■ဖမ်းမိတဲ့အထဲ မြန်မာစစ်တပ်အတွက် တရုတ်ဒရုန်းတွေသယ်ပေးသူဆိုသူမြန်မာ ၄ ဦးပါဝင်
ဒီဇင်ဘာ-၂၃၊၂၀၂၅။People’s Spring
ထိုင်းစစ်တပ်က ဘန်ကောက်မြို့၊ သုဝဏ္ဏဘူမိ လေဆိပ်နားမှာ ပြီးခဲ့တဲ့ ယသီတင်းပတ်ကုန်က မသင်္ကာစရာ ဒရုန်းတချို့ ပျံသန်းနေတာကို တွေ့ရှိခဲ့တဲ့နောက် ရှားဖွေဖမ်းဆီးရာကနေ ဒရုန်း အစင်းပေါင်း ၂၅၀၀ ကျော်ကို သိမ်းဆည်းရမိခဲ့ကြောင်း ထိုင်းစစ်တပ်က ကြေညာခဲ့ပါတယ်။
ထိုင်းစစ်တပ်ရဲ့အမှတ်(၂ )စစ်ဒေသကွပ်ကဲရေး ဌာနရဲ့ဒီဇင်ဘာ ၂၃ ရက်နေ့ ထုတ်ပြန်ချက်အရ စစ်တပ်နဲ့ အမျိုးသားအသံလွှင့်နဲ့ ဆက်သွယ်ရေး ကော်မရှင် (NBTC) တာဝန်ရှိသူတွေ၊ လုံခြုံရေး အေဂျင်စီတွေရဲ့အရာရှိတွေပူးပေါင်းပြီးမသင်္ကာစရာဒရုန်းတွေအများအပြားကိုသိမ်းဆည်းရမိခဲ့တာလို့ သိရပါတယ်။
Public Service Announcement
ဘန်ကောက်မြို့၊ သုဝဏ္ဏဘူမိ လေဆိပ်နားမှာ ပြီးခဲ့တဲ့ သီတင်းပတ်ကုန်က မသင်္ကာစရာ ဒရုန်းတချို့ ပျံသန်းနေတာကို တွေ့ရှိခဲ့တဲ့နောက် အခုလို ရှာဖွေ ဖမ်းဆီးမှုတွေ လုပ်ဆောင်ခဲ့တာပါ။အဲဒီဒရုန်းတွေ တွေ့ရှိမှုကို အကြောင်းပြုပြီး လေဆိပ်နားက ဟို
တယ်မှာ ရှိနေတဲ့ မြန်မာ နိုင်ငံသား ၄ ဦးကိုလည်း တရုတ်လုပ်ဒရုန်းတွေနဲ့အတူဖမ်းဆီးရမိခဲ့ပါတယ်။ စစ်ဆေးမှုတွေအရ မြန်မာနိုင်ငံသား၄ ဦးဟာ ဒရုန်းတွေကို မြန်မာစစ်တပ်ဆီ ပို့ဆောင်ပေးဖို့ ငှားရမ်း ခံထားရကြောင်း ဖော်ထုတ် သိရှိခဲ့ပါတယ်။
စုစုပေါင်း အနေနဲ့ကတော့ ကွဲပြားတဲ့ နေရာတွေမှာ ဒရုန်း ၂၅၀၀ ကျော်ကို သိမ်းဆည်းရမိခဲ့တာဖြစ်ပြီး ဘယ်နေရာတွေမှာ၊ ဘယ်လို စစ်ဆင်ရေးမျိုးနဲ့ ရှာတွေ့ခဲ့သလဲ ဆိုတာကိုတော့ အမှတ် ၂ စစ်ဒေသ ကွပ်ကဲရေး ဌာနက အသေးစိတ် မထုတ်ပြန်သေး
ပါဘူး။
ဒါပေမဲ့ ကနဦး စစ်ဆေးချက်တွေအရ အဲဒီဒရုန်းတွေဟာ ရုရှား စစ်စခန်းတွေကို တိုက်ခိုက်ရာမှာ ယူကရိန်းစစ်တပ်က အသုံးပြုခဲ့တဲ့ အမျိုးအစားတွေနဲ့ ဆင်တူတယ်လို့သိရပါတယ်။
အဲဒီဒရုန်းတွေဟာ နိုင်ငံပိုင်နက်ထဲကိုကုန်းလမ်းကနေ မှောင်ခို ဝင်ရောက်လာပြီး တခြားကုန်စည်တွေနဲ့ ရောနှော သယ်ဆောင်လာတယ်လို့ ယုံကြည်ရကြောင်း သိရပါတယ်။အဲဒီဒရုန်းတွေဟာထိုင်းနိုင်ငံအတွက်ခြိမ်းခြောက်မှု ပုံစံအသစ်တစ်ခု ဖြစ်
လာနိုင်တယ်လို့လည်းအမှတ်(၂)စစ်ဒေသကွပ်ကဲရေး ဌာနက သတိပေးထားပါတယ်။
လောလောဆယ်တော့ သိမ်းဆည်းရမိထားတဲ့ ဒရုန်းအရေအတွက် ၂၅၀၀ ကျော်ထိ ရှိလာပြီး အချက်အလက်တွေကို စိစစ်နေဆဲလို့ စစ်တပ်ရဲ့ ထုတ်ပြန်ချက်မှာ ပါရှိခဲ့ပါတယ်။ ပြီးတော့ အသေးစိတ် အကြောင်းအရာတွေကို နောက်ဆက်တွဲထုတ်ပြန်သွားမယ်လို့လည်း သိရပါတယ်။
ကိုးကား: Nation
