ဖယ်ခုံအင်းအရှေ့ခြမ်း ကျေးရွာများကို စစ်ကောင်စီပူးပေါင်းတပ် မီးရှို့နေ

ဇူလိုင်-၂၇၊၂၀၂၅။ရဲခေါင်/People’s Spring

ရှမ်းပြည်တောင်ပိုင်း၊ ဖယ်ခုံမြို့နယ် ဖယ်ခုံအင်းအရှေ့ခြမ်းရှိ ကျေးရွာများကို စစ်ကောင်စီတပ်နှင့် PNO ပြည်သူ့စစ်တို့က မီးရှို့ဖျက်ဆီးနေကြောင်း ဒေသခံနှင့် ကာကွယ်ရေးရဲဘော်အချို့က ပြော သည်။

နေအိမ်၁၀၀ခန့်ရှိသည့်ကာလရွာနှင့်နားကုန်းကျေးရွာတို့ကိုယနေ့(ဇူလိုင် ၂၇ ရက်) နံနက်ပိုင်း ကတည်းက မီးတင်ရှို့ခံနေရခြင်းဖြစ်ပြီး ဒေသခံများမှာ ယခင်လကတည်းက စစ်ရှောင်နေရသည်ဟု ၎င်းတို့က ဆိုသည်။

“ဖယ်ခုံအင်း အရှေ့ဖက်ကမ်းဘက်ခြမ်း ညောင်ရွှေနဲ့ ဖယ်ခုံမြို့နယ်အစပ်က ရွာတွေပါ။ရှို့တာ စကစ ၊ရော PNOရော ပါတယ်”ဟု ဖယ်ခုံမြို့ခံတစ်ဦးက ပြောသည်။

Public Service Announcement

တော်လှန်ရေးအင်အားစုများနှင့် ဆက်စပ်သူများနှင့် အားပေးခဲ့သူများဟုဆိုကာ အရပ်သားနေအိမ်များကို စစ်ကောင်စီနှင့် PNOတို့က အကြောင်းမဲ့ မီးရှို့ဖျက်ဆီးခြင်းဟု ၎င်းက ပြောသည်။

“လက်နက်ကိုင်ပြီး ကျွန်တော်တို့ပြည်သူတွေကိုမကာ ကွယ်ပေးနိုင်ခဲ့တာ များစွာစိတ်မကောင်းဝမ်းနည်းရပါတယ်”ဟုရှမ်းပြည်တောင်ပိုင်းအခြေ စိုက် ကာကွယ်ရေးတပ်ဖွဲ့ဝင်တစ်ဦးက ပြောသည်။

အင်အား ၁,၀၀၀ခန့်ပါသောစစ်ကောင်စီတပ်နှင့် PNOပူးပေါင်းစစ်ကြောင်းသည် ဇွန်လနောက်ဆုံးပတ်က ဖယ်ခုံအင်းအရှေ့ဘက်ခြမ်းရှိ ဆောင်နန်းခဲရွာကို ဝင်ရောက်ပြီး ရွာလုံးကျွတ် နီးပါးမီးရှိုခဲ့ကြောင်း ဒေသတွင်းလူမှုအဖွဲ့အစည်းများက ထုတ်ပြန်ထားသည်။

ကရင်နီလူမှုအသင်းအဖွဲ့များကွန်ရက် (KCSN)၏ ဇူလိုင်ပထမပတ်က အစီရင်ခံစာတွင် ဇွန်လတစ်လအတွင်းး ဖယ်ခုံမြို့နယ်၌ စစ်ကောင်စီက လေကြောင်းနှင့် လက်နက်ကြီးပစ်ခတ်တိုက်ခိုက်မှု ခြောက်ကြိမ်ရှိခဲ့ပြီး ကလေးငယ်များအပါအဝင် ပြည်သူခုနစ်ဦး သေဆုံးခဲ့သည်။

ထို့အပြင်ယခုဇူလိုင်၁၈ရက်က ဖယ်ခုံမြို့ အရှေ့ဘက်ခြမ်းကို စစ်ကောင်စီတပ်က လက်နက်ကြီးဖြင့် ပစ်ခတ်မှုကြောင့် ပြည်သူငါးဦး သေဆုံးခဲ့ရသည်။

အာဏာမသိမ်းမီကလူဦးရေတစ်သိန်းကျော်ရှိခဲ့သောဖယ်ခုံမြို့နယ်၌ ပြည်သူခြောက်သောင်းဝန်းကျင်မှာ ကာလရှည်ကြာစွာ စစ်ရှောင်နေရကြောင်း KCSN၏ အစီရင်ခံစာ၌ ဖော်ပြထားသည်။