မုံရွာမြို့နယ် ၊ရေနံကုန်းရွာကို စစ်တပ်မီးရှို့

ဩဂုတ်-၁၂၊ ၂၀၂၅။ မေ/People’s Spring

စစ်ကိုင်းတိုင်း၊ မုံရွာ-အရာတော်လမ်းပိုင်းကို စစ်ကြောင်းထိုးနေတဲ့ စစ်အုပ်စုဟာ ဒီနေ့ နေ့လည်ပိုင်းမှာ ရေနံကုန်းကို မီးရှို့ဖျက်ဆီးနေတယ်လို့ ဒေသခံတွေက ပြောပါတယ်။

ဩဂုတ် ၈ ရက်ကစတင်ကာ မုံရွာ-‌ကျောက္ကာ-အရာတော်လမ်းပိုင်းကို စစ်အုပ်စုက အမြောက်ကား၂စီးအပါ စစ်အင်အားများစွာနဲ့ စစ်ကြောင်းထိုးနေတာလို့ သိရပါတယ်။

“ကျောက္ကာနဲ့ တော့ကပ်နေတယ်။ရေနံကုန်းနဲ့။ရေနံကုန်းကအရင်က တော်လှန် ရေးမတိုင်ခင်ကာလက ရေနံချက်ဖို တွေရှိတဲ့ နေရာ ပေါ့”လို့ မုံရွာမြို့နယ်ပကဖ တာဝန်ရှိသူက ပြောပါတယ်။

Public Service Announcement

အဲဒီစစ်ကြောင်းဟာ တော်လှန်ရေးတပ်တွေနဲ့ ထိတွေ့တိုက်ပွဲဖြစ်ပွားခဲ့ပြီး အရာတော်မြို့နယ်ဘက်ကပါ စစ်အင်အားတွေ ထပ်တိုးကာ ကျောက္ကာရွာမှာ တပ်စွဲထားတာလို့ ဒေသခံတစ်ဦးက ပြောပါတယ်။

“ဒီနေ့ နေ့လည်၁၂လောက်မှာ ရွာကို မီးစရှို့ နေပြီ။ အပျက်စီးတော့ မသိရသေးဘူး။ အကုန်ရှောင် နေကြရတာ။ မီးခိုးလုံးတွေ အပြင်ကနေ မြင်နေရတယ်”လို့ ဒေသခံက ဆိုပါတယ်။

မုံရွာမြို့နယ်ပြည်သူ့ကာကွယ်ရေးအဖွဲ့တာဝန်ရှိသူကတော့ စစ်ကောင်စီတပ်ဟာ မုံရွာမြို့နယ်မှာ နယ်မြေစိုးမိုးမှု အနည်းငယ်သာရရှိထားတာမို့ လမ်းပိုင်းစိုးမိုးမှုကိုရယူချင်သလို ကုန်စည်ဖြတ်တောက်မှုပြုလုပ်ဖို့လည်း ဖြစ်နိုင်တယ်လို့ ပြောပါတယ်။

မ နေ့ကလည်းစစ်တပ်က အမြှောက်ကားနှစ်စီးနဲ့အင်အားထပ်တိုးတာမို့ စုစုပေါင်း ကား၄စီးနဲ့ အင်အား၂၀၀ ဝန်းကျင်နဲ့ထပ်မံစစ် ကြောင်းထိုးနေတာလို့သိရပါတယ်။

စစ်ကောင်စီ စစ်ကြောင်းကြောင့် ဩဂုတ် ၈ရက်ကနေ ဒီနေ့အထိ မုံရွာ-အရာတော်လမ်းပိုင်းကို လမ်းပိတ်ထားတယ်လို့ သိရပါတယ်။