တောင်ငူ၊ မန်းကျီးပင်အင်းရွာ၌ တိုက်ပွဲပြင်းထန်နေ၊ အိမ်များကို စစ်ကောင်စီတပ်က မီးရှို့

ဇွန်-၁၁၊၂၀၂၅။ဇော်ရမ်း/People’s Spring

တောင်ငူမြို့နယ်၊မန်းကျီးပင်အင်းရွာတွင် ယနေ့ နံနက်အစောပိုင်းမှစ၍ တိုက်ပွဲပြင်းထန်နေပြီး ရွာကို စစ်ကောင်စီတပ်က မီးရှို့နေကြောင်း ဒေသခံများကပြောသည်။

“ရွာက အမြန်လမ်းရဲ့အနောက်ဘက်မှာ။စစ်တပ်စစ်ကြောင်းဝင်လာတာကနေတိုက်ပွဲဖြစ်တာ။ စစ်တပ်ကအိမ်တွေကိုမီးလိုက်ရှို့နေတယ်ဗျ။ကျွန်တော်တို့ အပြေးမြန်လို့ ထွက်လာလို့ရတာ။ ပိတ်မိသူတွေ ရှိနေတယ်”ဟုဒေသခံတဦးကပြောသည်။

စစ်ကောင်စီတပ်ကဖုန်းလိုင်းများလည်းဖြတ်တောက်ထားပြီး မန်းကျီးပင်အင်းရွာသို့ ဖုန်းဆက်သွယ်၍မရကြောင်းတောင်ငူမြို့ခံတဦးကပြောသည်။

Public Service Announcement

၎င်းက ” ကျမတို့ ညီမတွေထွက်လာလို့မရဘူး။ ဖုန်းတွေလည်း ဖြတ်ထားတယ်။လေယာဉ်တွေလည်းတက်တယ်။ ရွာဘက်ကမီးခိုးတွေမြင်နေရတယ်”ဟုပြောသည်။

တောင်ငူမြို့နယ်အတွင်း ရန်ကုန်-မန္တလေးအမြန်လမ်း၏ ၁ မိုင်ခန့်မှ ၇ မိုင်ခန့်ဝေးသော ကျေးရွာများတွင်မေလ ၂၃ရက်နေ့မှစ၍ တိုက်ပွဲဖြစ်ခဲ့သည်။စပါးကြွယ်ရွာ၊ ကြက်တက်ညောင်ပင်ရွာ၊ကြို့ပင်ဆိပ်ရွာ၊ ကြက်ရိုးပင်ရွာ၊ တောပုရွာ၊ ဇီးပင်သာ ၊ဘိုကုန်း နှင့် ငုံးမင်းရွာတို့မှဒေသခံများ တိမ်းရှောင်နေကြရကြောင်း သိရသည်။

မေလ၂၃ရက်က တိုက်ပွဲဖြစ်နေစဉ် စစ်ကောင်စီသည် အိမ် ခြေ၄၀၀ ကျော်ရှိသည့် စပါးကြွယ်ရွာကို လေကြောင်းမှတိုက်ခိုက်ပြီး မီးရှို့ခဲ့ကြောင်း ဒေသခံများကပြောသည်။မေလ၂၈ရက်ကလည်း တောင်ငူမြို့နယ်၊ ဒိုးနယ်ရွာကို စစ်ကောင်စီတပ်က စစ်ကြောင်းထိုးပြီး ဒေသခံ ပြည်သူ၂ဦးကိုသတ်ဖြတ်သွားကြောင်း ​​​ဒေသခံအချို့က​ပြောသည်။

မြို့နယ်တွင်း၌တိုက်ပွဲများဖြစ်ပွားပြီးနောက် စစ်ကောင်စီကစစ်မှုထမ်းဥပဒေအကြောင်းပြ၍ လူငယ်များအား ဖမ်းဆီးခြင်း၊ ပေါ်တာဆွဲခြင်းများပြုလုပ်နေပြန်သည်။

ဇွန်လ၇ရက်ညကတောင်ငူမြို့၊ မင်းကြီးညိုရပ်ကွက်အပိုင်ခ‌ပေါင်းရွာမှ အသက် ၂၀လူငယ်တစ်ဦးကို ညဘက်နေအိမ်ပေါ်တက်၍ ပေါ်တာဆွဲစဉ် လေးဂွဖြင့်အပစ်ခံရသဖြင့် စစ်ကောင်စီက လူငယ်တဦးကို သေနတ်ဖြင့်ပစ်သတ်ခဲ့သည်။

https://www.facebook.com/LuduNwayOo/videos/1702975860329956

(မန်းကျီးပင်အင်းရွာတွင် ဇွန် ၁၁ ရက်နံနက်ပိုင်းကတိုကိပွဲဖြစ်ပွား​နေစဥ်။ ရုပ်သံ-​ဒေသခံတဦး)