်ကာဖေဖော်ဝါရီလ၂၃ရက်နေ့တွင် ချီတက်ဆန္ဒထုတ်ဖော်ခဲ့ကြခြင်းဖြစ်သည်။
Public Service Announcement
“အာရက္ခတိုင်းပြည်ရေ….. ငါရို့ပြည်
အာရက္ခတိုင်းပြည်ကို….. ငါရို့ပါဝင်တည်ဆောက်ဖို့
အာရက္ခတိုင်းပြည်ကို……ငါရို့ပါဝင်ကာကွယ်ဖို့”ဟု လူငယ်များကကြွေးကြော်ချီတက်ခဲ့ကြခြင်းဖြစ်သည်။
မောင်တောဒေသခံတဦးက “မြိုလူငယ်တွေက သူတို့သဘောထားကိုသူတို့ပြကြတာပါ။ မောင်တောမှာက စစ်ကောင်စီရဲ့မြေပြင်အန္တရာယ်မရှိတော့ပေမယ့် အာဆာအကြမ်းဖက်အဖွဲ့ရဲ့ အန္တရာယ်ရှိနေသေးတယ်။ ဒီအတွက် လူငယ်တွေက ကြိုတင်တွက်ဆကြပုံရပါတယ်။ သူတို့ကတပ်တော်(AA)ကိုအပြည့်အဝယုံကြည်ကြတယ်”ဟုပြောသည်။
မြိုလူငယ်များ ကြွေးကြော်ချီတက်စဉ် ဒေသခံလူထုက ဝိုင်းရံလိုက်ပါပို့ဆောင်ခဲ့ကြသည်ဟုမြိုလူငယ်အစည်းအရုံးဥက္ကဋ္ဌ ကိုအေးလွင်က နိရဉ္စရာသတင်းဌာနသို့ ပြောကြားထားသည်။
မောင်တောမြို့ကို AAက ၂၀၂၄ ဒီဇင်ဘာလ၈ရက်နေ့တွင် တိုက်ခိုက်သိမ်းယူပြီး ထိန်းချုပ်ထားခြင်းဖြစ်သည်။ မောင်တောမြို့တွင် စစ်ကောင်စီမရှိတော့သော်လည်း စစ်ကောင်စီက စစ်သင်တန်းပေးခဲ့သူများ နှင့် ARSA အဖွဲ့၏ ခြိမ်းခြောက်မှုရှိနေသည်ဟု ဒေသခံအချို့ကပြောသည်။ ARSA အပါအဝင် စစ်ကောင်စီက စစ်သင်တန်းများပေးခဲ့သည့် မွတ်ဆလင်လက်နက်ကိုင်အဖွဲ့များသည် ဘူးသီးတောင်၊မောင်တောဒေသကိုသာမက ဒေသတွင်း ဆက်စပ်အိမ်နီးချင်းနိုင်ငံများ၏ လုံခြုံရေးကိုပါခြိမ်းခြောက်နေကြောင်း AAက ထုတ်ပြန်ထားသည်။
ရုပ်သံ-Mro Youth Union
