ဧပြီ၁၇၊၂၀၂၅။သတိုး/People’s Spring
မတ်လ ၂၈ ရက်က လှုပ်ခတ်ခဲ့သော အင်အားပြင်းစစ်ကိုင်းငလျင်ကြီးဘေးတွင် ကွယ်လွန်ခဲ့သူများအတွက် ရည်စူး၍ ယနေ့ နှစ်ဆန်းတစ်ရက်နေ့တွင် အလှူဒါနပြုလုပ်ပေးခဲ့ကြောင်း ရန်ကုန်တော်လှန်ညီနောင် ၄ဖွဲ့_Yangon 4 Brothersက အသိပေးထားသည်။
“သံဃာတော်မြတ် နေ့ဆွမ်းဆပ်ကပ်၊ သင်္ကန်းအလှူ၊ နဝကမ္မကုသိုလ်နှင့် ရေစက်သွန်းချ လှူမျှဝေခဲ့ပါ၏။ ထို့ပြင်ဆက်လက် ဘုရားတက်၍ပန်း၊ ရေချမ်းကပ်ဇီဝအသက် ငှက်၊ငါး လွှတ်ကာဘဝဆက် တိုင်း သက်ရှည် ကျန်းမာ အေးသုခနှင့် ပြည်စုံကြပါစေကြောင်း အခါခါဆုတောင်းပေးခဲ့ပါသည်။” ဟု ယင်းအဖွဲ့က ထုတ်ပြန်ထားသည်။
လှူဒါန်းမှုပြုလုပ်ခဲ့သည့် မှတ်တမ်းဓာတ်ပုံများနှင့်အတူ မြန်မာနိုင်ငံသားအားလုံး ဘေးရန်ကင်း၍ စစ်အာဏာရှင်လက်အောက်မှ လွတ်မြောက်ရန် အတွက်လည်း ဆုတောင်းပေးထားသည်။
Public Service Announcement
ရန်ကုန်တော်လှန်ညီနောင် ၄ဖွဲ့_Yangon 4 Brothers အနေဖြင့် ငလျင်ဒဏ်သင့်ဒေသများအတွက် အလှူငွေ ကျပ်သိန်း ၆၀ ကျော်ရရှိခဲ့ပြီး ပြန်လည်ကူညီသည့်နေရာများကို မှတ်တမ်းများနှင့်အတူ ထုတ်ပြန်ထားသည်။
မတ်လ ၂၈ ရက်က စစ်ကိုင်းမြို့အနီးကို ဗဟိုပြု၍ လှုပ်ခဲ့သော ငလျင်ကြောင့် သေဆုံးသူ ၃၇၂၅ဦး ၊ ပျောက်ဆုံးသူ ၁၂၉ ဦးနှင့် ဒဏ်ရာရရှိသူ ၅၀၁၆ ဦးရှိကြောင်း ဧပြီ ၁၆ရက်တွင် စစ်ကောင်စီက ထုတ်ပြန်ထားသည်။
