ဩဂုတ် ၉၊ ၂၀၂၅။ ထားမြတ်/People’s Spring
ကရင်အမျိုးသားအစည်းအရုံး(KNU) တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများ ဖြစ်ပွားခဲ့ရာ ဒေသခံပြည်သူ ၁၃ဦးထိ သေဆုံးခဲ့ကြောင်း KNU တောင်ငူခရိုင်က သတင်းထုတ်ပြန်သည်။
KNU တောအူး(တောင်ငူ)ခရိုင်၌ဩဂုတ်၄ရက်ညကမိုးသည်းထန်စွာရွာသွန်းမှုကြောင့် ဒေါ်ဖားခို (သံတောင်) မြို့နယ်နှင့် ထေားတထူ (ထန်းတပင်) မြို့နယ်များ၌ ရေကြီး၊ရေလျှံမှုနှင့် တောင်ကျရေများတိုက်စားမှုကြောင့် မြေပြိုမှုများဖြစ်ပွားခဲ့ဟု ဆိုသည်။
တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများကြောင့် သေဆုံးခဲ့ရသည့် ရုပ်အလောင်းများနှင့် ပျက်စီးမှုများ။ ဓာတ်ပုံ – KNU တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများကြောင့် သေဆုံးခဲ့ရသည့် ရုပ်အလောင်းများနှင့် ပျက်စီးမှုများ။ ဓာတ်ပုံ – KNU တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများကြောင့် သေဆုံးခဲ့ရသည့် ရုပ်အလောင်းများနှင့် ပျက်စီးမှုများ။ ဓာတ်ပုံ – KNU တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများကြောင့် သေဆုံးခဲ့ရသည့် ရုပ်အလောင်းများနှင့် ပျက်စီးမှုများ။ ဓာတ်ပုံ – KNU တောင်ငူခရိုင် တပ်မဟာ(၂)နယ်မြေတွင် မိုးသည်းထန်စွာ ရွာသွန်းမှုကြောင့် ရေကြီး၊ ရေလျှံမှုများနှင့် မြေပြိုမှုများကြောင့် သေဆုံးခဲ့ရသည့် ရုပ်အလောင်းများနှင့် ပျက်စီးမှုများ။ ဓာတ်ပုံ – KNU
ဩဂုတ်၆ရက်အထိအခြေအနေများအရသေဆုံးသူ၁၃ဦး ရှိပြီးပျောက်ဆုံးနေသူများလည်းရှိကြောင်း အသိပေးသည်။ ပျောက်ဆုံးသူများကို လိုက်လံရှာဖွေလျက်ရှိဟု အသိပေးသည်။
Public Service Announcement
” သံတောင်ကြီးမြို့တွင် မြို့တွင်းသာမက ရွာငယ်များတွင် မြေပြိုမှုများရှိနေပြီး ရွာငယ်များထဲ ထီးပူခီးရွာသည် စိုးရိမ်ရအခြေနေတွင် ရှိပြီး ဒေသခံ ပြည်သူလူထုများအတွက် အရေးပေါ် လူသားချင်းစာနာထောက်ထားမှု အကူအညီများလည်း လိုအပ်လျှက်ရှိသည်။”ဟု KNU တောင်ငူခရိုင်က ထုတ်ပြန်သည်။
ရေဘေးနှင့် မြေပြိုမှုကြောင့် တံတားများ၊လမ်းများ ပျက်စီးမှုရှိခဲ့ကြောင်းလည်း အသိပေးထားသည်။
ရာသီဥတုများခန့်မှန်းမရ၍ အန္ဒရာယ်ရှိနေနိုင် သည့်အတွက် ဘေးလွတ်ရာများသို့ ပြည်သူများ တိမ်းရှောင်နေကြရဟု ဆိုသည်။
ထို့ပြင် မြေပြိုကျမှုကြောင့် ဥယျာဉ်ခြံနှင့် နေအိမ်ပြိုကျ ပျက်စီးမှုများရှိပြီး တောင်တတ်လမ်းများသည်လည်း မြေပြိုမှုကြောင့် လမ်းများပိတ်ဆို့နေပြီး သွားလာရခက်ခဲနေကြောင်း ထုတ်ပြန်သည်။
KNU တပ်မဟာ(၃)နယ်မြေ ညောင်လေးပင်ခရိုင် ကျောက်ကြီး၊ ရွှေကျင်၊ မုန်း မြို့နယ်များ၌လည်း ဇူလိုင်နောက်ဆုံးပတ်မှစ၍ ရေကြီး ရေလျှံမှုများ ဖြစ်ပေါ်လျက်ရှိရာ ကျေးရွာပေါင်း ၁၅၀ ကျော် ရေဘေးကြုံခဲ့ရပြီး နေအိမ်များ ရေထဲ မျောပါပျက်စီးခြင်း၊ လယ်ဧကသောင်းချီ ရေနစ်မြှုပ်ခြင်း ဖြစ်ပေါ်ခဲ့ပြီး အရေးပေါ် အကူအညီများလိုအပ်လျက်ရှိဟု ဒေသတွင်းကူညီရေးအဖွဲ့ အချို့က အသိပေးထားသည်။
