'/%3E%3C/svg%3E){kind=small}
မကွေးတိုင်း၊ ချောက်မြို့နယ်မှာ စစ်တပ်က ဂွေးပင်လေးရွာကို ဝင်စီးပြီး နေအိမ်တွေကို မီးရှို့ကာ ကျပ်သိန်း ၄၀၀ကျော်ဖိုး ခိုးယူသွားကြောင်း ဒေသခံများက ပြောပါတယ်။
ပြီးခဲ့တဲ့ မတ်လ ၁၁ ရက်နေ့ မနက်ပိုင်းက မကွေးတိုင်း၊ ချောက်မြို့နယ် ဂွေးပင်ကျေးရွာအုပ်စု၊ ဂွေးပင်လေးကျေးရွာကို အင်အား ၈၀ ခန့်ပါ စစ်ကောင်စီစစ်ကြောင်းက ပစ်ခတ်ဝင်ရောက်ပြီး ပြည်သူ ၇ဦးကို ဖမ်းဆီးကာ ကျေးရွာအတွင်းမှာရှိတဲ့ နေအိမ်တွေကနေ ကျပ်သိန်း ၄၅၀ ကျော်ဖိုးလောက်တန်တဲ့ ရွှေထည်ရတနာပစ္စည်းတွေ၊ ငွေကြေးတွေကို သိမ်းယူသွားတယ်လို့ ဒေသခံတွေက ပြောပါတယ်။
ဒါ့အပြင် ဖမ်းဆီးခဲ့တဲ့ ပြည်သူ ၇ဦးကို လူသားဒိုင်းလုပ်ပြီး ဂွေးပင်လေးကျေးရွာက နေအိမ်တွေကို ၆၀မမ လက်နက်ကြီးနဲ့ပစ်ခတ်ပြီး ဒရုန်းတွေနဲ့ပါ ဗုံးကြဲချခဲ့တယ်လို့ မကွေးခရိုင်ပကဖ အထူးတိုက်ခိုက်ရေးတပ်ဖွဲ့ တပ်ခွဲ-၂ ရဲ့ တာဝန်ရှိသူက ပြောပါတယ်။
Public Service Announcement
“တိုက်ပွဲလည်းမရှိဘဲ ဒီတိုင်းဝင်လုပ်သွားတာ”လို့ ၎င်းတာဝန်ရှိသူက ပြောပါတယ်။
စစ်တပ်ဟာ ကျေးရွာအတွင်းက နေအိမ် ၂ လုံးကိုလည်း မီးရှို့ဖျက်ဆီးသွားပြီး ပြည်သူတွေကိုတော့ ရိုက်နှက်ပြီး ပြန်လွှတ်ပေးခဲ့တယ်လို့ သိရပါတယ်။
ပြည်သူတွေကို လူသားဒိုင်းခေါ်ဆောင်လာလို့ တိုက်ခိုက်မှု မပြုလုပ်လိုက်ရဘူးလို့ မကွေးခရိုင်ပကဖ အထူးတိုက်ခိုက်ရေးတပ်ဖွဲ့ တပ်ခွဲ-၂ ရဲ့ တာဝန်ရှိသူက ပြောပါတယ်။
ဂွေးပင်လေးကျေးရွာမှာ အိမ်ခြေ ၂၁၇ လုံးရှိပြီး လူဦးရေ ၁၀၅၀ ဦး နေထိုင်နေကြတယ်လို့ သိရပါတယ်။
စစ်ကောင်စီအာဏာသိမ်းထားတဲ့ ၃နှစ်ကျော်ကာလအတွင်း မီးရှို့ဖျက်ဆီးမှုတွေကြောင့် အရပ်သားနေအိမ်ပေါင်း ၁၁၃,၁၀၄ လုံး မီးရှို့ဖျက်ဆီးခံထားရတယ်လို့ Data for Myanmar အဖွဲ့က ထုတ်ပြန်ထားပါတယ်။
