အိုးတိန်တွင်းရွာ စာသင်ကျောင်းလေကြောင်းတိုက်ခိုက်မှု ကျောင်းသူကလေးငယ်တစ်ဦး ထပ်မံ သေဆုံး၊ စုစုပေါင်းသေဆုံးသူ ၂၄ဦးရှိလာ

မေ ၁၄၊၂၀၂၅/People’s Spring

စစ်ကိုင်းတိုင်း၊ ဒီပဲယင်းမြို့နယ် အိုးတိန်တွင်းရွာ စာသင်ကျောင်း စစ်ကောင်စီ လေကြောင်းတိုက်ခိုက်မှုအတွင်း ဒဏ်ရာရ​ကျောင်းသူကလေးငယ်တစ်ဦး ထပ်မံသေဆုံး၍ စုစုပေါင်း သေဆုံးသူ ၂၄ဦးရှိလာကြောင်း ဒီပဲယင်းမြို့နယ်ပြည်သူ့အုပ်ချုပ်ရေးအဖွဲ့(ပအဖ)က ယနေ့(မေလ ၁၄ရက်)တွင် ထုတ်ပြန်သည်။

Grade- 3တွင် ပညာသင်ကြားနေ‌သော မပြည့်ပြည့်ငြိမ်းအသက်(၁၁)နှစ်သည် ယနေ့(မေလ ၁၄ရက်) တွင် ထပ်မံကွယ်လွန်သွားခြင်းဟု ဒီပဲယင်း ပအဖက ထုတ်ပြန်ထားသည်။

မေလ ၁၃ရက်ကလည်း ဒဏ်ရာရထားသူများထဲမှ Grade-2 တွင် ပညာသင်ကြား​နေ​သော ​မောင်အောင်ဇေယျအသက်(၈)နှစ်မှာ ထပ်မံကွယ်လွန်ခဲ့သည်။

Public Service Announcement

အဆိုပါထုတ်ပြန်ချက်များ မထုတ်ပြန်မီတွင် မြေပြင်စာရင်းကောက်ယူမှုအရ လေကြောင်းတိုက်ခိုက်ခံရမှုကြောင့် ဒဏ်ရာရသူ ၁၀၂ဦးရှိကြောင်း ဒီပဲယင်း ပအဖက ထုတ်ပြန်ထားသည်။

ထို​ကြောင့် အိုးတိန်တွင်းရွာစာသင်​ကျောင်းဗုံးကြဲခံရမှုတွင် ​​သေဆုံးသူ ကျောင်းသား​ကျောင်းသူ ၂၂ ဦး ၊ဆရာမ ၂ ဦး စုစု​ပေါင်း ၂၄ ဦး​ရှိလာသည်။

စစ်​ကောင်စီကမူ စာသင်​​ကျောင်းကို ဗုံးကြဲမှုအ​​ပေါ် ​ဗြောင်းငြင်းဆိုးပြီး ​ဒေသခံပြည်သူများကစစ်​ကောင်စီ၏ သတင်းလိမ်လည်ထုတ်ပြန်မှုအ​ပေါ်ဝေဖန်ပြစ်တင်​နေကြသည်။ NUG က စစ်​ကောင်စီသည် စာသင်​ကျောင်းကို အဆင့်ဆင့်​​ပေါက်ကွဲ​စေ​သော ကလူစတာ(cluster )ဗုံး အသုံးပြုကြဲခဲ့ခြင်းဖြစ်​ကြောင်း ထုတ်ပြန်ထားသည်​။ ရက်စက်ကြမ်းကြုတ်သည့် လူသတ်လက်နက်ဖြစ်​သော ကလူစတာဗုံးကို နိုင်ငံတကာတွင် အသုံးပြုခွင့်တားမြစ်ထားသည်။