အောက်တိုဘာ-၂၆၊၂၀၂၅။ရောင်နီ/People’s Spring
ရန်ကုန်မြို့၊စမ်းချောင်းမြို့နယ်မှာ အမျိုးသားတစ်ဦး ၆ လွှာတိုက်ခန်းကနေ ဘေးနားက ဘုရားကျောင်းပေါ်ကို ပြုတ်ကျခဲ့တာကြောင့် ကူညီကယ်ဆယ်ပေးခဲ့ရတယ်လို့ အနာဂတ်အလင်းတန်း ပရဟိတအသင်းက အသိပေးထားပါတယ်။
ဒီနေ့ (အောက်တိုဘာ ၂၆ ရက် ) မနက်ပိုင်း ၆ နာရီကျော်မှာ စမ်းချောင်းမြို့နယ် ၊ မြေနီကုန်း မြောက်ရပ်ကွက် ရှမ်းကုန်းလမ်းမှာရှိတဲ့ တိုက်ခန်း ၆ လွှာကနေ အမျိုးသားတစ်ဦး ပြုတ်ကျခဲ့တာပါ။
ဒါပေမယ့်မြေပြင်အထိပြုတ်မကျခဲ့ဘဲတိုက်ဘေးမှာရှိတဲ့စရီစရီ မယ်တော်ဘုရားကျောင်းပေါ်ကို ကျခဲ့တာကြောင့် ထိခိုက်ဒဏ်ရာအနည်းငယ်သာ ရရှိခဲ့တယ်လို့ အထက်ပါပရဟိတအသင်းက ဓာတ်ပုံတွေနဲ့ ထုတ်ပြန်ထားပါတယ်။
Public Service Announcement
ပြုတ်ကျတဲ့အမျိုးသားကိုကုသမှုတွေ ပြုလုပ်ပေးခဲ့ပြီး စမ်းချောင်းမြို့နယ်မီးသတ် ၊ အရန်မီးသတ်တပ်ဖွဲ့တွေနဲ့အတူ ကူညီကယ်ဆယ်ရေးလုပ်ဆောင်ကာ ရန်ကုန်ဆေးရုံကြီးကိုပို့ဆောင်ပေးခဲ့တယ်လို့ အနာဂတ်အလင်းတန်းအသင်းက အသိပေးထားပါတယ်။
ပြီးခဲ့တဲ့ စက်တင်ဘာလထဲမှာ လသာမြို့နယ်မှာလည်း အမျိုးသားတစ်ဦး တိုက်ပေါ်မှပြုတ်ကျခဲ့ပြီး ဂမုန်းပွင့်အဆောက်အဦးဆင်ဝင်ခေါင်မိုး ပေါ်သို့ ကျခဲ့တာကြောင့် အသက်ရှင်လျက်ကယ်တင်နိုင်ခဲ့ပါတယ်။
