အာဏာသိမ်း​ခေါင်း​ဆောင်မိသားစု ​ရွှေဘုန်းပွင့်​စေတီထီးတင်တာဟာ ယတြာ​ချေတာလို့ပြည်သူ​တွေယုံကြည်

ဧပြီ-၁၂၊၂၀၂၅။​နေ့သစ်/People’s Spring

​ဗေဒင်၊ယတြာယုံကြည်အားကိုးတဲ့ အာဏာသိမ်း​ခေါင်း​ဆောင်မိသားစုဟာ စစ်ကိုင်းငလျင်ကြီး​ကြောင့် ​နေပြည်​တော်မှာအကြီးအကျယ်ပျက်စီးသွားပြီး ၁၅ ရက်အကြာမှာ မိသားစုလိုက် ​တောင်ကြီးမြို့က ​ရွှေဘုန်းပွင့်​စေတီ​တော်ကို ထီးတင်ခဲ့ပြန်ပါတယ် ။

အာဏာသိမ်း​ခေါင်း​ဆောင်ဟာ ပြီးခဲ့တဲ့ ​ဖေ​ဖော်ဝါရီ ၁၅ ရက်​နေ့ကလည်း ရန်ကုန်မြို့က ရွှေတိဂုံစေတီတော်နဲ့ အထက်ပစ္စယံကိုတက်ရောက်ပြီး ပတ္တမြားမျက်ရှင် ရုပ်ပွားတော်မြတ်ကိုဖူးမြော်သလို စိန်ဖူးတော်ရဲ့ ကြံ့ခိုင်မှုကို စစ်ဆေးခဲ့ပါတယ်။ဒါ​ကြောင့်​​ရွှေတိဂုံ​စေတီ​တော်​ပေါ်တက်ပြီး နှစ်လအတွင်းမှာ ​ရွှေဘုန်းပွင့်​စေတီ​တော်ကိုထီး​တော်တင်ပြန်တာလည်းဖြစ်ပါတယ်။ဒါဟာ အာဏာသိမ်း​ခေါင်း​ဆောင်ဗိုလ်ချုပ်မှူးကြီးမင်း​အောင်လှိုင်ဟာ စစ်ကိုင်းငလျင်ကြီး​ကြောင့် ​နေပြည်​တော်မှာကြီးမားတဲ့အပျက်အစီး​တွေကြုံရလို့ အတိတ် နမိတ်မ​ကောင်းဖူးဆိုပြီး ယတြာ​ချေတာဖြစ်တယ်လို့​ပြော​နေကြပါတယ် ​။

“မကောင်းတာလုပ်ရင် တော့ဘယ်လောက်အထိအကြိမ်ရေများများယတြာချေလည်းဘယ်ဘုရားကမှငါ့သားအလိုတော်ပြည့်စေသတည်းလို့ခွင့်ပြုမှာမဟုတ်ပါ။ကျူးလွန်တဲ့အတိုင်းပြန်ခံစားလိမ့်မယ်”လို့ ပြည်သူတဦးက ​မှတ်ချက်ပြု​ရေးသားထားပါတယ်။

Public Service Announcement

အခြားပြည်သူတဦးကလည်း “မိသားစု အသက်အန္တရာယ် အတွက်ချေတာ နောက်ကျနေပြီ”လို့​ပြောပါတယ် ။ထူးခြားတာက အာဏာသိမ်း​ခေါင်း​ဆောင်အပြင် ဇနီး ​ဒေါ်ကြူကြူလှ ၊ သမီးခင်သီရိသက်မွန် ၊သားဖြစ်သူ ​အောင်ပြည့်စုံ နဲ့ ဇနီးတို့ပါ မိသားစုအစုံအလင် ထီးတင်ပွဲကိုတက်ခဲ့တာဖြစ်ပါတယ်။အာဏာသိမ်း​ခေါင်း​​ဆောင်ဟာ အာဏာသိမ်းပြီး​နောက်ပိုင်း မိသားစုအစုံအလင် ပွဲတက်၊မှတ်တမ်းဓါတ်ပုံရိုက်ခံတာဟာ အကြိမ်​ရေအနည်းငယ်သာရှိပါတယ်။

အာဏာသိမ်း​ခေါင်း​ဆောင်နဲ့အတူ စစ်​ကောင်စီတွဲဖက်အတွင်း​ရေးမှူး ဗိုလ်ချုပ်ကြီးရဲဝင်းဦးနဲ့ ဇနီးလည်းတက်​ရောက်ခဲ့ပါတယ်။ က​မ္ဘောဇဘဏ်ပိုင်ရှင် ဦး​အောင်ကိုဝင်း တို့ကပါအတူထီး​တော်တင်ခဲ့တာဖြစ်ပါတယ်။

​ရွှေဘုန်းပွင့်​စေတီ​တော်ရဲ့ ရတနာစိန်ဖူးတော်၊ ငှက်မြတ်နားတော်၊ ထီးတင်ပွဲနဲ့ အနေကဇာတင်ပွဲမှာ အာဏာသိမ်း​ခေါင်း​ဆောင်မိသားစုက သဗ္ဗညုဘုရားရှင်အား ရည်မှန်းထားပြီး​တော့စိန်ဖူးတော်ကိုပထမမိုင်းသောက်ဆရာတော်ကြီးထံကပ်လှူခဲ့တယ်လို့စစ်​ကောင်စီကထုတ်ပြန်ပါတယ်။ဒါအပြင်ရွှေစင် ၆ ကျပ်သားရှိတဲ့ ရွှေပြားသင်္ကန်း ၁ ချပ်ကပ်ခဲ့တယ်လို့လည်း​ဖော်ပြထားပါတယ်။

“နေပြည်တော်ပျက်ပြီဆိုတော့သွေးပျက်ခြောက်ခြားပြီးယတြာပြေးခြေပြီလေ”လို့ပြည်သူတဦးက​ပြောပါတယ်။

အခြားပြည်သူတဦးကလည်း “သူနင်းတဲ့နေရာ၊ထိတဲ့နေရာတိုင်းကကျိန်ခြင်းအမင်္ဂလာမြေတွေဖြစ်ကုန်တယ်။ဘာယတြာဘဲလုပ်လုပ် သူ့အကုသိုလ်ကအကျိုးကမ​ပြောင်းလဲဘူး”လို့​ဖေစ်ဘွခ်မှာ​ရေးသားထားပါတယ်။

အာဏာသိမ်း​ခေါင်း​ဆောင်ဟာ​ ပြီးခဲ့တဲ့နှစ်လခန့်ကရွှေတဂုံ​စေတီ​တော်​ပေါ်ကိုတက်ခဲ့တဲ့အ​ပေါ် မှာလည်းပြည်သူ​တွေက ​​ဝေဖန်ခဲ့ကြပါတယ် ။

“အဲ့ဒိလို ထီးတော်တင်ပြီးရင် ခွေးကျ နွားကျ ပြုတ်ကြတာပဲလေ။ အစဉ်အဆက်”လို့ပြည်သူတစ်ဦးက အာဏာသိမ်း​ခေါင်း​​ဆောင် ​ရွှေတိဂုံ​စေတီ​​တော်​ပေါ်တက်ခဲ့တဲ့အ​ပေါ်​ပြောပါတယ်။

အခြားပြည်သူတစ်ဦးကလည်း “ခင်ညွန့်တုန်းကလည်း ရွှေတိဂုံ‌ ပေါ်တတ်ပြီးတာနဲ့ ထောင်တန်းကျတာဘဲ”လို့​မှတ်ချက်ရေးသားခဲ့ပါတယ်။

အာဏာသိမ်း​ခေါင်း​ဆောင်ဟာ​ရွှေတိဂုံ​စေတီ​တော်အထက်ပစ္စယံကိုတက်ပြီး စိန်ဖူးတော်ကြံ့ခိုင်​ရေးကိုစစ်ခဲ့တာဟာ ၂၀၂၅ ​ဖေ​ဖော်ဝါရီလ ၁၅ ရက်​နေ့ဖြစ်ပါတယ် ။အာဏာသိမ်း​ခေါင်း​ဆောင် ​ရွှေတီဂုံဘုရား​ပေါ်တက်ပြီး ၄၂ ရက်အကြာမှာ စစ်ကိုင်းငလျင်ကြီးလှုပ်ပြီး ​နေပြည်​​တော်နဲ့ မြန်မာနိုင်ငံအလယ်ပိုင်းမှာ သမိုင်းတ​လျှောက် ပျက်စီးဆုံးရှုံးမှုအများဆုံးစစ်ကိုင်းငလျင်လှုပ်ခဲ့တာဖြစ်ပါတယ်။

​ဗေဒင်ယတြာကိုယုံကြည်သလို ၊အယူသီးတဲ့ စစ်​ကောင်စီ ဟာ စစ်ကိုင်းမြို့ အနီး မတ် ၂၈ ရက်ကဗဟိုပြုလှုပ်တဲ့ ငလျင်ကို စစ်ကိုင်းငလျင်လို့မ​ခေါ်ဖို့ တရားဝင် ထုတ်ပြန်တားဆီး​ထားပါတယ် ။ ဒါဟာလည်း အယူသီးတဲ့စစ်အုပ်စုက အတိတ် နမိတ်အရမ​​ခေါ်ခိုင်းတာလို့ ပြည်သူ​တွေက​ပြောကြပါတယ်။

“နန်း မြို့ရိုး လည်းပြိုပြီ ၊ နေပြည်တော်လည်းပျက်ပြီ ၊စစ် ပင်ကြီးလည်းကိုင်းလို့ ငလျင် ဒဏ်ခံရပြီ အခုမှ ဘာကြောက် နေကြတာလဲ ။နှစ်သောင်းတန်ယတြာ”လို့ပြည်သူတစ်ဦးက မှတ်ချက်ပြုပါတယ်။

အာဏာသိမ်း ဘုရားထီးတင်လိုက် ၊​ရွှေသက်န်းကပ်လိုက်အကြိမ်ကြိမ်လုပ်​နေတဲ့ အာဏာသိမ်း​ခေါင်း​ဆောင်ကိုပြည်သူတဦးက”ကာချုပ်လုပ်ရမှာမဟုတ် ဗေဒင်ဂိုဏ်းချုပ်လုပ်ရမှာ အရည်ချင်းကအဲ့လောက်ပဲရှိလို့” လို့မှတ်ချက်ပြုပါတယ် ။