ဧပြီ ၁၄၊ ၂၀၂၅။ရဲခေါင်၊ကျော်စွာ/People’s Spring
မကွေးတိုင်း၊စလင်း-စေတုတ္တရာလမ်းပိုင်းရှိစစ်ကောင်စီ၏စခန်းကုန်းကိုသိမ်းတိုက်ပွဲတွင်စစ်သုံ့ပန်း ၄ ဦးနှင့် လက်နက်ငါးလက်ရရှိကြောင်း တိုက်ခိုက်မှုတွင်ပါဝင်သည့်ပခုက္ကူခရိုင် အမှတ် (၇) နှင့်တပ်ရင်း(၆)တို့ က ယနေ့(ဧပြီ ၁၄)အသိပေးထုတ်ပြန်သည်။
စေတုတ္တရာ နှင့် စလင်းမြို့နယ် ဆက်သွယ်ထားသော လမ်းပိုင်း၏ မိုင်တိုင် (၁၈)တွင်ရှိသော (၁၈)မိုင်စခန်းကုန်းကို PDF များက ဧပြီ ၁၂ရက်က ထိုးစစ်ဆင်ပြီး မိနစ် ၂၀အတွင်း သိမ်းပိုက်နိုင်ခဲ့သည်။
“ကပစ တွေအတွက် ထိုးနှပ်မှုတစ်ခုဖြစ်တဲ့အထိ အရေးပါပါတယ်။လက်နပ်က ငါးလက် နဲ့ အခြား ဆက်စပ်ပစ္စည်းတွေ ရရှိခဲ့ပါတယ်။သုံ့ပန်းက လေးဦး”ဟု တိုက်ခိုက်မှုတွင်ပါဝင်သော ပခုက္ကူခရိုင် တပ်ရင်း(၁၅)ကျားသစ်နက်တပ်မတော်၏ တာဝန်ရှိသူက (၁၈)မိုင်စခန်းကုန်းသိမ်းပိုက်မှုအပေါ် ပြောသည်။
Public Service Announcement
စခန်းကုန်းသိမ်းပြီးနောက် ရိုက်ကူးထားသည့် ရုပ်သံဖိုင်မှတ်တမ်းတွင် “အေးဆေးပါ။မိနစ်၂၀ပဲ ကြာလိုက်တယ်။အကုန်မီးရှို့ မြန်မြန်လေးမီးရှို့ မီးခြစ်ပါတဲ့ကောင်တွေ အကုန်ရှို့၊ သုံ့ပန်းတွေ မြန်မြန်ခေါ်”ဟု တော်လှန်ရေးတပ်ဖွဲ့ဝင်တစ်ဦးက ပြောဆိုသည်ကို တွေ့ရသည်။
စခန်းသိမ်းတိုက်ပွဲကို ပခုက္ကူခရိုင်အမှတ် (၂) တပ်ရင်းမှ စစ်ကြောင်းမှူး ဦးဆောင်၍၊ ပခုက္ကူခရိုင် အမှတ် (၆)၊ (၇)၊ (၁၄)၊ (၁၅)၊(၁၇) တပ်ရင်းများ၊ မြိုင်ပကဖ နှင့် မင်းဘူးခရိုင်အ မှတ် (၁)တပ်ရင်းတို့ ပူးပေါင်းပါဝင်တိုက်ခိုက်ခဲ့ကြခြင်းဖြစ်ကြောင်း ထုတ်ပြန်သည်။
အဆိုပါစခန်းကုန်းမှ စစ်ကောင်စီတပ်သားလေးဦးကို ဖမ်းမိရမိခဲ့ပြီး ကောင်းမွန်စွာထိန်းသိမ်းထားကြောင်း၊ ၎င်းတို့ထံမှလက် နက်ငယ် ၅ လက်ရရှိခဲ့သည်။ MA1 နှစ်လက်၊ MA3 နှစ်လက်၊ M79 တစ်လက်နှင့် ခဲယမ်းအ ချို့ သိမ်းဆည်းရမိခဲ့ကြောင်း အသိပေးသည်။
“အသေးစိတ်တော့ မထုတ်ပြန်နိုင်သေးဘူး။စကစ ဘက်က မိတာတွေရော။ သေတာတွေရော ရှိပါတယ်”ဟုပခုက္ကူခရိုင်တပ်ရင်း (၁၅) တာဝန်ရှိသူကလည်း (၁၈)မိုင်စခန်းကုန်းသိမ်းနိုင်မှုကို ပြောသည်။
ဧပြီ ၂၀ ရက်နောက်ပိုင်းကစ၍ စေတုတ္တရာ၊ပွင့်ဖြူ နှင့် စလင်းမြို့နယ်တို့ကို လေကြောင်းစစ်ဆင်ရေး ပြုလုပ်မည်ဟု စစ်ကောင်စီက ဝါဒဖြန့်ထားသည်။
လက်ရှိတွင် စလင်းမြို့နယ်ကို စစ်ကောင်စီက အင်အား ၁၀၀ ကျော်ဖြင့် စစ်ကြောင်းထိုးနေပြီး တော်လှန်ရေးတပ်ဖွဲ့များနှင့် မကြာခဏ တိုက်ပွဲများဖြစ်ပွားနေသည်။
