စက်တင်ဘာ-၁၃၊၂၀၂၆။ ရောင်နီ၊သုည/People’s Spring
ရန်ကုန်မြို့၊စမ်းချောင်းမြို့နယ်က Bar4U ဆိုင်မီးလောင်ခဲ့ပြီး အမျိုးသား ၂ ဦးသေဆုံးတယ်လို့ သွားရောက်ကူညီတဲ့ လူမှုကူညီရေးအဖွဲ့ဝင်တွေကပြောပါတယ်။
“စမ်းချောင်း ဝင်းဘီယာဆိုင်ဘေးက Bar4U ဆိုင်ကနေ ဝါယာရှော့ဖြစ်ပြီး စလောင်တာပါ။ ချက်ချင်းကြီး အုန်းဆို ထပေါက်တာမျိုး မဟုတ်ဘဲ တဖြည်းဖြည်းနဲ့ မီးထတောက်ပြီး လောင်တာပါ။ ဆိုင်ကိုလာတဲ့ လူတွေတော့ အပြင်ကို ထွက်ပြေးကြတာနဲ့ လွတ်ပါတယ်။ အပေါ်ထပ် ထပ်ခိုးပေါ်က ဝန်ထမ်း ၂ ယောက် သေတယ်လို့ ကြားပါတယ်” လို့ စမ်းချောင်းမြို့နယ်နေ ပြည်သူတစ်ဦးက ပြောပါတယ်။
စက်တင်ဘာ ၁၃ည ၈ နာရီကျော်မှာ စမ်းချောင်းလမ်းမှာရှိတဲ့ Bar4U ဆိုင်မှာ မီးလောင်မှုဖြစ်ခဲ့တာဖြစ်ပြီး နာရီဝက်လောက် မီးငြှိမ်းသတ်ခဲ့ရတယ်လို့ မီးသတ်တပ်ဖွဲ့ကဆိုပါတယ်။
Public Service Announcement
“မုန့်တွေမှာနေကြရင်းညှော်နံ့တွေရလို့ မီးတွေအကုန်ပိတ်ပြီးကြည့်လိုက်မှ အပေါ်က Slight မီးက အငွေ့တွေထွက်နေရင်းနဲ့ မီးထလောင်လာတာပါ”လို့ ဒီဖြစ်စဉ်ကိုကြုံခဲ့ရသူကပြောပါတယ်။
မီးလောင်မှုမှာ ဓါတ်ငွေ့အိုးပေါက်ကွဲတာတွေရှိခဲ့ပြီး ဘေးဆိုင်တွေကိုလည်း ကူးစက်တာတွေရှိတယ်လို့ ဒေသခံတစ်ဦးကပြောပါတယ်။မီးလောင်ချိန် ဆိုင်အပေါ်ထပ်မှာ လူတွေကျန်သေးကြောင်း ပြောနေတာကို တိုက်ရိုက်ထုတ်လွှင့်တဲ့ ဗီဒီယိုဖိုင်တွေမှာတွေ့ရပါတယ်။
“Bar4U ရဲ့ အပေါ်ထပ် ထပ်ခိုးပေါ်မှာ အမျိုးသား ၂ ဦး သေဆုံးတာ တွေ့ခဲ့ပါတယ်။ ဆိုင်ခန်းက ကျဥ်းတော့ မီးခိုးမွှန်ပြီး သေတယ်လို့ ထင်ပါတယ်။ Dead Body ကို အပေါ်ထပ်ကနေ လှေကားနဲ့ချပြီးရန်ကုန်ဆေးရုံကို ပို့လိုက်ပါပြီ” လို့ ပရဟိတအဖွဲ့ဝင်တစ်ဦးက ပြောပါတယ်။
ည ၈ နာရီ ၂၄ မိနစ်မှာ မီးစလောင်သဖြင့် Level 1 ယာဉ်အုပ်စု သွားရောက်ငြှိမ်းသတ်ရာ ၈ နာရီ ၄၅ မိနစ်မှာ မီးငြိမ်းခဲ့တယ်လို့မီးသတ်တပ်ဖွဲ့ကဆိုပါတယ်။
