ဇူလိုင်-၄၊၂၀၂၅။ မေ/People’s Spring
မန္တလေးတိုင်း၊မြင်းခြံခရိုင်ထဲကရွာတွေက စစ်တပ်ဆီကိုလက်နက်နဲ့ရိက္ခာပို့လာတဲ့စစ်တပ်ယာဉ်တန်းနဲ့ လုံခြုံရေးယူလာတဲ့ စစ်သားတွေကို PDF တွေကတိုက်ခိုက်တာမှာစစ်သား၃၀ကျော်သေဆုံးပြီး ရိက္ခာပို့ယာဉ်နှစ်စီးကို နဲ့သုံ့ပန်း၃ဦးကိ ဖမ်းဆီးရရှိမိခဲ့တယ်လို့ မြင်းခြံခရိုင်တပ်ရင်း-၇ (Zero ပျောက်ကြားတပ်ဖွဲ့) ကတာဝန်ရှိသူကပြောပါတယ်။
ဇူလိုင်လ ၂ ရက်နဲ့ ၃ ရက်မှာ မြို့သာမြို့ဘက်ကနေ ငါန်းဇွန်၊ငမြာကြီးကျေးရွာ တွေဘက်ကိုလက်နက်ခဲယမ်းကားအပါအဝင်ရိက္ခာပို့စစ်ကား ၅စီးကို အင်အား၁၀၀ပါ စစ်ကြောင်းထွက်လာတယ်လို့သိရပါတယ်။
အဲဒီစစ်ကြောင်းဟာ မြင်းခြံနဲ့ ငါန်းဇွန်မြို့နယ်အစပ်မှာ တော်လှန်ရေးတပ်တွေ ကြိုတင်ထောင်ထားတဲ့ မိုင်းတွေထိသွားတယ်လို့ တပ်ရင်း (၇) တာဝန်ခံဗိုလ်သက်ကြီးပြောပါတယ်။
Public Service Announcement
မိုင်းတွေထိပြီး စစ်ကြောင်းကဖရိုဖရဲနဲ့ ခြံပုတ် တွေကို သေနတ်နဲ့ ပစ်ခတ်ပြီး လျှိုထဲဝင်ပြေးချိန် အ ပေါ်စီးကနေ တော်လှန်ရေး တပ်တွေဟာစနိုက်ဘာနဲ့ ပစ်ခတ်ခဲ့တာလို့သိရပါတယ်။
“အဲဒီမှာ ကျွန် တော်တို့ပထမဆုံးပစ်ခတ်ခဲ့တာ စစ်ကြောင်းမှူးပဲ။ယူနီဖောင်းနဲ့။အဲဒီမှာဖရိုဖရဲဖြစ်တဲ့အချိန် ဂန်းငယ် တွေနဲ့ဆက်ပစ်တယ်။သူတို့က ကျွန် တော်တို့ ပစ်ပြီး ပြေးမယ်ထင်ပြီး ပြန်လိုက်တဲ့အချိန်မှာကျွန်တော်တို့ကကာထားပြီး RPG နှစ်လုံး ပစ်သွင်းလိုက်ချိန်မှာ တော်တော်များများ သေသွားတာ တွေ့ရတယ်”လို့ဗိုလ်သက်ကြီးက ပြောပါတယ်။
အဲဒီနောက်ကျန်နေတဲ့စစ်သားတွေဟာ ရိက္ခာကားနှစ်စီးကို အကာကွယ်ယူကာ ခဲယမ်းကားတစီးကို ရအောင် ပြန်ယူပြီး မြို့သာဘက်ကိုတပ်ပြန်ဆုတ်သွားတယ်လို့သိရပါတယ်။
“ဒါတောင်မှ သေတဲ့ ေးတွေရဲ့ အလက်တချို့ပြန်ကောက်ပြီး တင်မောင်းသွားတာရှိတယ်။အဲ့မှာ ကျွန်တော်တို့ကလိုက်ပစ်တော့ကားပေါ်မှာသုံးလေးယောက် လောက်ထပ် သေသွားတယ်”လို့ ဗိုလ်သက်ကြီးဆက်ပြောပါတယ်။
တိုက်ပွဲဟာ မနက် ၇ နာရီကျော်ကနေ ၁ဝနာရီလောက်အထိ ၄ နာရီနီးပါးကြာခဲ့ပြီး မြို့သာဘက်က စစ်တပ်ကလည်းလက်နက်ကြီး ၊ဟောင်ဝစ်ဆာနဲ့ပစ်ခတ်သလို ဂျက်ဖိုက်တာလည်းတက်လာတာမို့ တပ်ပြန်ဆုတ်ခဲ့တယ်လို့ဆိုပါတယ်။
အဲဒီနောက် နယ် မြေရှင်းလင်း ရေးလုပ်ချိန် စစ်သားအလောင်း ၃၀ ကျော် တွေ့ရှိခဲ့ပြီးစစ်သုံ့ပန်း ၃ ဦးဖမ်းမိကာ တဦးဟာ ရဲဘော်ရဲ့ လက်နက်ကိုလာလုတာမို့ ရှင်းလင်းလိုက်ရတယ်လို့ဆိုပါတယ်။
ထုတ်ပြန်ချက်မှာ စစ်သားအလောင်းတွေရဲ့ဓါတ်ပုံတွေနဲ့တကွထုတ်ပြန်ထားတာတွေ့ရပါတယ် ။စစ်သားရုပ်အလောင်းတွေကို People’s Spring တယ်လီဂရန်ချန်နယ် https://t.me/PeopleSpring/81353?single မှာဖော်ပြထားပါတယ် ။
ဒီတိုက်ပွဲကို မြင်းခြံခရိုင်တပ်ရင်း-၇နဲ့မန္တလေးခရိုင်တပ်ရင်း ၅ မဟာမိတ်တပ်ဖွဲ့ တွေ ပူး ပေါင်းတိုက်ခိုက်ခဲ့တာလို့သိရပါတယ်။
