ဒီဇင်ဘာ – ၂၅ ၊၂၀၂၅ ၊ မေနွယ်ဦး /People’s Spring
အာဏာသိမ်းစစ်ကောင်စီကကျင်းပမယ့် ရွေးကောက်ပွဲ ရက်နီးကပ်လာချိန်မှာကရင်ပြည်နယ်မြို့တော်ဘားအံမြို့ပေါ်မှာလုံခြုံရေးတင်းကျပ်လာပြီး စစ်ကားတွေနဲ့ ကင်းလှည့်တာမျိုး လုပ်ဆောင်လာတယ်လို့ ကရင်သတင်းရင်းမြစ်တွေဆီကသိရပါတယ်။
ကရင်နှစ်သစ်ကူး (ဒီဇင်ဘာလ ၁၉ ရက်) ကစတင်ပြီး ဘားအံမြို့ပေါ်မှာ အင်အား၂၀ ခန့် ပါတဲ့ စစ်ကားသုံးစီးဟာဒရုန်းကာကွယ်ရေးစက်သယ်ဆောင်ပြီး နေ့တိုင်းနီးပါးကင်းလှည့်နေတာပါ။
ဒါက လာမယ့်ရက်ပိုင်းအတွင်းကျင်းပမယ့် ရွေးကောက်ပွဲအတွက် မြို့လုံခြုံရေးကင်းလှည့်တာဖြစ်တယ်လို့ ကရင်သတင်းရင်း မြစ်က ပြောပါတယ်။
Public Service Announcement
အခုလ ဒီဇင်ဘာ ၂၈ ရက်မှာကျင်းပမယ့် စစ်ကောင်စီရဲ့ရွေးကောက်ပွဲ အပိုင်း(၁) မှာ ကရင်ပြည်နယ်က သုံးမြို့နယ် ပါဝင်ပြီး ဘားအံ ၊ မြဝတီနဲ့ သံတောင်ကြီးမြို့နယ်တို့ပါဝင်နေတာပါ။
ဘားအံ မဲဆန္ဒနယ်မှာ တော့ စစ်ကောင်စီရဲ့ လက်ရှိ ပြည်နယ်ဝန်ကြီးချုပ် ဖြစ်သူ ဦးစောမြင့်ဦးက ပြည်နယ်လွှတ်တော်မဲဆန္ဒနယ်က နေဝင်ပြိုင်ထားပါတယ်။
