ဇွန်-၃၀၊ ၂၀၂၅။ ထားမြတ်/People’s Spring
ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ကျောက်ကြီးမြို့နယ်တွင် စစ်ကောင်စီတပ် လေကြောင်း ဗုံးကြဲတိုက်ခိုက်ခဲ့၍ ပြည်သူ ၅ဦး ဒဏ်ရာရခဲ့ကြောင်း KNU ဗဟိုက သတင်းထုတ်ပြန်သည်။
ဇွန်လ ၂၈ရက်က ကျောက်ကြီး(လယ်ဒို)မြို့နယ် ဟင်္သာဝဲရွာကို စစ်ကောင်စီလေတပ်က လေကြောင်း တိုက်ခိုက်ခဲ့ရာ အသက် ၂နှစ်အရွယ် ကလေးငယ် ၂ဦး၊ အသက် ၁၂နှစ်အရွယ် ကလေးငယ် ၁ဦး အပါအဝင် ပြည်သူ ၅ဦး ဒဏ်ရာရရှိကာ နေအိမ် ၉လုံး ထိခိုက်ပျက်စီးခဲ့ဟု အသိပေးသည်။
စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိသူ အရပ်သားပြည်သူများနှင့် အပျက်အစီးများ၊ ဗုံးအပိုင်းအစများအား တွေ့ရစဥ်။ ဓာတ်ပုံ – KNU
ကျောက်ကြီးမြို့နယ်အတွင်း ကျေးရွာများကို လက်နက်ကြီး ပစ်ခတ်တိုက်ခိုက်မှုများ ဆက်တိုက်လုပ်ဆောင်နေသည့် စစ်ကောင်စီက ဇွန်လ ၂၆ရက်က ပြည်သူ့ကာကွယ်ရေးတပ်မတော်(PDF)နှင့် ကရင်အမျိုးသားလွတ်မြောက်ရေးတပ်မတော်(KNLA) ပူးပေါင်းတပ်၏ တိုက်ခိုက်မှုကြောင့် အထိနာခဲ့ပြီးနောက် လေကြောင်း တိုက်ခိုက်လာခြင်းဖြစ်သည်။
Public Service Announcement
PDFနှင့် KNLA ပူးပေါင်းတပ်၏ ဇွန်လ ၂၆ရက် စစ်ဆင်ရေးအတွင်း စစ်ကောင်စီတပ်ဘက်က ၇ဦးထက်မနည်း သေဆုံးခဲ့သည်။ ထို့ပြင် စစ်ကောင်စီတပ်ဖွဲ့ဝင် ၂၂ဦးကို တော်လှန်ရေး ပူးပေါင်းတပ်က ဖမ်းမိခဲ့ပြီး လက်နက်မျိုးစုံ ၂၈လက်နှင့်ခဲယမ်းများ သိမ်းပိုက်နိုင်ခဲ့ကြောင်း တိုက်ပွဲဝင် တော်လှန်ရေးတပ်ဖွဲ့များက သတင်းထုတ်ပြန်ထားသည်။
ဇွန်လ ၂၆ရက်က စစ်ကောင်စီတပ်သည် KNU တပ်မဟာ(၃)နယ်မြေ မူး(မုန်း)မြို့နယ်ကို လက်နက်ကြီး ပစ်ခတ်တိုက်ခိုက်ခဲ့၍ ပြည်သူ သေဆုံးထိခိုက်ရှိခဲ့သည်။ ကညွတ်ကွင်း အခြေစိုက် ခမရ-၄၃၉ တပ်စခန်းမှ လင်းရောင်ခင်ကျေးရွာသို လက်နက်ကြီး ပစ်ခတ်ခဲ့၍ အမျိုးသမီး ၁ဦး၊ လူငယ် ၁ဦး ပွဲချင်းပြီး သေဆုံးခဲ့ဟု KNU ဗဟိုက ထုတ်ပြန်ထားသည်။
